JIRIMIA 46:6 - Tanou Moonsoi Timugon

⁶ Ilo ondo' maribok ra nasimbul kalo makapagiru'; saujor-saujor kalo makapagiru'. Makasaru am maratu' ilo, giu' ra ralayo, mamaar ra Sungoi Iprat.

JIRIMIA 46:6 ပူးပေါင်းရင်းမြစ်များ

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 24:7

Intor ragili raja' ru Misir am saujor nano kalo boo miningkual intor ra Misir koson mamulunsar, sabap ra paat raginio raja' ru Babilonia nanguasa' ra titikop ru wilayah ondo' ragili kinuasa' ru Misir, intor ra Sungoi Iprat saboi ra balitan ralayo ru pagun ru Misir.

MAZMUR 27:2

Bulintok ra ulun malaat mongoi bulunsar kinam pampatoi raki', makasaru ilo am maratu'.

MAMPATANOU 9:11

Mokoondo' poyo ondo' nakito ku ra tana' ti: ulun masimbul ondo' maribok kalo masalok manang, am ulun ondo' baani kalo masalok manang ralalom pangayawan. Ulun mapintar kalo masalok makaalap ra ruit, ulun mapandai kalo masalok masauk ra langkaya', am ulun ondo' maikang kalo masalok makaalap ra intok masawat kaga'. Nasip malaat lumumpa' ra moonong ulun.

JISAYA 8:15

Masuang ulun makasaru; maratu' ilo am mangapilatan. Malandak ilo.”

JIRIMIA 1:14

Indagu Tuhan raki', “Karaat lumuab intor ra ralayo am lumumpa' ra ngaangai' mamagun ru pagun ti,

JIRIMIA 20:11

Kaa', Okou, iou Tuhan, manaung raki'; Okou maikang am mapanggol. Ilo ondo' nangimbolo' raki' maratu' am kalo maikang. Tauyuon ilo ra sabubuoi no, sabap ra inatangan nilo kalo nasugut. Pagasaban risilo no masalok karaan.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 4:6

Panulu' no ra ralan mongoi ra Sion! Ribaki' bayago' inan! Pai' kalibut! Tatanga' Tuhan maparatong ra karaat am kapusaan maayo intor ra ralayo.

JIRIMIA 46:10

Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 46:12

Bansa'-bansa' nokorongog ra nagasaban ramuyun; ngaangai' ulun nokorongog ra tangi' min. Saujor ondo' sangulun nakasaru ra saujor ra bokon, am karuruo no naratu' ra tana'.

JIRIMIA 46:16

Saujor-saujor min nakasaru am naratu'! Nagindagu ilo ra rondo' am bokon, ‘Ribaki'! Ibok uli' takau ra bansa' takano, am nagiru' intor ra ilang ru ulun mamatoi!’

JIRIMIA 50:32

Bansa' muno ondo' malilimbau no makasaru am maratu'. Kolondo' sangulun pana mangindangan rirun migor. Monolob Aku ra bandar-bandar min, am ngaangai' ondo' giu' ra liliut no mapuso.”

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

DANIL 11:19

Raja' ru Siria muli' ra kubu-kubu ru pagun nano galama' kaa' kalaan io, am ginio noyo pupus nano.

DANIL 11:22

Saujor ondo' manggal riso, am poyo Tingganai Maayo Imam pana pusoon am luuson.