27 Okou Moab, nakara' mu kia ragili kinuritan mu ulun ru Israil am sinimbaalan ilo ra ragu ilain koson ra narakop ra narampatan nababaya' ra ulun mantakou?
Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.
Indagu Tuhan, “Koson ra mantatakou tinauyu' paat rinakop, koon raginio niayuk ra ulun ru Israil tauyuon, makaaya' raja'-raja' am pagawai-pagawai min, imam-imam am nabi-nabi min.
koson akau ragili maansayan magilong ra pagun ru Israil, longgom Kuno nasauk ra kolondo' tutuu' am masiluk. Sotopot no kabuluran ru Siir, am niayuk titikop ru pagun Idom masauk ra kolondo' tutuu' am masiluk. Paat raginio makapandai boo moonong ulun ra Aku noyo Tuhan.”
Ginio ra alii ramuyun gunung am bulur ru Israil, sungoi boborok am limayak, intok ra nalunsai-lunsai, am bandar ondo' iniruanan ru mamagun nano am niayuk tinakawan am inasaban ru bansa'-bansa' giu' ra libung no, rongogo' atan ondo' paraguon Kuno, Tuhan Raja' ramuyun.
Koson raginio noyo mamagun ru Moab am Amon ukumin sabap ra kinalimbau am minsawat guang nilo, am niayuk sabap ra nagasaban nilo ra ulun ru Tuhan Ondo' Maayo Kaga' Kuasa'.
I Jisus pana indagu boo ra ulun masuang no, “Ulun malaat Aku kia saboi matong kau magibit ra ilang am lalamba' koson mamparakop Raki'? Moonong orou soroi Aku mangila' ra Baloi Tuhan am kalo rinakop min Aku!