JIRIMIA 46:21 - Tanou Moonsoi Timugon

²¹ Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

JIRIMIA 46:21 ပူးပေါင်းရင်းမြစ်များ

2 SAMUIL 10:6

Ulun ru Amon pana nakaliman boo ra pinasauk nilo noyo Raja' Daut no ra pantula' nilo. Ginio ra nampagaji' ilo ra saujor ru ulun ru Siria: 20,000 ngaulun ondo' minayan giu' ra Bit-Rigob am Joba, am 12,000 ngaulun intor ra Tob, am niayuk raja' ru pagun Maakga nababaya' ra 1,000 ngaulun ulun nano.

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

MAZMUR 37:13

Kaa' Tuhan makakurit ra ulun malaat, sabap ra napandayan No ra pupus nilono mamaar noyo.

AMSAL 15:17

Moonsoi poyo mangakan ra sansam ondo' sumbayaan ru katagaman, ka mangakan ra kual malanging ondo' sumbayaan ru kasisangan.

JISAYA 10:3

Atan baalon min bulintok ri Aki Kapuuno' mangukum ramuyun ra tauli no? Atan baalon min paat ra Io mamparatong ra karaat intor ra pagun ondo' maalur? Osoi kia pakiindanganan min? Ati papasibunian min ra rapu' kalangkayaan mino?

JISAYA 34:7

Ulun-ulun matoi koson ra sapi' masigo am sapi' mamulok. Pagun nilono malimpot ra raraa' am mototop ra lomok.

JIRIMIA 18:17

Pantutuliaron Ku ulun Kuno giu' ra saang ru pantula', koson ra angin sirangon mapasiob ra kaau. Talikurin Ku ilo; kalo indanganon Ku ilo paat ra karaat matong.”

JIRIMIA 46:22

Nagiru' Misir liliwa' makakinalais koson ra kukuo, liliwa' saujor ru pantula' tatakip minggaar. Namulunsar pantula' ra panaa', koson ra ulun nantagar ra puun tataun,

JIRIMIA 46:5

Pangkuot Tuhan, “Kaa' atan kia ondo' nakito Kutu? Liminugut ilo ra nalaa'. Saujor nilo linamba' paluguto'; nagiru' ilo ra maribok kaga', kalo baani ilo mangkaili sabap ra nalaa' kaga'.

JIRIMIA 46:9

Susubo' kuda no mugar, am kurita'-kurita' kuda mugar ra maribok! Pangator no ra saujor-saujor: ulun intor ra Itiopia am Libia ondo' nagibit ra perisai, am niayuk ulun maturasik mamanah intor ra Lidia.’ ”

JIRIMIA 48:44

Ulun ondo' mangkinam magiru' intor ra tontol raginio maratu' ra ralalom ru luang, am ulun ondo' mangkinam mingkual intor ra luang no makasubol ra ralalom ru jajaling, sabap ra Tuhan nangaru' noyo ra paat katutukan ru Moab.

JIRIMIA 49:8

Mamagun kau ru bandar Didan, likar no am pagiru' no! Pansibuni no! Pusoon Ku papag ri Isau, sabap ra nasaboi paat no ra Aku mangukum risilo.

JIRIMIA 50:11

Indagu Tuhan, “Mamagun kau ru Babilonia, ginaawan min ulun Kuno. Maansukan kau am magilakup, tumindak-tindak koson ra sapi' ondo' mangagik ra gandum kapoam koson ra kuda ondo' mampagala',

JIRIMIA 50:27

Potoyo' ngaangai' saujor nilo! Simbaluyo' ilo ngaangai'! Aibui boo ra mamagun ru Babilonia! Nasaboi paat no ra ilo ukumin!” (

YEHEZKIEL 30:22

Ginio ra Aku, Tuhan Raja' mindagu: Aku ti pantula' ru raja' ru Misir. Pandakon Ku karuo-ruo kalindu' nano, ondo' lakat poyo maikang am niayuk ondo' napandak noyo. Ilang pana maratu' intor ra kalindu' nano.

YEHEZKIEL 35:5

Magail kau mantula' ra ulun ru Israil. Polosoon min ilo potoyon paat ra ilo malumpa' ru karaat koson ra ukuman pupus toojo tayar ru tula nilo.

GOSIA 9:7

Orou pangukuman nakasaboi noyo, orou koson mangapu ra pambalos. Makapandai boo Israil paat baal ragitio masauk. Kamin, “Nabi ti sasambungon. Ulun sinusub ri Aki Kapuuno' ti mantuyang.” Masisang kau kaga' raki' sabap ra tula min maayo kaga'.

AMOS 6:4

Aibui boo ramuyun ondo' liminuya' ra intok kaalangan ondo' moonsoi kaga', am munsag ra mangakan ra kual ru anak sapi' am anak domba!

OBAJA 1:13

Akau sotopot no kalo sumubol ra ralalom ru bandar ru ulun Kuno koson maansukan sabap ra mamagun nano maimbolo', am koson mampagaau ra rapu' nilo paat ilo malumpa' ru karaat.

MIKA 7:4

Ondo' moonsoi toojo pana am mabanis guang intor risilo pana koson bulungkut ru ruui ondo' kolondo' onong. Nasuku' noyo bulintok nano ri Aki Kapuuno' mangukum ra ulun ragitio, koson ondo' pinakara' No risilo ondo' pinabala' galing ra nabi-nabi Nano. Raino nasauk noyo kajajawan ralalom nilo.

MATIUS 22:4

Raja' no pana panusub poyo ra ulipon-ulipon no ra bokon i mongoi pambala'. Bilin no risilo, ‘Balai' noyo ondo' binalaan kuli ra akanon ra bunsag ti nakatampos noyo. Sapi' am anak ru sapi' mongoonsoi kuno, nasimbalui noyo. Ngaangai' ti nopongo noyo. Ibok, ratong kano ra bunsag paguatan ti!’

SAGULION 32:15

“Ulun ru Tuhan nasauk ra langkaya', kaa' masaga' gumuor, maasug ilo ra akanon, am molomok ilo. Mangiruan ilo ri Aki Kapuuno', Namangun risilo, am nangimpai ra Mamamayag risilo ondo' mapanggol.