JIRIMIA 48:44 - Tanou Moonsoi Timugon

⁴⁴ Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 48:44 ပူးပေါင်းရင်းမြစ်များ

1 RAJA'-RAJA' 19:17

Osoi ondo' makapagiru' intor ra ilang ri Gajail potoyon ri Jigu, am osoi ondo' mailiwan ru ilang ri Jigu potoyon ri Ilisa.

1 RAJA'-RAJA' 20:30

Saujor ondo' nakapagiru' intor ra giu' no minongoi ra bandar Apik, am giu' ra bandar no suang 27,000 ngaulun poyo naabaan ru timbok ru bandar no. Raja' Bingadad niayuk nagiru' minongoi ra ralalom ru bandar am siminindung giu' ra lamin talikuron ru rondo' baloi.

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 24:17

Rongogo' noyo, alii ra ngaangai' ulun! kalaanan, luang, am jajaling ragino ti maginaa ramuyun.

JISAYA 24:18

Osoi-osoi kuminam pagiru' intor ra kalaanan no io maratu' ra luang no, am osoi-osoi makalabus intor ra luang makasulung ra jajaling no. Rasam maawas rumatu' intor ra limbowon am lonor ru tana' ti mogonggon.

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 11:23

Inaru' Ku noyo paat no koson mamparatong ra karaat ra mamagun ru Anatot; paat no masaboi, kolondo' sangulun pana maayag.”

JIRIMIA 16:16

Indagu Tuhan, “Piawon Ku masuang ulun mangimpait koson mamparakop ra bansa' ragitio. Piawon Ku boo masuang ulun mampalula' koson mampalula' risilo giu' ra moonong gunung am bulur, am niayuk giu' ra luang-luang batu ru bulur batu.

JIRIMIA 23:12

Ginio ra, ralan ondo' binayaan nilo malamog am molondom; mangkinibit Aku risilo makasaru am maratu'. Mamparatong Aku ra karaat risilo, ra masaboi paat no koson mangukum risilo. Aku, Tuhan, nakaindagu noyo.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 49:8

Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

JIRIMIA 50:24

Okou Babilonia, minanggal kou Raki' am siminulung kou ra jajaling ondo' pinakaang Kuno rirun, kabalu' pana kalo nalimanan mu.

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

JIRIMIA 51:18

Dewa-dewa no kolondo' onong am musiti' asabin; ngaangai' no pusoon paat ra Tuhan matong koson mangukum.

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

SULABOI 3:47

linumpa' akai ru karaat am katutukan; maayag akai ralalom ru makalalaa' am malaa'.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 5:19

Baal nano koson ra ulun ondo' nagiru' intor ra singa', am nakatuum ra baawang; kapoam koson ra ulun ondo' muli' ra baloi am pabantaan no kalindu' nano ra timbok, am tindukon ru kukuo!

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.