JIRIMIA 49:31 - Tanou Moonsoi Timugon

³¹ ‘Ibok no bulunsaro' takau ulun ondo' mamimio am maayag ra moonsoi! Bandar nilo kalo noyo sinindungan sabap ra kolondo' kulobon garabang kapoam pinangalor ra kulobon no.’

JIRIMIA 49:31 ပူးပေါင်းရင်းမြစ်များ

MAZMUR 123:4

Nabuoi noyo kaga' akai asasabin ru ulun langkaya', am ulason ru ulun mangimbolo' ondo' malilimbau.

MAZMUR 73:12

Ginio noyo babaal ru ulun malaat; kaayagan nilo matasu' am rapu' nilo rumuang-ruang.

JISAYA 32:11

Moonsoi noyo kinaayag-ayag min, nakalabus intor ra pagalabaan, kaa' ragino ponontol noyo ra malaa'! Labas noyo am pansabuk ra konoon karung ra awak mino.

JISAYA 32:9

Rongogo' noyo, akau ruandu' ondo' maayag ra matasu', nakalabus intor ra pagalabaan.

JISAYA 42:11

Moonsoi poyo tana' kaagisan am bandar-bandar nano mongompor ri Aki Kapuuno'; musiti' namagun ru Kidar mongompor Riso! Musiti' namagun ru bandar Sila magilakup intor ra bujuk-bujuk ru gunung!

JISAYA 47:8

Rongogo' Aku no, okou ondo' masaga' mangilou ra katasuan! Indoson mu kaayagan muno moonsoi, am kolondo' koson rirun. Indoson mu kalo masauk kou ra mapuor, kapoam mailusan ra anak-anak muno.

JIRIMIA 48:11

Indagu Tuhan, “Buoi ri Moab magail maayag ra mamimio, am kalo igondo' pinatiran ra pagun ra bokon. Moab koson ra wain ondo' pinaingkonor, ra kalo inangkuyau kapoam pinalingig intor ra rarapu' pinoongoi ra rarapu' ra bokon. Liman no lakat poyo maamis am owou no lakat poyo maamis.

YEHEZKIEL 30:9

“Paat ra orou raginio, paat ra Misir napuso, atarin Ku ulun ra kapal-kapal koson mampatigog ra Itiopia ondo' kalo manantam no saboi ilo malaa'. Orou raginio mamaar noyo!”

YEHEZKIEL 38:11

Namatas kono koson mamulunsar ra rondo' pagun ondo' kolondo' pinarinding ra batu, pagun ondo' mamagun nano maayag ra moonsoi am mamimio giu' ra bandar-bandar ondo' kolondo' timbok am kolondo' kuliamos mantula'.

YEHEZKIEL 39:6

Mampaang Aku ra apui giu' ra pagun Magog, am giu' ra gawar ru nagas intok ru ulun maayag ra kaansayan. Ngaangai' ulun makapandai boo ra Aku noyo Tuhan.

MIKA 7:14

Iou Tuhan, alungi' noyo ulun Muno, ulun ondo' pinili' Muno. Kabalu' pana maalur inayanan nilo giu' ra tana' kaagisan, mokoondo' niayuk tana' ondo' malabung ra liliut nilo. Polosoo' noyo ilo makaalap ra akanon giu' ra padang-padang sakot ru Basan am Giliad, koson ondo' binaal nilo ra galing i.

NAGUM 1:12

Gitio noyo ragu ru Tuhan ra ulun Nano, “Kabalu' pana ulun ru Asyur maikang am masuang, pusoon ilo am lumiot. Akau ulun Kuno, kabalu' pana nangkinibit Aku noyo ramuyun naimbolo', kalo boo baalon Ku ginio.

JIPANYA 2:15

Ginio noyo ondo' masauk ra bandar ondo' noloos maansukan am ondo' mangkara' ra inan nano makakaansayan. Mamagun nano mangkara' ra bandar nilo noyo bandar ondo' maayo kaga' ra tana' ti. Mapara' siluk no ru libung no, kolondo' ulun minayan ra intok no ondo' ayuk am bibiag ru kataunan ondo' makabunsut ra giu' no! Moonong ulun ondo' mansail giu' ra bandar no magasab riso am makaliman ra malaa'.

UNTABAN 23:9

Intor ra tampak ru gunung makito ku ilo, intor rasawat ru bulur magilong aku risilo. Ilo rondo' bansa' ondo' naayag nagirondo', nakapandai ilo, binarakat ilo nasailan intor ra bansa' ra bokon.

SAGULION 33:28

Ginio ra papag ri Jakub maayag ra mamimio; makakaansayan ilo giu' ra tana' ondo' napanu' ra wain am gandum; am basaan tana' no ru bolobou intor ra limbowon.