JIRIMIA 49:2 - Tanou Moonsoi Timugon

² Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JIRIMIA 49:2 ပူးပေါင်းရင်းမြစ်များ

2 SAMUIL 11:1

Kaindalaman ru raja'-raja' mongoi pangayou bulintok ra mambusak. Bulintok ra mambusak bilor raginio, nanusub Raja' Daut ri Joab mongoi pangayou mababaya' ra pagawai-pagawai ru saujor am ngaangai' ru saujor ru Israil. Nangala ilo ra ulun ru Amon am nampaliput ra bandar Raba, kaa' Raja' Daut minayan ra Jirusalim.

MAZMUR 48:11

Inggalan Muno nakatanou am omporon ra titikop ru tana' ti, namarintaan Muno matimpok.

MAZMUR 97:8

Namagun ru Sion maansukan, am ngaangai' bandar giu' ra Jiuda maansukan, sabap ra namatasan Muno, iou Tuhan.

JISAYA 11:14

Mababaya' ilo mongoi pamulunsar ra ulun ru Palistin tampilon ra kalasaan am mampagaau ra mamagun tampilon ra sirangon. Kalaan nilo mamagun ru Idom am Moab. Mamagun ru Amon tuminduku' risilo.

JISAYA 17:1

Tuhan mindagu, “Damsyik kalo boo koson ra rondo' bandar, kaa' koson ayuk ra tuntur ru napuut.

JIRIMIA 4:19

Mapara' boo pari' ru guang kuno. Kalo boo moorot ku imbolo'. Guang kutu kobol-kobol, kalo mokororo' aku, sabap ra nokorongog aku ra bolos ru bujung, am golok ru pangayawan.

JIRIMIA 49:1

Koon raginio noyo ragu ru Tuhan intor ra pagun ru Amon, “Ati kia giali ungkuyon ru Israil? Kolondo' kia osoi pana ondo' mangampin ra pagun nano? Kua kia polosoo' nilo bansa' ondo' siminamba ra Dewa Milkon nampagaau am minayan ra wilayah ru bansa' ru Gad?

YEHEZKIEL 21:20

Papan tatandu' ondo' rondo' no manulu' ra raja' ru Babilonia ra ralan mongoi ra bandar ru ulun ru Amon giu' ra Raba, am ondo' rondo' poyo ralan mongoi ra Jirusalim, bandar ondo' mokoondo' ra kubu giu' ra Jiuda.

YEHEZKIEL 21:25

‘Akau ngai' tingganai ru Israil, tingganai ondo' malaat am gugumuor, orou pangukuman ondo' pupus ramuyun mamaar noyo.

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

OBAJA 1:19

Ulun intor ra tampilon rabugus ru Jiuda mayan ra pagun ru Idom; ulun intor ra gana' ru bulur giu' ra tampilon kalasaan manguasa' ra wilayah ru Palistin. Ulun ru Israil momolonggom ra wilayah Ipraim am Samaria; bansa' ru Binjamin manguasa' ra libung Giliad.

UNTABAN 10:9

Paat ra akau mangayou giu' ra tana' min koson mangampin ra inan intor ra pantula' ondo' namulunsar ramuyun, samputi' bujung-bujung raginio koson manaak ra pulanu ru pangayawan. Aku Tuhan, i Aki Kapuuno' min, mangindangan am mamayag ramuyun intor ra pantula'.

UNTABAN 21:25

Koon raginio noyo ulun ru Israil nampagaau ra ngaangai' bandar ru ulun ru Amori, nakaaya' Gisybon am ngaangai' pekan ra libung no, am ilo pana pamagun ra giu' no.

SAGULION 13:16

Timungo' noyo ngaangai' rapu' ru mamagun ru bandar raginio am pabantaa' ngaangai' no giu' ra padang ru bandar. Solobo' boo bandar raginio am ngaangai' soroi ra ralalom no koson ra taak ra Tuhan i Aki Kapuuno' min. Bandar raginio musiti' polosoon masauk ra nangatuyas ra sabuoi-buoi no, am lingon kalo baalon saguli'.

SAGULION 3:11

Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

JOSUA 17:11

Ralalom ru wilayah Isakar am Asyir, bansa' ru Manasi tatangan ra bandar Bit-Sian am Jibliam nabaya' ra ngaangai' pekan ra liliut nano, nakaaya' niayuk bandar Dor (ondo' igig ru nagas), Indor, Taanak, Migido am bandar-bandar giu' ra liliut no.

JOSUA 17:16

Taam papag ri Jusup, “Kabuluran no kalo sama' gayo no ramon, kaa' ulun ru Kanaan giu' ra tana' marata' makakarita' kuda intor ra basi' – iou ra ulun ru Kanaan giu' ra Bit-Sian am giu' ra ngaangai' pekan ra liliut no, am pana ra mamagun ru Limayak Jijriil.”