Gaawo' ngaangai' kim am tinambiag nilo, tabir ru kim am atan ayuk ondo' soroi giu' ralalom ru kim. Gaawo' unta nilo am balai' ilo, ‘Tontol liminiput ramuyun!’
Binaal Kuno rirun mampatigog ra masuang bansa'. Paat ra Aku mampaakang ra ilang Kuno, mangalaa' raja'-raja'. Paat ra orou okou maratu', ilo ngaangai' monontol sabap ra malaa' matoi.’ ”
Kopongo raginio, indagu sangulun intor ra malaikat no, “Pagiru' no, am akau pana maayag! Pai' pangkaili ra tinaulian am pai' uog ra limayak no. Pagiru' kano ra kabuluran no maa' raginio kalo matoi kau.”
Sumangit Tuhan ra ulun Nano. Masaga' Io mangukum risilo. Gunung mangauyog am baangkai sakabantai' ra tatanga' ru ralan koson ra ginsamol. Kaa' sangit ru Tuhan kolondo' poyo pupus. Rayusin No mangukum ra ulun Nano.
Mamparatong Aku ra kalaanan ramuyun intor ra ngaangai' intok. Ngaangai' min magiru', sigagama' kuminam mamayag ra inan. Kolondo' osoi pana boo makapanimung ra pulalai min.
Bibiag no musiti' mangakan ra baangkai ru saujor-saujor am manginum ra raraa' ru ulun manguasa' ra tana' ti, ondo' potoyon koson ra domba gawayan kapoam anak domba kapoam kambing gawayan kapoam sapi' gawayan ondo' molomok.