JIRIMIA 49:36 - Tanou Moonsoi Timugon

³⁶ Mangkinibit Aku ra angin intor ra ngaangai' intok magangin ra Ilam, am pantutuliaron Ku mamagun nano saboi kolondo' rondo' pagun pana ondo' kalo rinatangan ru ulun nagigiru' intor ra Ilam.

JIRIMIA 49:36 ပူးပေါင်းရင်းမြစ်များ

MAZMUR 147:2

Tuhan napatapuli' ra Jirusalim; Ibiton No ulun ru Israil sumaguli' intor ra namatiran.

JISAYA 11:12

Bilaron ru Tuhan bandira' koson mapabala' ra ngaangai' bansa' ra Io tatanga' manimung saguli' ra mamagun ru Israil am Jiuda ondo' nakapantutuliar ra titikop ru tana' ti am magibit risilo muli'.

JISAYA 27:13

Bulintok raginio, bujung samputin koson mampiau mampauli' ra ngaangai' ulun ru Israil ondo' pinatiran giu' ra Asyur am Misir. Matong ilo ra Jirusalim am sumamba ra Tuhan giu' ra rasawat ru bulur Nano ondo' matulai.

JISAYA 56:8

Gitio noyo ragu ru Tuhan Ondo' Masawat Kaga' ondo' nangator ra Israil muli' intor ra namatiran, “Ibiton Ku ulun-ulun ra bokon koson sumimpung risilo ondo' nakatampos noyo timung.”

JIRIMIA 30:17

Kabalu' pana mindagu pantula' min, ‘Sion pinatiran noyo, am kolondo' mampalio riso,’ kaa' akau paligagon Ku saguli', am pilat min kapalion Ku.”

JIRIMIA 49:32

Gaawo' unta am ngaangai' tinambiag nilo! Pantutuliaron Ku ngaangai' ulun ondo' kinariwa' abuk nilo. Porotongon Ku karaat risilo intor ra ngaangai' intok.

YEHEZKIEL 5:10

Kinibit nano, giu' ra Jirusalim, matuo mangakan ra anak nilo, am anak mangakan ra matuo nilo. Mangukum Aku rirun am mampatutuliar ra osoi ayuk ondo' lakat poyo maayag ra ngaangai' intok.

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

DANIL 11:4

Kaa' paat ra rasawat ru kuasa' nano, pamarintaan nano maabak am matayar masauk apat. Raja'-raja' ondo' sala' ka papag nano malit riso koson ra raja', kaa' kalo maikang ilo koson riso.

DANIL 8:22

Apat sangau ondo' minujak nalupus sangau ondo' kasaa' no napandak, arati' no pamarintaan ru Junani matayar ra apat pamarintaan ondo' kalo maikang koson ra pamarintaan ondo' kasaa' no.

DANIL 8:8

Kambing gawayan no giminaai limbau, kaa' pakasaboi kambing gawayan no ra rasawat toojo ru kakuasaan nano, sangau nano napandak. Koson ra palit nano, salula' poyo apat sangau ondo' nakaujak am manulu' ra intok ondo' nansasala'.

AMOS 9:9

Manusub Aku, am atapin Ku ulun ru Israil koson ra ulun mangatap ra gandum ra atapan. Atapin Ku ilo ra gino ngai' ru bansa' koson mamatir ra ngaangai' ondo' kolondo' onong.

JAKARIA 6:5

Taam io, “Gitio noyo apat angin ondo' bagu minatong intor ra saang ru Tuhan ondo' namingkal ra tana' ti am limbowon.”

SAGULION 28:25

“Tuhan mopoloso ramuyun kalaan ru pantula'. Mangatang kau ra bulunsar ra pantula', kaa' pantuliar boo ra magiru'. Ngaangai' bansa' ra tana' ti malaa' magilong ra sauk ondo' makalumpa' ramuyun.

SAGULION 28:64

Pantutuliaron kau ru Tuhan ra gino ngai' ru bansa'-bansa' ra titikop ru tana' ti. Giu' no mangandoi kau ra tuhan-tuhan ondo' binaal intor ra tataun am batu, tuhan-tuhan ondo' kalo igondo' kau samba kapoam sinamba ru kinamatuaan min.

PINAINTALANG 7:1

Kopongo raginio, kakito ku apat malaikat minigor ra kaapat pisuk ra tana' ti. Ginuut nilo kaapat angin no koson kalo boo mansiob ra lantur, raat kapoam ra puun tataun.