JIRIMIA 49:35 - Tanou Moonsoi Timugon

³⁵ Indagu Io, “Potoyon Ku ngaangai' ulun ru pulalai mamanah ru Ilam, sabap ra ilo noyo ondo' nampasauk ra Ilam maikang kaga'.

JIRIMIA 49:35 ပူးပေါင်းရင်းမြစ်များ

MAZMUR 46:10

Pinolonggo' No pangayawan ra titikop ru tana' ti; pinandak No tanggayan ru panah, tanggulan am gagampin sinolob.

MAZMUR 46:9

Ibok, ilai' ga atan ondo' binaal ru Tuhan. Ilai' ga, binaal ri Aki Kapuuno' ra tana' ti makaimuag kaga'.

JISAYA 21:2

Nakaapu aku ra pinaintalang intor ra kasaukan ondo' malaat kaga', intor ra kalaatan am pamusaan. Loyog kano alii ra saujor ru Ilam, pamulunsar no! Awangi' bandar-bandar no, alii ra saujor Madai! Pupusin ri Aki Kapuuno' kaimbalaan ondo' makinibitan ru Babil.

JISAYA 22:6

Ulun ru Siria minatong kiminura' ra kuda am kurita' kuda, ulun ru Ilam nananggal ra panah am tanggayan no, am ulun ru Kir tumampos magibit ra ampin.

JIRIMIA 50:14

“Pulalai kau ru mamanah, pabaniso' barisan ru saujor am pagawangi' Babil. Patumaa' ngaangai' panah min ra Babil, sabap ra Babil makatula noyo Raki', Tuhan.

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 51:56

Matong pantula' koson mamuso ra Babil; saujor-saujor no rinakop noyo, busur nilo pana pinandak noyo. Aku, i Aki Kapuuno' ondo' nangukum ra kalaatan; pamakuan Ku ra Babil no nogondo' ra binaal nano.

GOSIA 1:5

Paat raginio giu' ra Limayak Jijriil, tutukon Ku kuasa' ru saujor ru Israil.”