JIRIMIA 49:23 - Tanou Moonsoi Timugon

²³ Koon raginio noyo ragu ru Tuhan intor ra bandar Damsyik, “Mamagun ru bandar Gamat am Arpad maimamang am magalabo sabap ra nokorongog ilo ra tanou malaat. Guang nilo maimamang am magalabo nakalumpa' risilo koson ra kinulun ru raat.

JIRIMIA 49:23 ပူးပေါင်းရင်းမြစ်များ

KASAUKAN 14:15

Giu' no tinayar ri Abram ulun-ulun nano ra kukula' ngantayaran am ongoyo' bulunsaro' paat ra rondom am kinala nilo. Inilou no ilo polos ra Goba tampilon ralayo ru bandar Damsyik.

KASAUKAN 15:2

Kaa' taam i Abram, “Iou Tuhan Raja', Atan kia onong ru taak no raki' sabap ra aku kolondo' anak? Ulun ondo' manungkus ra rapu' kuno, iono i Iliijir ayuk, ulipon kuno ulun ru Damsyik no.

2 SAMUIL 17:10

Kinibit ru ginio, ulun ondo' baani kaga' am maikang toojo koson ra singa' pana malaa'. Ngaangai' ulun giu' ra Israil makapandai ra ama' muno sangulun tutumula', am ra ulun-ulun nano tutumula' ondo' maikang ra baani.

2 SAMUIL 8:9

Raja' Tou intor ra pagun Gamat nokorongog ra nangala Raja' Daut ra ngaangai' saujor ru Raja' Gadadijir.

1 RAJA'-RAJA' 11:24

am nasauk io ra tingganai ru santimungan ulun malaat. (Baal ragitio nasauk nalupus Raja' Daut nangala ra Raja' Gadadijir, am namatoi ra saujor ru Siria ondo' nasauk ra pagamung ru Raja' Gadadijir.) I Rijon am ulun-ulun nano minongoi ra Damsyik am minayan ra giu' no. Giu' no ulun ri Rijon nampalantik riso masauk ra raja' ru pagun ru Siria.

2 RAJA'-RAJA' 17:24

Nagibit raja' ru Asyur ra ulun intor ra bandar Babil, Kuta, Awa, Gamat am Siparwaim minongoi ra bandar-bandar giu' ra Samaria koson mamalit ra ulun ru Israil ondo' pinatiran ra pagun. Sinalingapu nilo ra bandar-bandar no am ayan ra giu' no.

2 RAJA'-RAJA' 18:34

Ati kia dewa-dewa ru pagun ru Gamat am Arpad raino? Ati kia dewa-dewa Siparwaim, Gina am Iwa? Nakaili' kia osoi-osoi namayag ra Samaria?

2 RAJA'-RAJA' 19:13

Ati kia raja'-raja' ru bandar Gamat, Arpad, Siparwaim, Gina am Iwa raino?”

2 RAJA'-RAJA' 5:12

Suai raginio, sala' ka kia Sungoi Abana am Sungoi Parpar giu' ra Damsyik no moonsoi poyo intor ra sungoi ru ati pana ra Israil? Aku pana makapariu' ra sungoi-sungoi raginio am mababas!”

2 TUNUNG RU BANSA' ISRAIL 16:2

Ginio ra Raja' Asa nangalap ra pirok am mas intor ra pambulian giu' ra Baloi ru Tuhan am giu' ra istana. Kopongo raginio Raja' Asa nangator raginio ra Damsyik ra Raja' Bingadad raja' ru Siria, nabaya' ra bilin ragitio,

KAINGKUALAN 15:15

Tingganai-tingganai ru Idom mangalaa', ulun ru Moab ondo' mangapanggol monontol; liminiot kinabaani ru ulun ru Kanaan.

JISAYA 10:9

Kinala ku bandar Kalno am Karkimis, bandar Gamat am Arpad. Kinala ku bandar Samaria am Damsyik.

JISAYA 11:11

Bulintok raginio igondo' poyo Tuhan mamakai ra kuasa' Nano koson magibit saguli' ra ulun Nano ondo' lakat poyo naayag giu' ra Asyur am Misir, giu' ra pagun Patros, Itiopia, Ilam, Babilonia am Gamat, am niayuk intok kiing ru raat am pulu'-pulu'.

JISAYA 13:7

Moonong kalindu' ru sasangulun masauk lamumu', am moonong gogot ru sasangulun matatak.

JISAYA 36:19

Atibo dewa-dewa ru pagun Gamat am Arpad ragino? Atibo dewa-dewa ru pagun Siparwaim? Igondo' kia osoi-osoi namayag ra Samaria?

JISAYA 37:13

Ati boo raja'-raja' ru bandar Gamat, Arpad, Siparwaim, Gina am Iwa ragino?”

JISAYA 57:20

Kaa' ulun malaat koson ra raat ondo' makakinulun am kalo igondo' kaliuk; aug no magibit ra ginsamol am losok.

JISAYA 7:8

sabap Siria kalo maikang poyo intor ra Damsyik, pusor bandar nano, am Damsyik pana kalo maikang poyo intor ra Raja' Rijin. Kabalu' pana ralalom buoi onom ngoopor am limo ngambilor, Israil no kalo mogogondo' guang saboi kalo masabayan no koson ra rondo' bansa'.

JIRIMIA 39:5

Kaa' saujor ru Babilonia nangilou risilo am namparakop ra Raja' Jidikia giu' ra pipit mamaar ra Jiriko. Inibit nilo io minuma' ra Raja' Nibukadnijar ondo' paat raginio soroi giu' ra bandar Ribla giu' ra libung Gamat. Giu' no nangukuman ru Raja' Nibukadnijar riso.

YEHEZKIEL 27:18

Mamagun ru Damsyik nambali ra kuliamos tinalan am ampos-ampos muno am binayaran ra wain intor ra Gilbon, bulu ru domba intor ra Sagar, am apa' pampagamis ra akanon.

AMOS 6:2

Kaa' raino ongoi kano ilong ra bandar Kalni. Ugar no ayuk mongoi giu' ra bandar Gamat ondo' maayo, am giu' ra bandar Gat giu' ra Palistin. Indoson min kia ra bandar-bandar no moonsoi poyo intor ra pamarintaan ru Jiuda am Israil? Maayo poyo kia wilayah nilo intor ra wilayah min?

NAGUM 2:10

Napuso noyo Niniwi, nokoloso am masiluk. Sabap ra malaa', nagiru' ambiluo ru ulun; atur monontol, kalo maikang; ngaangai' ulun mabula' bulos.

UNTABAN 13:21

Ginio ra ongoi ilo ra tampilon ralayo am liniput tana' no, intor ra tana' kaagisan Jin tampilon ra rabugus saboi ra bandar Rigob, maar ra Ginting Gamat tampilon ra ralayo.

RINALATAN 27:20

Buoi kukula' ngoorou kalo nakakito akai ra mato ru orou kapoam butitin am bagiu' mapuor ti pana lakat ayuk poyo makalalaa' toojo. Pupus nali kolondo' boo kalansanan mai ra maayag akai poyo.

RINALATAN 9:2

am nakitaak ra surat kuasa' koson patalangon ra tingganai ru baloi sambayangan ru ulun ru Jaudi giu' ra Damsyik. Koson ragino, amon ru makatuum io ra maamaya' ru Tuhan, ungkuyon kapoam ruandu', rokopon no am ibiton ilo ra Jirusalim.

2 KORINTUS 11:32

Paat ra aku soroi ra bandar Damsyik, gabenor ru raja' Aritas nanusub ra saujor-saujor nano magawang ra moonong umpasan ru bandar i koson mamparakop raki'.

SAGULION 20:8

Polosoon pagawai-pagawai ru saujor mindagu niayuk risilo, ‘Mokoondo' osoi kia ragiti ondo' malaa' am natatak ambiluo? Amon mokoondo', polosoon io muli. Amon kalo, mangkinibit io ra ulun bokon matatak ambiluo.’

JOSUA 14:8

kaa' ulun ra bokon ondo' nansigo nabaya' raki' nangilaa' ra ulun ru Israil. Kaa' giminagaya' aku ra Tuhan i Aki Kapuuno' kuno.

JOSUA 2:11

Nangalaa' akai paat akai nokorongog ra baal raginio. Kalio boo kabaanian mai sabap ra akau. Tuhan i Aki Kapuuno' min sotopot no i Aki Kapuuno' ondo' makakuasa' giu' ra limbowon no am ra tana' ti.