JIRIMIA 49:8 - Tanou Moonsoi Timugon

⁸ Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

JIRIMIA 49:8 ပူးပေါင်းရင်းမြစ်များ

JISAYA 2:21

Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 21:13

Gitio noyo tanou ru Tuhan intor ra Arab. Alii ra ulun ru Didan, Kafilah-kafilah mino nangkim giu' ra Arab, tana' ra mapua' no.

JISAYA 34:5

Giu' ra limbowon Tuhan nomongo noyo ra ilang, am ragino ilang no makalumpa' ra bansa' ru Idom, ulun ondo' inukuman am pusoon.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 48:28

“Mamagun kau ru Moab, iruani' bandar-bandar mino! Ongoi no ra bulur batu am ayan no ra giu' koson ra susuit asang ondo' nanabunsut giu' ra tobo ru lagam.

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 48:6

‘Ribaki' noyo!’ konilo. ‘Pagiru' no am bayago' inan muno! Pagiru' no koson ra kaladai masigo giu' ra tana' kaagisan!’

JIRIMIA 49:30

Mamagun kau ru bandar Gajor, Aku, Tuhan, nampakara' ramuyun: Pagiru' no ra maalur am pansibuni no. Raja' Nibukadnijar intor ra Babilonia, nangatang noyo koson manggal ramuyun. Minindagu raja' no,

JIRIMIA 49:32

Gaawo' unta am ngaangai' tinambiag nilo! Pantutuliaron Ku ngaangai' ulun ondo' kinariwa' abuk nilo. Porotongon Ku karaat risilo intor ra ngaangai' intok.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

YEHEZKIEL 25:13

Raino potonowon Ku ra ukumin Ku Idom. Potoyon Ku ngaangai' ulun am bibiag ondo' minayan ra giu' no. Pusoon Ku pagun no, intor ra bandar Timan saboi ra Bandar Didan. Mamagun nano matoi ralalom pangayawan.

MALIAKI 1:3

kaa' masisang Aku ri Isau am niayuk papag nano. Pinuso Ku noyo intok makabulur longgom ri Isau am nompoloso ra tana' nano ayanin ru bibiag masigo.”

MALIAKI 1:4

Amon ru papag ri Isau, iono ulun ru Idom mindagu, “Bandar maino pinuso noyo kaa' baalon mai sagulio',” am Tuhan Ondo' Maayo Kaga' Kuasa' pana tumaam, “Polosoon ilo mambaal raginio saguli', kaa' lunsayon Ku poyo. Ulun manabit risilo ‘Pagun malaat’ am ‘Bansa' ondo' sinangitan ru Tuhan ra sabubuoi no.’ ”

PINAINTALANG 6:15

Ngaangai' boo ru ulun, raja' ru tana' ti, pamarinta, tingganai ru saujor, ulun langkaya' am ulun makakuasa', ulipon kapoam ulun kalo inulipon, mansibuni ilo ti ra luang batu am ra sisipan ru batu giu' ra gunung.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.