JIRIMIA 48:47 - Tanou Moonsoi Timugon

⁴⁷ Kaa' paat ra orou matong no, saukon ru Tuhan Moab ra langkaya' saguli'. Nakaindagu noyo Tuhan ra ngaangai' baal raginio masauk ra Moab.

JIRIMIA 48:47 ပူးပေါင်းရင်းမြစ်များ

AYUP 19:25

Kaa' nakapandai aku ra giu' ra suruga' mokoondo' Mamamayag raki'; pupus nano matong Io mangindangan raki'.

JISAYA 18:7

Bulintok no masuku' paat ra Tuhan Ondo' Maayo Kaga' Kuasa' mangapu ra taak intor ra pagun ondo' pansailan ru sungoi-sungoi, intor ra bansa' ondo' maikang am mapanggol, ulun masawat am makakungkung malumis, am ondo' kalaanin ra titikop ru tana' ti. Matong ilo ra Bulur Sion, intok ru Tuhan Ondo' Maayo Kaga' Kuasa' no sambaan.

JISAYA 23:18

Nansalinut ampos ru pangindapuan raginio pataakon ayuk ra Tuhan. Ruit intor ra pangindapuan no kalo buliin kaa' pakayon koson pabalion ra akanon am bayang ru ilo ondo' sumamba ra Tuhan.

JISAYA 25:11

Patunuyon nilo kalindu' koson mansarui, kaa' i Aki kapuuno' mapakauyu' risilo, am kalindu' nilono maratu' ra kolondo' lulu'.

JISAYA 45:20

Mindagu Tuhan, “Timung kano am pababaya' kano matong, akau noyo naayag ra ralalom ru nasuangan bansa'! Sasambungon noyo ulun-ulun ondo' saguguluyur mugar magibit ra sinungkalalaing ondo' binaal intor ra tataun, am makiasi' ra dewa-dewa no ondo' kalo makapamayag no.

JIRIMIA 12:14

Indagu Tuhan, “Gitio noyo tanou Kuno intor ra pagun-pagun paginggaar ru Israil ondo' nampajajou ra pagun ondo' pinataak Ku ra ulun Kuno Israil. Koson ra tatanom ondo' binubul intor ra tana', koon raginio noyo ra ngaangai' ulun malaat no bubulon Ku intor ra pagun-pagun nilo. Palabuson Ku Jiuda intor ra kuasa' nilo.

JIRIMIA 12:15

Kaa' malupus ra Aku mamatir risilo, makaasi' Aku poyo risilo; moonong bansa' ibiton Ku sumaguli' ra pagun nilo galama'.

JIRIMIA 23:20

Sangit Nano kalo luminos ra kalo poyo ngaangai' inatangan Nano masugut. Paat ra orou tauli no, ulun ru Tuhan makarati' ra baal raginio ra totopot.”

JIRIMIA 46:26

am pataakon ilo ra ulun ondo' masaga' mamatoi risilo, iono Raja' Nibukadnijar intor ra Babilonia am saujor nano. Kaa' ra orou tauli no, ulun mayan poyo giu' ra Misir, koson ragili. Aku, Tuhan, nakaindagu noyo.”

JIRIMIA 49:39

Kaa' malupus raginio saukon Ku mamagun ru Ilam ra langkaya' saguli'. Aku, Tuhan nakaindagu noyo.”

JIRIMIA 49:6

Kaa' paat ra orou tauli no, saukon Ku Amon ra langkaya' saguli'. Aku, Tuhan nakaindagu noyo.”

YEHEZKIEL 38:8

Kopongo kukula' ngambilor, Susubon Ku io mamulunsar ra Israil, pagun ondo' tinirong noyo saguli' kalupus nalunsai sabap ra pangayawan. Pagun no lair noyo nokoloso nasauk ra kolondo' tutuu' am masiluk, am saguli' boo ulun ru Israil intor ra pagun-pagun ra bokon ra kagunungan ru pagun nilo. Raino ilo ngaangai' naayag ra kaansayan.

DANIL 10:14

Raino matong aku koson mambaal rirun makarati' ra baal ondo' masauk ra bansa' muno. Pinaintalang no intor ra baal ru orou matong.”

DANIL 11:41

am poyo mamulunsar ra tana' ondo' moonsoi am mamatoi ra kaaparan ribu ulun; kaa' pagun ru Idom, Moab am ulun ondo' lakat poyo soroi giu' ra Amon bayagon.

DANIL 2:28

Kaa' i Aki Kapuuno' panguasa' giu' ra suruga', nampatutun ra ngaangai' ondo' nakasibuni; nambala' Io rirun intor ra orou matong. Ginio ra iowo' aku mantunung ra inupi muno, iono pinaintalang ondo' nakito muno paat nombolong.

GOSIA 3:5

Kaa' masaboi paat ra ulun ru Israil sumaguli' ra Tuhan, i Aki Kapuuno' nilo, am ra sangulun intor ra papag ru Raja' Daut, raja' nilo. Ilo pana malaa' am mangurumat ra Tuhan, am niayuk mangapu ra pataakon-pataakon Nano ondo' moonsoi.

UNTABAN 24:14

Indagu i Biliam ra Raja' Balak, “Raino masaga' aku muli' ra bansa' kuli. Kaa' ra kalo poyo mugar aku, polosoo' aku no mambala' rirun ra atan ondo' baalon ru ulun ru Israil ra bansa' muno ra orou tauli no.”

SAGULION 31:29

Makapandai aku ra malupus aku matoi, lumaat ilo am mangimpai ra atan ondo' nangilaan kuno. Paat ra tauli no malumpa' ilo ra karaat, sabap nangkinibit ilo ra Tuhan sumangit ra mambaal ra atan ondo' inggalarin Nano.”

SAGULION 4:30

Paat ra akau ralalom kapaganan am ngaangai' baal makalalaa' no makalumpa' ramuyun, bagu no sumaguli' kau ra Tuhan i Aki Kapuuno' min am gumagaya' Riso.