JIRIMIA 47:6 - Tanou Moonsoi Timugon

⁶ Golok kau, ‘Okou ilang ru Tuhan! Saboi sanggilan kia okou mompopot? Saguli' no ra angkap muno, ayan no ra giu' no am tangus no.’

JIRIMIA 47:6 ပူးပေါင်းရင်းမြစ်များ

2 SAMUIL 2:26

Intor ra giu' no, nampiau i Abnir ri Joab, “Musiti' kia mampapatoi takau ra sabuoi-buoi no? Kalo kia nakaliman kou ra pangayawan ragitio magibit ayuk ra kaimbalaan? Akai ti pabukat rondo' bansa' rirun. Kula' poyo buoi muno maginaa ra kalo poyo manusub ra ulun muno lumonggo' mangilou ramon?”

1 TUNUNG RU BANSA' ISRAIL 21:27

Nanusub Tuhan ra malaikat mampasubol ra ilang nano ra angkap, malaikat no pana giminagaya'.

MAZMUR 17:13

Luat no, iou Tuhan, anggalo' pantula' kuno saboi maala! Bayago' aku ra ilang Muno paat ra ulun malaat mampatoi raki'.

JISAYA 10:15

Kaa' mindagu Tuhan, “Makapamanggo kia kapak no ra ulun ondo' mamakai riso no? Maatang kia toojo rondo' garagaji' no ka ulun ondo' mamakai ra garagaji' no? Sala' ka tataun pamalamba' no mampaguut ra ulun kaa' ulun no mampaguut ra tataun pamalamba'.”

JISAYA 10:5

Mindagu Tuhan, “Aibui boo ra Asyur! Pamakuan Kuno ra Asyur koson ra tataun pamalamba' mangukum ra ulun ondo' sangitin Kuno.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 12:4

Kula' poyo buoi no ru pagun mai ti mapua', am sakot molonot giu' ra padang? Susuit am bibiag matoi sabap ra kalaatan ru bansa' mai, ondo' mindagu, ‘Kalo makito ri Aki Kapuuno' binaal takati.’ ”

JIRIMIA 15:3

Aku, Tuhan nakapamatas noyo ra apat baal ondo' makalalaa' lumampa' ramuyun: ilo ondo' matoi ra potoyon ralalom ru pangayawan; baangkai nilo ayaton ru uku'; susuit mangakan ra baangkai nilo, am bibiag masigo manaliir ra suwo no.

JIRIMIA 25:27

Tuhan pana mindagu boo raki', “Balai' ngaangai' ulun no ra Aku, Tuhan Ondo' Maayo Kaga' Kuasa', i Aki Kapuuno' ru Israil, nanusub risilo manginum suku' magauk am mampalua'. Maratu' ilo am kalo boo makatirong saguli' sabap ra pangayawan ondo' porotongon Kuno risilo.

JIRIMIA 4:21

Saboi sanggilan kia musiti' aku magilong ra kinoporos ru pangayawan, am rumongog ra bolos ru bujung ondo' makalanit ra talingo?

JIRIMIA 48:10

Ulaso' noyo ulun ondo' kalo mambaal ra kandoi ru Tuhan ra sotopot ru guang! Ulaso' noyo ulun ondo' kalo mamutus ra ilang am mampatoi!

JIRIMIA 50:35

Indagu Tuhan, “Mapuso noyo Babilonia! Mapuso noyo mamagun nano, tingganai-tingganai nano am ulun-ulun nano ondo' mangapintar.

YEHEZKIEL 14:17

“Kapoam maaru' lair porotongon Ku pangayawan ra pagun ti am mangator ra kinandoi koson mamuso ra ulun am poyo bibiag.

YEHEZKIEL 21:30

“ ‘Pasulungo' ra angkap ilang no! Mangukum Aku ramuyun giu' ra intok akau inanak.

JAKARIA 13:7

Mindagu Tuhan Ondo' Maayo Kaga' Kuasa', “Tirong no, okou ilang, am bulunsaro' magagalung ondo' mangandoi Raki'! Potoyo' io maa' raginio domba sampanon nano mantutuliar. Bulunsaron Ku ulun Kuno,

JUANIS 18:11

Kaa' indagu boo i Jisus ri Pitrus, “Paangkapo' ilang muno! Musiti' Aku manginum ra sangkir kaimbalaan ondo' inaru' noyo ri Ama' Raki'.”

TINGGANAI RU BANSA' 7:20

Karuruo pulalai ra bokon no pana nambaal raginio. Kinayang nilo ngaangai' pilasut ra kalindu' ra kait, am bujung ra kalindu' ra pamiris, am golok, “Ilang ti tayar ru Tuhan am tayar ri Gidion!”