JIRIMIA 49:16 - Tanou Moonsoi Timugon

¹⁶ Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

JIRIMIA 49:16 ပူးပေါင်းရင်းမြစ်များ

2 RAJA'-RAJA' 14:7

Raja' Amajia namatoi ra mopor ngaribu ngaulun saujor giu' ra Limayak Asin, am nampagaau ra bandar Sila. Ininggalanan no bandar no ra Joktiil. Saboi raino bandar no lakat poyo makainggalan ra Joktiil.

AYUP 39:27

Maginaa kia susuit kanui ra susuban muno koson mambaal ra bunsut nano giu' ra gunung ondo' masawat?

AMSAL 16:18

Lumimbau mangkinibit ra kapusaan am karatuan.

AMSAL 18:21

Ragu-ragu ra paabuson makakuasa' koson mamayag kapoam mamuso. Ulun musiti' makatutun sumonor ragu-ragu nilo.

AMSAL 29:23

Malilimbau mangkinibit ra karatuan, kaa' sangulun ondo' minggana' guang urumaton io.

RIMBAI PANGAMPARAN 2:14

Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

JISAYA 10:14

Ngaangai' bansa' ra tana' ti koson ra bunsut ru susuit; gaawon ku rapu' nilono koson kinatasu' ra aku manimung ra talu'. Kolondo' sanginan pana susuit sumugal bulu koson mampakalaa' raki' kapoam mampagaal ra tinduk koson mamios!”

JISAYA 2:21

Bulintok Tuhan matong manguyog ra tana' ti, ulun mansibuni ralalom ru luang batu giu' ra kabatuan bulur koson tumuliar intor ra sangit Nano, am mansibuni intor ra kuasa' am niayuk katulayan Nano.

JISAYA 49:25

Tumaam Tuhan, “Ginio noyo kasaukan no. Ulun narakop ru nasuangan saujor ginaau saguli'. Ginaau ru ulun malaat kaga' gaawon poyo. Sabap ra Aku galama' manggal ra pantula' muno; bayagon Ku anak-anak muno.

JIRIMIA 48:14

Mamagun kau ru pagun Moab, kua pangkara' kau ra inan koson ra ulun tutumula', am koson ra saujor maikang ondo' kininaman ralalom ru pangayawan?

JIRIMIA 49:15

Mampalawo Tuhan ramuyun, am kolondo' sangulun pana mangurumat ramuyun.

JIRIMIA 50:29

“Susubo' pulalai mamanah mamulunsar ra Babil. Susubo' moonong ulun ondo' mapandai mamakai ra busur am panah. Pagawangi' bandar no am pai' polosoo' sangulun pana makapagiru'. Balasi' ngaangai' binaal ru Babil; baalo' Babil koson ra ati kulaan pinamakuan ru Babil ra ulun bokon, sabap ra Babil liminimbau Raki', Ondo' Matulai Kaga', i Aki Kapuuno' ru Israil.

JIRIMIA 51:53

Kabalu' pana Babil nakaaloi ra limbowon am nambaal ra rondo' kubu ondo' maikang ra giu' no, lakat Aku poyo manusub ra ulun mamuso riso. Aku, Tuhan, nakaindagu noyo.”

AMOS 9:2

Kabalu' pana mangkali ilo ra luang saboi ra intok ru ulun minatoi, rokopon Ku ilo. Kabalu' pana mangkiwa' ilo saboi ra limbowon, ibiton Ku ilo tumuun.

ABAKUK 2:9

Aibui boo ramuyun! Napalangkaya' kau ra sasambaloi min ra atan ondo' noowot min ra kalaatan. Nanambaloi kau ra mapiot koson manindung ra sasambaloi min intor ra karaat.

MALIAKI 1:3

kaa' masisang Aku ri Isau am niayuk papag nano. Pinuso Ku noyo intok makabulur longgom ri Isau am nompoloso ra tana' nano ayanin ru bibiag masigo.”