JIRIMIA 46:10 - Tanou Moonsoi Timugon

¹⁰ Gitio noyo orou ru Tuhan Raja' Ondo' Maayo Kaga' Kuasa': orou raiti' mansuli' Io; orou raiti' mangukum Io ra pantula' Nano. Ilang Nano mangakan risilo saboi maasug, am manginum ra raraa' nilo saboi majala'. Orou raiti' Tuhan Ondo' Maayo Kaga' Kuasa' nanimbalui ra taak-taak simbalui Nano, giu' ra ralayo, mamaar ra Sungoi Iprat.

JIRIMIA 46:10 ပူးပေါင်းရင်းမြစ်များ

2 RAJA'-RAJA' 24:7

Intor ragili raja' ru Misir am saujor nano kalo boo miningkual intor ra Misir koson mamulunsar, sabap ra paat raginio raja' ru Babilonia nanguasa' ra titikop ru wilayah ondo' ragili kinuasa' ru Misir, intor ra Sungoi Iprat saboi ra balitan ralayo ru pagun ru Misir.

AYUP 24:1

Kua kia kalo inaru' ri Aki Kapuuno' orou pangakiman, maa' raginio ulun ondo' makaulig Riso mokoowot ra katimpakan?

JISAYA 13:6

Pantangi' no sabap orou ru Tuhan mamaar noyo, bulintok ra Tuhan Ondo' Maayo Kaga' Kuasa' mamparatong ra pamusaan.

JISAYA 2:12

Orou raginio Tuhan Ondo' Maayo Kaga' Kuasa' mapainggana' ra ngaangai' ulun ondo' minsawat guang, am mangukum ra ngaangai' ulun malilimbau.

JISAYA 31:8

Asyur pusoon ra pangayawan, kaa' sala' ka ralalom ikang ru ulun. Ulun ru Asyur magiru' mangiruan ra pangayawan, am nasuangan tuu' bagu nilono saukon ra ulipon.

JISAYA 61:2

Sinusub No aku koson mapatanou ra mamaar noyo bulintok ru Tuhan mamayag; koson mangansuk ra ngaangai' ondo' mangiluk guang, am mambalos ra pantula'-pantula' nilono;

JISAYA 63:4

Bulintok no koson mamayag ra ulun Kuno nasaboi noyo; bulintok no koson mangukum ra pantula'-pantula' Kuno nasuku' noyo.

JIRIMIA 12:12

Giu' ra titikop ra tana' marata' ra masawat giu' ra tana' kaagisan, ulun matong koson mantakou. Mamparatong Aku ra pangayawan koson mangumok ra titikop pagun; kolondo' osoi pana ondo' maayag ra kaansayan.

JIRIMIA 46:14

“Potonowo' noyo tanou ragitio giu' bandar-bandar ru Misir, iono Migdol, Mimpis am Tapanis, ‘Tampos kano mangampin ra inan min; ngaangai' longgom min mapuso ralalom ru pangayawan!

JIRIMIA 46:2

tumalimpuun ra Misir. Koon raginio noyo ragu Nano intor ra saujor ru Raja' Niko intor ra Misir, ondo' kinala ru Raja' Nibukadnijar intor ra Babilonia, giu' ra Karkimis mamaar ra Sungoi Iprat paat ra bilor kaapat ra pamarintaan ru Raja' Joyakim koson ra raja' ru Jiuda,

JIRIMIA 46:6

Ilo ondo' maribok ra nasimbul kalo makapagiru'; saujor-saujor kalo makapagiru'. Makasaru am maratu' ilo, giu' ra ralayo, mamaar ra Sungoi Iprat.

JIRIMIA 50:15

Golok no ra lakis ru mangayou giu' ra liliut ru bandar no! Raino Babil nakirakop noyo. Timbok pangampin nano sinubol am ginaba' noyo. Tatanga' Aku mansuli' ra ulun ru Babilonia. Ginio ra pansuli' kano, am baalo' ilo koson ra pinamakuan nilo ra ulun bokon.

JIRIMIA 50:18

Sabap no ginio, Aku Tuhan Ondo' Maayo Kaga' Kuasa', i Aki Kapuuno' ru Israil, mangukum ra Raja' Nibukadnijar am pagun nano, koson ra Aku nangukum ra raja' ru Asyur.

JIRIMIA 51:6

Pagiru' no intor ra Babilonia! Bayago' noyo inan min! Pai' patoi sabap ra tula ru ulun ru Babilonia. Raino tatanga' Aku mansuli' am mangukum risilo nontopot ra binaal nilo.

YEHEZKIEL 21:28

“Okou ulun mapandai matoi, indagu ra ragu manala'. Balai' noyo ulun ru Amon ondo' magasab ra Israil ra Aku, Tuhan Raja' minindagu, ‘Ilang binutus noyo koson mamuso; inasa' koson mampatoi am manguliat koson ra ganit.

JOIL 1:15

Orou ru Tuhan mamaar noyo, paat ra Ondo' Maayo Kaga' Kuasa', mamparatong ra katutukan. Mapara' boo makalalaa' orou raginio!

JOIL 2:1

Samputi' bujung, kosongowo' bolos tatandu' makalalaa' giu' ra Sion, bulur matulai ri Aki Kapuuno'. Ponontol kano, akau mamagun ru Jiuda, sabap ra Orou ru Tuhan matong ra mataki'.

JAKARIA 6:6

Kurita' kuda ondo' binunduk ru kuda maitom sumuku' ra Babilonia giu' ra ralayo. Kuda mapulak sumuku' ra kalasaan am kuda ondo' tangkakalut sumuku' ra pagun giu' ra rabugus.

LUKAS 21:22

Sabap ra ginio noyo ‘Orou Pangukuman’, koson ra masauk ngaangai' ondo' tinulisan ra Buuk Kitab.

SAGULION 32:42

Anak panah Kuno maluitan ra raraa' nilo, am ilang Kuno mamatoi ra ngaangai' ulun ondo' manggal Raki'. Kolondo' sangulun pana ondo' manggal Raki' no maayag; am ulun napilat am ulun rinakop pana matoi.’