JIRIMIA 48:37 - Tanou Moonsoi Timugon

³⁷ Ilo ngaangai' nangaur ra abuk am jangut, namilat ra kalindu', am nambayang ra karung koson tatandu' mangiluk guang.

JIRIMIA 48:37 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

1 RAJA'-RAJA' 18:28

Ginio ra nabi-nabi ru Baal no nakiasi' ra mosongou poyo. Namilat ilo niayuk ra inan ra ilang am tutura' sumugut ra kaulayan nilo, saboi raraa' miningkual.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

2 RAJA'-RAJA' 6:30

Pokorongog raja' raginio, rilako' no bayang nano sabap ra mangiluk guang. Ngaangai' ru ulun ondo' mamaar ra timbok no nakakito ra raja' no nambayang ra karung pinaralalom ra bayang nano.

1 TUNUNG RU BANSA' ISRAIL 19:4

Rinakop ru Raja' Ganun ulun sinusub ru Raja' Daut, am sinukur jangut nilo, pinutul bayang nilo saboi ra puun ru paa, nalupus raginio sinusub ilo minugar.

JISAYA 20:2

Talu ngambilor ra nakapagulu, nanusub Tuhan ri Jisaya anak ri Amos namagus ra kasut am nangalus ra konoon karung ondo' sinulungan nano. Sinugut ri Jisaya nanusuban raginio am minugar io nagibabaang am niayuk kalo nangkasut.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

JISAYA 37:1

Paat nokorongog ra nambalaan nilo, rinilak ru Raja' Gijkia bayang nano sabap ra mangiluk guang. Nambayang io ra konoon karung am minongoi ra Baloi ru Tuhan.

JIRIMIA 16:6

Ulun langkaya' am ulun musikin ra pagun ti matoi, kaa' kolondo' osoi pana manulaboi kapoam mompolobong risilo. Kolondo' sangulun pana mamilat ra inan kapoam mambulut ra ulu koson tatandu' mangulir risilo.

JIRIMIA 41:5

balu' ngoopor ngaulun nakasaboi intor ra Sikgim, Silo am Samaria. Kinaur nilo jangut, rinilak bayang am pinilat-pilat inan. Tatanga' ilo nagibit ra gandum am kaminyan koson pataakon giu' ra Baloi ru Tuhan.

JIRIMIA 47:5

Mamagun ru Gaja mangiluk kaga' guang, mamagun ru Askilon pana nongkoror. Saboi sanggilan kia ulun ru Palistin mangulir?

JIRIMIA 49:3

Mamagun kau ru Gisybon, pantangi' no! Bandar Ai napuso noyo! Ruandu' kau ru bandar Raba, pangulir no! Pambayang kano ra konoon karung am pangulir no. Pagiru' no ra giu' am giti ra maubong kaga'. Milkom, dewa min patirin ra pagun mabaya' ra imam-imam am pagawai-pagawai ru pamarinta.

YEHEZKIEL 27:31

Binulutan nilo abuk sabap ra akau, am nambayang ra konoon karung tatandu' mangiluk guang. Manulaboi ilo ra guang mangiluk.

YEHEZKIEL 29:18

“Okou ulun mapandai matoi, Raja' Nibukadnijar intor ra Babilonia namulunsar noyo ra Tirus. Nanusub io ra saujor nano mansaan ra maagat kaga' saboi ulu nilo naampakan am limbawo nilo nalandaran. Kaa' raja' am niayuk saujor nano kalo nakasugut nampagaau ra bandar no.

YEHEZKIEL 7:18

Mambayang ilo ra konoon karung am ngaangai' inan nilo monontol. Abuk nilo lamparin, am ilo ngaangai' tauyuon.

IMAMAT 19:28

Pai' baliso' kungkung muno, kapoam pilato' inan muno koson ra tatandu' mangulir ra ulun matoi. Aku noyo Tuhan.

AMOS 8:10

Pangiantakan mino saukon Ku ra panguliran, am rimbai maantak min saukon Ku ra manulaboi. Mangkinibit Aku ramuyun mompolompor ra abuk, am mambayang ra konoon karung koson tatandu' mangiluk guang. Masauk kau koson ra ina' ama' ondo' manulaboi ra pinatayan ru anak ungkuyon langkuir. Orou raginio pupusin ra kangilukan ondo' makapari' ra guang.

MIKA 1:16

Mamagun ru Jiuda kau ngai', lomporo' noyo abuk mino koson tatandu' mangulir ra lalaing-lalaing katagaman mino. Lingono' min buluti' abuk, sabap ra ngaangai' anak min patirin intor ra pagun.

MARKUS 5:5

Orou-rondom mangkayat io ra kalabangan no am golok-golok ra kabuluran liliwa' io mamilat ra inan nano ra pilang ru batu.

PINAINTALANG 11:3

Manusub Aku ra ruo ngaulun sasi' Kuno ondo' mambayang ra karung ra mangulir ilo, am ilo ti mampabala' ra tanou intor ri Aki Kapuuno' 1,260 ngoorou.”