JIRIMIA 48:3 - Tanou Moonsoi Timugon

³ Mamagun ru bandar Oronaim giminolok, ‘Kalaatan! Kapusaan!’

JIRIMIA 48:3 ပူးပေါင်းရင်းမြစ်များ

JISAYA 15:2

Mamagun ru Dibon magaloi ra bulur koson mantangi' giu' ra intok sumamba ra dewa. Mamagun ru Moab sasingut-singut manulaboi ra bandar Nibo am Midiba. Kinungkulan nilo abuk am jangut koson tatandu' ra mangulir.

JISAYA 15:5

Makaasi' Aku ra Moab. Mamagun nano nagigiru' giu' ra Joar am Iglat-Silisia. Mokoondo' nagaloi ra ralan mongoi ra Lugit liliwa' mantangi'. Mokoondo' niayuk nagiru' giu' ra Oronaim liliwa' mompogolok am mangiluk sabap ra nalumpa' ru karaat.

JISAYA 15:8

Titikop pambaitan ru Moab maining bolos mantangi'. Tangi' raginio maining niayuk giu' ra Iglaim am Biir-Ilim.

JISAYA 22:4

Polosoo' aku sangulun koson maupus ra ngaangai' ulun kuno ondo' minatoi. Pai' aku kinami' ansuko'.

JIRIMIA 20:16

Polosoon noyo ulun nagibit ra tanou no koson ra bandar-bandar ondo' tinutuk ru Tuhan ra kalo makaasi'. Polosoon noyo io mokorongog ra golok marualan paat ra susuab ti, am golok mosongou ru pangayawan ra tanga' ru orou,

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

JIRIMIA 48:34

“Mamagun ru bandar Gisybon am Iliali mantangi' saboi tangi' nilo morongog giu' ra Jagas, am niayuk norongog ru ulun intor ra Joar saboi ra Oronaim am Iglat-Silisia. Sungoi Nimrim pana nalasakan noyo.

JIRIMIA 48:4

“Pinuso noyo Moab; rongogo' tangi' ru lalaing-lalaing.

JIRIMIA 48:5

Rongogo' ilo mantangi' ra sasusulikok giu' ra galur ru ralan magaloi mongoi ra bandar Lugit, nantangi' ilo sabap ra mangiluk guang, giu' ra galur ru ralan tumuun mongoi ra bandar Oronaim.

JIRIMIA 51:54

Indagu Tuhan, “Rongogo' tangi' giu' ra Babil, ulun manulaboi sabap ra kapusaan giu' ra pagun no.