JIRIMIA 45:5 - Tanou Moonsoi Timugon

⁵ Gumogot kou kia luntukin ra moonsoi? Pai', sabap ra porotongon Ku karaat ra ngaangai' ulun. Kaa' tayar muno, inda' pana, ra ati ayuk angayan muno, maayag kou ayuk. Aku, Tuhan, nakaindagu noyo.”

JIRIMIA 45:5 ပူးပေါင်းရင်းမြစ်များ

KASAUKAN 6:12

Nagilong i Aki Kapuuno' ra tana' ti am nakakito ra kalaatan ayuk am ngaangai' ulun malaat kaayagan.

1 RAJA'-RAJA' 3:11

Indagu Io boo ra Raja' Salomo, “Sabap ra nakitaak kou ra kapintaran am sala' ka umur ra maawar, kapoam kalangkayaan, kapoam patayan ru pantula' muno,

1 RAJA'-RAJA' 3:9

Ginio ra anii' aku ra kapintaran ondo' gogoton kuno koson mamarinta ra ulun Muno ra matimpok, am maa' raginio mapandayan ku ondo' moonsoi am ondo' malaat. Amon ru kalo, kalo lair masaga' aku mamarinta ra ulun Muno ondo' maayo ti?”

2 RAJA'-RAJA' 5:26

Kaa' kon ri Ilisa, “Sala' ka kia ambiluo kutu soroi ra giu' no paat ra ulun no tumuun intor ra kurita' kuda nano koson tumuum rirun? Raino sala' ka paat no koson mangapu ra ruit am konoon, umo ru jaitun am umo ru anggur, sapi' am domba, kapoam ulipon-ulipon!

MAZMUR 131:1

Rimbai ru ratangan ri Daut. Iou Tuhan, kalo minsawat guang kuno, kalo malilimbau aku. Kalo gogoton ku baal-baal ra kalo makangkou, kapoam ondo' mapagon kaga' raki'.

JISAYA 66:16

Mabaya' ra apui am ilang, ukumin No ngaangai' ulun ru tana' ti ondo' mapandayan No makasala; masuang ulun ukumin ra matoi.

JIRIMIA 21:9

Moonong ulun ondo' mayan giu' ra ralalom ru bandar matoi sabap ra pangayawan kapoam bitilan kapoam maruol tumapik. Kaa' mingkual ilo koson makirakop ra ulun Babilonia ondo' tatanga' mamulunsar ra bandar ti maayag am kalo potoyon.

JIRIMIA 25:15

Tuhan, i Aki Kapuuno' ru Israil minindagu raki', “Gitio noyo sangkir ru wain ondo' sinuangan ra sangit Kuno. Ibito' sangkir ti ra ngaangai' bansa', am susubo' ilo manginum intor ra sangkir ti. Susubon Tokou mongoi risilo.

JIRIMIA 25:16

Paat ra ilo manginum intor ra sangkir ti, kakasiling nilo am kolondo' makara' sabap ra pangayawan ondo' porotongon Kuno risilo.”

JIRIMIA 25:31

saboi ra pompor ru tana' ti bolos Nano mamintanou. Pinatalang ru Tuhan baal no ra bansa'-bansa'. Mangakim ilo ra ngaangai' ulun am mamuso ra ulun malaat. Tuhan nakaindagu noyo.’ ”

JIRIMIA 38:2

ragu ru Tuhan, “Osoi ayuk mayan ra ralalom ru bandar ti matoi ralalom ru pangayawan, kapoam sabap ra bitilan, kapoam sabap ra maruol tumapik. Kaa' osoi ayuk mingkual am makirakop ra ulun ru Babilonia kalo potoyon; maa' ak ra io no maayag.”

JIRIMIA 39:18

Okou bayagon Ku, am kalo potoyon kou. Maayag kou sabap ra mangintopot kou Raki'. Aku, Tuhan, nakaindagu noyo.”

JIPANYA 3:8

Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

IBRANI 13:5

Pai' noyo pagingkaut ayuk ra ruit, kaa' karaan min ayuk ra sama' noyo atan ondo' soroi ramuyun no. Sabap ra minindagu noyo i Aki Kapuuno', “Kalo noyo toojo polosoon kapoam iruanin takamin.”