JIRIMIA 49:7 - Tanou Moonsoi Timugon

⁷ Koon raginio noyo ragu ru Tuhan intor ra pagun ru Idom, “Kalio boo kia kinapintar ru mamagun ru Idom? Kalo kia boo makapambilin tingganai-tingganai risilo? Kalio noyo kia kapintaran nilai?

JIRIMIA 49:7 ပူးပေါင်းရင်းမြစ်များ

KASAUKAN 25:30

Indagu io ri Jakub, “Naitilan aku kaga'. Anii' aku kasanganu ra bulatung malia' no.” (Ginio boo ra io sabiton ri Idom.)

KASAUKAN 27:41

Ginio ra masisang i Isau ri Jakub, sabap ra inanian ru ama' nano i Jakub ra barakat i. Migindagu io ra guang nano, “Panguliran ra ama' ku matoi maar noyo, potoyon ku i Jakub no!”

KASAUKAN 32:3

Kopongo raginio panusub i Jakub ra kukula' ngaulun magulu mongoi ra pagun ru Idom koson tumuum ra maayo ungkuyon nano i Isau.

KASAUKAN 36:15

Gitio noyo tayar ru bansa' intor ra papag ri Isau. Anak katuaan ri Isau i Ialipas kinamatuaan ru bansa'-bansa' ragitio: Timan, Omar, Jipo, Kinas,

KASAUKAN 36:8

Ongoi boo i Isau pamagun ra libung ru gunung Idom.

1 TUNUNG RU BANSA' ISRAIL 1:53

Kinas, Timan, Mibjar,

AYUP 2:11

Talu ngaulun rangan ri Ayup iono i Ialipas intor ra bandar Timan, i Bildad intor ra pagun Sua, am i Jopar intor ra pagun Naama nokorongog intor ra kaimbalaan ri Ayup. Ilo pana namatas boo koson tumimung am mongoi panimayo ri Ayup.

AYUP 4:1

Indagu boo i Ialipas intor ra bandar Timan,

MAZMUR 137:7

Karaa' noyo, iou Tuhan, atan ondo' binaal ru ulun ru Idom, bulintok ra Jirusalim pusoon. Karaa' noyo ati kulaan ra ilo mindagu, “Gabaa' min Jirusalim saboi makuliagai toojo!”

JISAYA 21:11

Gitio noyo tanou ru Tuhan intor ra Idom. Sangulun intor ra Idom nampiau raki', “Okou mantatamung, mabuoi poyo kia rondom ti? Indagu no, kula' poyo buoi ra kalo poyo tumawang?”

JISAYA 29:14

Ginio ra Aku mapatigog risilo ra lamba' ondo' kolondo' nampaguang. Ilo ondo' mapintar sotopot no sasambungon. Nansalinut kapandayan nilono masauk ra kolondo' onong.”

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 49:20

Ginio ra rongogo' noyo inatangan Kuno koson manggal ra mamagun ru Idom, am inatangan Kuno ra tayar ru mamagun Timan. Anak-anak nilo pana ralaaton mugar, am ngaangai' ulun mangalaa'.

JIRIMIA 8:9

Ulun-ulun ondo' mangapintar ra gino min ngai' tauyuon, maubong am marakop ilo. Marara' ilo mangapu ra ragu Kuno; raino, kapintaran ra atan kia ondo' lakat poyo soroi risilo?

SULABOI 4:21

Pakakurit no, akau mamagun ru Idom am Us, pakaansuk no, buoi ra akau lakat poyo pakuriton. Akau pana lumpaan ru karaat, am magibaang sabap nagauk kau.

YEHEZKIEL 32:29

“Soroi i Idom ra giu' nababaya' ra ngaangai' raja' am ulun manguasa' nano. Ragili ilo saujor ondo' maikang, kaa' raino nakalangan ilo giu' ra intok ru ulun minatoi nababaya' ra ulun ondo' kalo makaulig ri Aki Kapuuno', ondo' minatoi ralalom pangayawan.

DANIL 11:41

am poyo mamulunsar ra tana' ondo' moonsoi am mamatoi ra kaaparan ribu ulun; kaa' pagun ru Idom, Moab am ulun ondo' lakat poyo soroi giu' ra Amon bayagon.

JOIL 3:19

Misir masauk ra tana' kaagisan, am Idom masauk ra tuntur ru nalunsai, sabap ra namulunsar ilo ra Jiuda am namatoi ra mamagun nano ondo' kolondo' sala.

ABAKUK 3:3

Matong Kou poyo intor ra Idom; Okou i Aki Kapuuno' ondo' matulai matong intor ra Kabuluran Paran. Katulayan Muno nakatikop ra limbowon; tana' ti natikop ra pangamparan Rirun.

SAGULION 23:7

“Pai' pagasab ra ulun ru Idom, sabap ilo pabukat min. Pai' pagasab ra ulun ru Misir, sabap galing i minayan kau ra pagun nilo.