JIRIMIA 48:29 - Tanou Moonsoi Timugon

²⁹ Lumimbau kaga' Moab! Nokorongog aku ra mapara' kinasumbung, kinasawat ru guang, kinalimbau ru mamagun ru Moab no! Mangkara' ilo kaga' ra inan galama'.

JIRIMIA 48:29 ပူးပေါင်းရင်းမြစ်များ

JISAYA 16:6

Mindagu ulun ru Jiuda, “Nakaining akai ra limbau ru ulun ru Moab; mapara' piboo limbau am manggo nilono. Kaa' ragu masawat nilono kolondo' onong-onong.”

MAZMUR 138:6

Kabalu' pana Okou no matulai kaga', ilain Mu niayuk ulun ondo' asasabin, am ulun malilimbau kalo mapandai mansibuni intor Rirun.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

LUKAS 14:11

Moonong ulun makapaliso ra minsawat guang, paingganaan; am moonong ulun makapaliso minggana' guang, painsawaton.”

DANIL 4:37

“Raino aku, i Nibukadnijar, mongompor, mangurumat am mampatulai ra Raja' panguasa' giu' ra suruga'. Ngaangai' binaal Nano motopot am matimpok. Masaga' io mapainggana' ra osoi ayuk ondo' lumimbau.”

AMSAL 30:13

Mokoondo' ulun mindagu ra ilo no moonsoi kaga' – kalo namimii' bonsoi no!

AMSAL 18:12

Ulun ondo' minggana' guang urumaton; ulun malilimbau maaru' iono mapuso.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

AMSAL 21:24

Ulun malilimbau am minsawat guang, masaga' mapakaruol ra guang am kolondo' guguang.

JISAYA 13:11

Mindagu Tuhan, “Ukumin Ku tana' ti sabap ra kalaatan nano, am ngaangai' ulun sabap ra tula nilo. Paingganaan Ku moonong ulun malilimbau, am mangukum ra moonong ulun ondo' masawat guang am niayuk malaat kaga'.