JIRIMIA 49:37 - Tanou Moonsoi Timugon

³⁷ Mangkinibit Aku ra mamagun ru Ilam malaa' ra pantula' ondo' masaga' mamatoi risilo. Siminangit Aku kaga' ra mamagun ru Ilam am mamuso risilo. Atarin Ku saujor ondo' mangayou risilo, saboi pusoon Ku ilo lingono'.

JIRIMIA 49:37 ပူးပေါင်းရင်းမြစ်များ

JIRIMIA 48:2

katulayan ru Moab liminiot noyo. Ginaau noyo ru pantula' bandar Gisybon; pantula' naguguum koson mamuso ra bansa' ru Moab. Bandar Madmin masauk ra masiluk; saujor ru pantula' mamulunsar riso.

JIRIMIA 48:39

Tinutuk noyo Moab! Pantangi' no! Tinauyu' noyo Moab! Nalunsai noyo Moab. Ngaangai' pagun ra paginggaar nakakurit ra Moab. Aku, Tuhan, nakaindagu noyo.”

JIRIMIA 49:22

Pantula' mamulunsar ra Bojra koson ra susuit kanui ondo' nanumbit ra kawo miningkal. Paat orou raginio saujor ru Idom mangalaa' koson ra ruandu' ondo' maganak.”

JIRIMIA 49:24

Mamagun ru Damsyik kalo maikang am nagiru' noyo ra nalaa'. Marualan am maimbolo' ilo koson ra ruandu' ondo' maganak.

JIRIMIA 49:29

Gaawo' ngaangai' kim am tinambiag nilo, tabir ru kim am atan ayuk ondo' soroi giu' ralalom ru kim. Gaawo' unta nilo am balai' ilo, ‘Tontol liminiput ramuyun!’

JIRIMIA 49:38

Pusoon Ku raja'-raja' am tingganai-tingganai, am panturungan Kuno patirongon giu' ra pagun no.

JIRIMIA 49:5

Mamparatong Aku ra kalaanan ramuyun intor ra ngaangai' intok. Ngaangai' min magiru', sigagama' kuminam mamayag ra inan. Kolondo' osoi pana boo makapanimung ra pulalai min.

JIRIMIA 50:36

Mapuso noyo nabi-nabi nano ondo' magabau – sasambungon ilo kaga'! Mapuso noyo saujor-saujor nano – mapara' piboo laa' nilo!

JIRIMIA 6:19

Rongog no, okou tana' ti! Ulun Kuno marara' mangapu ra pangilaan Kuno am kalo gumagaya' Raki'. Ginio ra porotongon Ku karaat risilo koson ra ukuman ra ngaangai' inatangan nilo.

JIRIMIA 9:15

Ginio ra rongogo' noyo ondo' baalon Kuno, Tuhan Ondo' Maayo Kaga' Kuasa', i Aki Kapuuno' ru Israil: Mangani' Aku ra ulun Kuno ra tutuu' mapait koson akanon am tuuwo koson inumon.

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

YEHEZKIEL 12:14

Ngaangai' ulun giu' ra istana nano pantutuliaron Ku, ulun-ulun mambibilin am ulun magalung ayuk riso. Ilowon am potoyon Ku ilo.

YEHEZKIEL 32:23

am lobong nilo tampilon ra ralalom toojo giu' ra intok ru ulun minatoi. Ngaangai' saujor nano minatoi ralalom pangayawan am Asyur liniputan ru lobong nilo. Kaa' rondo' paat ragili, nampatabual ilo ra mampalalaa' giu' ra intok ru ulun minatoi.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 5:2

Solobo' sampitalu ra abuk no giu' ra ralalom ru bandar mopongo' pagawangan maampus. Ondo' sampitalu poyo musiti' totokon mu ra ilang muno liliwa' lumiput ra bandar no. Sampitalu ondo' pupus musiti' pasiabon mu, am ilowon Ku ginio ra ilang Kuno.

IMAMAT 26:33

Porotongon Ku pangayawan giu' ra pagun mino, am mantutuliar kau giu' ra pagun ru ulun bokon. Makai' kalunsai bandar mino am mokoloso pagun mino.