JIRIMIA 49:3 - Tanou Moonsoi Timugon

³ Mamagun kau ru Gisybon, pantangi' no! Bandar Ai napuso noyo! Ruandu' kau ru bandar Raba, pangulir no! Pambayang kano ra konoon karung am pangulir no. Pagiru' no ra giu' am giti ra maubong kaga'. Milkom, dewa min patirin ra pagun mabaya' ra imam-imam am pagawai-pagawai ru pamarinta.

JIRIMIA 49:3 ပူးပေါင်းရင်းမြစ်များ

2 SAMUIL 11:1

Kaindalaman ru raja'-raja' mongoi pangayou bulintok ra mambusak. Bulintok ra mambusak bilor raginio, nanusub Raja' Daut ri Joab mongoi pangayou mababaya' ra pagawai-pagawai ru saujor am ngaangai' ru saujor ru Israil. Nangala ilo ra ulun ru Amon am nampaliput ra bandar Raba, kaa' Raja' Daut minayan ra Jirusalim.

1 RAJA'-RAJA' 11:33

Baalon Ku baal raginio sabap ri Salomo nangimpai Raki' am siminamba ra dewa-dewa: Asyitorit, dewi ru ulun ru Sidon; Kamos, dewa ru ulun ru Moab; am Molok, dewa ru ulun ru Amon. Kalo gumagaya' i Salomo Raki'. Kalo nogondo' io koson ra ama' nali i Daut ondo' gumagaya' Raki' am nanugut ra susuban Kuno.

1 RAJA'-RAJA' 11:5

Raja' Salomo sumamba ra Asyitorit, dewi ru ulun ru Sidon, am Molok, dewa ondo' makatataman ondo' sambaan ru ulun ru Amon.

2 RAJA'-RAJA' 23:13

Nampajamol niayuk Raja' Josia ra altar-altar ondo' binaal ru Raja' Salomo giu' ra tampilon sirangon ru Jirusalim, tampilon ra rabugus ru Bulur Jaitun intok sambaan ra dewa-dewa ondo' makatataman, iono Asyitorit, dewa ru ulun ru Sidon; Kamos, dewa ru ulun ru Moab; am Milkom, dewa ru ulun ru Amon.

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 14:31

Pompogolok no am pampiau no makiindangan, alii ra mamagun ru ngaangai' bandar ru Palistin! Musiti' monontol kau ngaangai' malaa', sabap ra kulampun ru kaau makapal masiob ru angin makito ra ralayo, tatandu' ratangan ru sampulalai ondo' maikang kaga'; kolondo' matalou ra sampulalai raginio.

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 16:7

Mantangi' ulun ru Moab sabap ra kaimbalaan nilo. Mantangi' ilo bulintok ra ilo mangkara' ra akanon maamis ondo' masalok nilo akanon giu' ra Kir-Garisit. Malumpus ilo.

JISAYA 23:1

Gitio noyo tanou ru Tuhan intor ra Tirus. Panulaboi kano, alii ra ulun-ulun mapaugar ra kapal raat ru Sipanyol giu' ra raat! Bandar mino giu' ra Tirus binunsag noyo. Baloi am papararalan ra kapal napuut. Morongog min bulintok akau mintor ra Siprus.

JISAYA 23:6

Panulaboi noyo am pagiru' noyo ra Sipanyol, alii ra namagun ra libung ru nagas!

JIRIMIA 4:8

Ginio ra pantangi' no am panulaboi no, pambayang no ra konoon karung tatandu' ra mangiluk guang, sabap ra sangit ru Tuhan ondo' bibilak ra Jiuda kalo poyo nakalinos.

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

JIRIMIA 48:2

katulayan ru Moab liminiot noyo. Ginaau noyo ru pantula' bandar Gisybon; pantula' naguguum koson mamuso ra bansa' ru Moab. Bandar Madmin masauk ra masiluk; saujor ru pantula' mamulunsar riso.

JIRIMIA 48:20

Tumaam ilo, ‘Naratu' noyo Moab! Tinauyu' noyo Moab; tangii' noyo Moab. Potonowo' noyo giu' ra galur ru Sungoi Arnon ra napuso noyo Moab!’

JIRIMIA 48:37

Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

JIRIMIA 51:8

Pulali' ru Babilonia naratu' am napuso! Pangulir no sabap ra naratuan nano! Babaso' noyo pilat-pilat nano, am maaru' lair ru mababas Babilonia.

JIRIMIA 6:26

Indagu Tuhan ra ulun Nano, “Pambayang no ra konoon karung am pagiluir no ra kaau. Pangulir no am panulaboi no ra malumpus koson ra ulun manulaboi ra pinatayan ru anak ungkuyon ondo' langkuir, sabap ra io mampaluus no mamulunsar ramuyun ra mamulali'.”

AMOS 1:15

Raja' nilo am pagawai-pagawai ru pamarintaan rokopon am patirin ra pagun.”

JIPANYA 1:5

Pusoon Ku osoi ayuk ondo' magaloi ra taap koson sumamba ra mato ru orou, sila' am butitin-butitin. Pusoon Ku niayuk ulun ondo' sumamba Raki' am magibot ra gumagaya' Raki', kaa' niayuk magibot ralalom inggalan ru Dewa Milkom.

JAKUBUS 5:1

Am raino, ulun langkaya' kau ngai', rongogo' min gitio! Pantangi' am pangiluk kano sabap ra mokoondo' kapaganan maagat matuum min.

JOSUA 7:2

Nanusub i Josua ra kukula' ngaulun intor ra Jiriko mongoi ra Ai, rondo' bandar tampilon ra sirangon ru Bitil, maar Bit-Awin. Nanusub i Josua risilo lumiput ra pagun no. Kabaal nilo ginio,

JOSUA 8:1

Indagu Tuhan ri Josua, “Ibito' noyo ngaangai' saujor am ongoi ra bandar Ai. Pai' kalaa' kapoam mapalo guang. Taakin Ku ramuyun kamanangan ra raja' Ai; mamagun, bandar am tana' nano masauk ra akau tatangan.

JOSUA 8:28

Nonolob i Josua ra bandar Ai am nompoloso raginio nasauk nangatuyas. Baal ru bandar no lakat poyo koson raginio saboi ra orou raiti'.