JIRIMIA 48:28 - Tanou Moonsoi Timugon

²⁸ “Mamagun kau ru Moab, iruani' bandar-bandar mino! Ongoi no ra bulur batu am ayan no ra giu' koson ra susuit asang ondo' nanabunsut giu' ra tobo ru lagam.

JIRIMIA 48:28 ပူးပေါင်းရင်းမြစ်များ

KASAUKAN 8:12

Kopongo naginaa katuluan poyo, palabuso' no igondo' poyo susuit asang no; raino ti susuit no kalo boo siminaguli' riso.

RIMBAI PANGAMPARAN 2:14

Koson kou ra susuit asang ondo' mansibuni ra kabatuan. Polosoo' aku no magilong ra bulos muno ra mantalur, polosoo' aku no mangkirongog ra bolos muno ondo' matangil.

JISAYA 2:19

Ulun mansibuni ra ralalom ru luang batu giu' ra kabatuan bulur, kapoam mangkali ra luang giu' ra tana' koson tumuliar ra sangit ru Tuhan, am mansibuni intor ra kuasa' am katulayan Nano bulintok ra Io matong manguyog ra tana' ti.

JIRIMIA 48:9

Baali' kalalair ra batu tatandu' ra Moab no, pagun no mataki' pusoon. Bandar-bandar nano lunsayon, am kalo boo ayanin ru ulun.”

JIRIMIA 49:16

Ruungon kau ru kalimbawan min. Kolondo' sangulun pana malaa' ramuyun koson ra pangkaraan min. Minayan kau giu' ra lolot ru bulur batu, maalur giu' ra rasawat ru gunung. Kaa' kabalu' pana nambaal kau ra baloi giu' ra intok masawat kaga', koson ra sawat ru bunsut ru susuit kanui, paingganaan kau ru Tuhan. Koon raginio noyo ragu ru Tuhan.”

JIRIMIA 49:8

Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.