JIRIMIA 46:2 - Tanou Moonsoi Timugon

² tumalimpuun ra Misir. Koon raginio noyo ragu Nano intor ra saujor ru Raja' Niko intor ra Misir, ondo' kinala ru Raja' Nibukadnijar intor ra Babilonia, giu' ra Karkimis mamaar ra Sungoi Iprat paat ra bilor kaapat ra pamarintaan ru Raja' Joyakim koson ra raja' ru Jiuda,

JIRIMIA 46:2 ပူးပေါင်းရင်းမြစ်များ

2 RAJA'-RAJA' 18:21

Malansan kou raja' ra indangan intor ra Misir, kaa' baal raginio koson ra ulun ondo' mamakai ra galaga koson ra jujuga'. Jujuga' no mapandak am manujok ra kalindu' muno galama'. Koson raginio noyo raja' ru Misir ra osoi ondo' malansan riso.’ ”

2 RAJA'-RAJA' 23:29

Paat ra pamarintaan ru Raja' Josia, Raja' Niko intor ra Misir naningganai ra saujor nano mongoi ra Sungoi Iprat koson mangindangan ra raja' ru Asyur. Mangkinam Raja' Josia mongompong ra saujor ru Misir giu' ra Migido, kaa' Raja' Josia pinatoi ralalom ru pangayawan.

2 RAJA'-RAJA' 23:33

Pamarintaan nano napupusan paat ra Raja' Niko intor ra Misir namparakop riso giu' ra Ribla, giu' ra pagun Gamat. Raja' Niko nampajajal ra mamagun ru Jiuda nambayar 3,400 ngakilogram pirok am 34 ngakilogram mas koson ra cukai.

2 RAJA'-RAJA' 24:7

Intor ragili raja' ru Misir am saujor nano kalo boo miningkual intor ra Misir koson mamulunsar, sabap ra paat raginio raja' ru Babilonia nanguasa' ra titikop ru wilayah ondo' ragili kinuasa' ru Misir, intor ra Sungoi Iprat saboi ra balitan ralayo ru pagun ru Misir.

JISAYA 10:9

Kinala ku bandar Kalno am Karkimis, bandar Gamat am Arpad. Kinala ku bandar Samaria am Damsyik.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 19:19

Bulintok raginio, giu' ra pagun ru Misir mokoondo' rondo' altar ru Tuhan, am rondo' batu pangkaraan Riso giu' ra balitan ru pagun.

JIRIMIA 25:1

Paat ra bilor kaapat kalupus i Joyakim anak ungkuyon ru Raja' Josia nasauk ra raja' ru Jiuda, nakaalap aku ra tanou intor ra Tuhan intor ra ngaangai' mamagun ru Jiuda. (Baal ragitio nasauk paat ra bilor kasaa' ru pamarintaan ru Raja' Nibukadnijar giu' ra Babilonia.)

JIRIMIA 25:19

Gitilo noyo suang ru inggalan ru ulun ra bokon ondo' musiti' manginum intor ra sangkir no: raja' ru Misir, pagawai-pagawai nano am tingganai-tingganai nano; ngaangai' ulun ru Misir am ngaangai' bansa' ra bokon giu' ra Misir; ngaangai' raja' giu' ra tana' Us; ngaangai' raja' ru Palistin giu' ra bandar Askilon, Gaja, Ikron, am ulun ondo' lakat poyo maayag giu' ra Asdod; ngaangai' ulun ru Idom, Moab am Amon; ngaangai' raja' giu' ra Tirus am Sidon; ngaangai' raja' giu' ra tampilon ru nagas Raat Tanga'; bandar Didan, Tima am Bus; ngaangai' ulun ondo' nampakariwa' ra abuk nilo; ngaangai' raja' ru Arab; ngaangai' raja' ru bansa' ondo' minayan giu' ra tana' kaagisan; ngaangai' raja' giu' ra Jimri, Ilam am Madai; ngaangai' raja' giu' ra ralayo, maalur am mamaar, sangulun am sangulun. Ngaangai' bansa' ra titikop ru tana' ti musiti' manginum intor ra sangkir ti. Ulun ra pupus toojo ondo' musiti' manginum intor ra sangkir no iono raja' ru Babilonia.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 36:1

Paat ra bilor kaapat ra pamarintaan ru Raja' Joyakim anak ungkuyon ru Raja' Josia, koson ra raja' Jiuda, minindagu Tuhan Raki',

JIRIMIA 43:11

Matong i Nibukadnijar am mangala ra Misir. Ilo ondo' inaru' ra matoi sabap ra maruol, ilo ondo' inaru' masauk ra ulun rinakop ru pangayawan no masauk ra ulun rinakop ru pangayawan, am ilo ondo' inaru' matoi ralalom ru pangayawan no matoi ralalom ru pangayawan.

JIRIMIA 45:1

Paat ra bilor kaapat ra pamarintaan ru Raja' Joyakim anak ungkuyon ru Raja' Josia koson ra raja' ru Jiuda, nanulis i Baruk ra atan ondo' pinabala' ku noyo riso. Kopongo raginio nambala' aku riso

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!