JIRIMIA 46:7 - Tanou Moonsoi Timugon

⁷ Osoi kia ondo' siminimpor koson ra timug ru Sungoi Nil, koson ra sungoi ondo' naliuran tobo no?

JIRIMIA 46:7 ပူးပေါင်းရင်းမြစ်များ

RIMBAI PANGAMPARAN 3:6

Atan kia minatong intor ra tana' kaagisan, koson ra kuliampun ru lisun? Maamis owou nano koson ra kaminyan am mur ondo' tinalan ru mantatalan.

RIMBAI PANGAMPARAN 8:5

Osoi kia minatong intor ra tana' kaagisan no, siminandig ra ambai nano? Karaton tokou ra saau ru puun ipol, intok naganakan rirun.

JISAYA 63:1

“Osoi kia io minatong intor ra bandar Bojra giu' ra Idom? Osoi kia io nambayang ra malia' am mugar ra maikang kaga'?” “Io Tuhan ondo' makakuasa' koson mamayag. Io matong koson mapabala' ra kamanangan Nano.”

JIRIMIA 47:2

“Ilai' noyo, timug tatanga' manggayo giu' ra ralayo, am masakob koson ra sungoi manggayo. Timug no sumakob ra pagun am suang no, bandar-bandar am mamagun ra giu' no. Ulun gumolok makiindangan, moonong ulun ra tana' ti manulaboi.

YEHEZKIEL 32:2

“Okou ulun mapandai matoi, anii' ra pampakaraan moporos ra raja' ru Misir. Posoboyo' ragu Kuno riso, ‘Giu' ra saang ru bansa'-bansa' ra bokon ilai' kou ayuk koson ra singa', kaa' baal muno koson poyo ra buayo ondo' minabol giu' ralalom ru sungoi. Kalayam muno nampalutok am nampajamol ra sungoi-sungoi.

DANIL 11:10

“Anak-anak ungkuyon ru raja' ru Siria tumampos koson mamulunsar am manirong ra pulalai ru saujor ondo' maayo. Sangulun intor risilo mampajunjung koson ra liur am mamulunsar ra pangampinan ru pantula'.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.

DANIL 9:26

Pompor ru paat raginio, tingganai ondo' pinili' ri Aki Kapuuno' no potoyon kabalu' pana kolondo' sala nano. Bandar Jirusalim am Baloi ru Tuhan pusoon ru pulalai ru saujor ru sangulun raja' ondo' makakuasa'. Pupus ru ginio sumaboi koson ra liur ondo' magibit ra pampatayan am kapusaan ondo' inaru' noyo ri Aki Kapuuno'.

AMOS 8:8

Ginio ra tana' ti mogonggon am ngaangai' ulun giu' ra pagun no magalabo. Titikop ru pagun mauyog; tana' ti magaloi tumuun koson ra Sungoi Nil.

PINAINTALANG 12:15

Luaa' boo ru tambuakal no liur timparang intor ra kabang nano ra ruandu' no koson mangabas riso.