JIRIMIA 48:35 - Tanou Moonsoi Timugon

³⁵ Polonggoon Ku mamagun ru Moab intor ra monolob ra taak simbalui giu' ra intok-intok sambaan nilo, am mopolonggo' risilo mampataak ra taak simbalui ra dewa-dewa nilo. Aku, Tuhan, nakaindagu noyo.

JIRIMIA 48:35 ပူးပေါင်းရင်းမြစ်များ

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 16:12

Gumogot toojo ulun ru Moab mangkiwa' ra bulur mongoi ra intok sambayangan nilo koson makiasi', kaa' gogot nilono kolondo' onong.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

UNTABAN 28:14

Mabaya' ra taak simbalui no musiti' pataakon niayuk taak simbalui wain, suang no ruo ngalito ra tayar ru moonong sapi' gawayan, salito am maintanga' ra tayar ru moonong sanginan domba gawayan, am salito tayar ru moonong sanginan anak domba. Ginio noyo aturan intor ra taak simbalui koson mapabansuk ra guang ru Tuhan, ondo' moonsoi pataakon paat ra orou kasaa' ra moonong sila' ralalom sambilor.