JIRIMIA 44:8 - Tanou Moonsoi Timugon

⁸ Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 44:8 ပူးပေါင်းရင်းမြစ်များ

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

2 TUNUNG RU BANSA' ISRAIL 7:20

Aku pana mamatir ramuyun intor ra pagun ondo' tinaakan Kutu ramuyun, am mangiruan ra Baloi ti ondo' timpokon Kutu koson ra intok sambayangan Raki'. Ulun giu' ra ati intok magagasab am mangingiis ra Baloi ti.

IBRANI 3:16

Osoi kia nakaining ra bolos ri Aki Kapuuno' kaa' minanggal boo Riso? Ilo tupo ondo' inibit ri Musa miningkual intor ra pagun ru Misir.

JIRIMIA 44:12

Mamagun ondo' lakat poyo minayan ra Jiuda, am ondo' gumogot mongoi giu' ra Misir am mayan ra giu', maaru' pusoon Ku. Ilo ngaangai', maayo am poyo boborok, matoi giu' ra Misir ralalom ru pangayawan kapoam sabap ra bitilan. Baal nilo makalalaa'. Ulun magasab risilo am mamakai ra inggalan nilo koson ra pagulasan.

JIRIMIA 44:7

Ginio ra raino Aku, Tuhan Ondo' Maayo Kaga' Kuasa', i Aki Kapuuno' ru Israil, nangkuot ra sabap binaal min baal ondo' malaat no ra inan min galama'. Mamuso kau kia ra ungkuyon, ruandu', anak am lalagang, saboi kolondo' sangulun pana intor ra bansa' min soroi?

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JISAYA 3:8

Jirusalim naratu' noyo! Jiuda pana napuut! Nansalinut raguon am binaal nilono manggal ayuk ra Tuhan. Kalo boo moopot nilo magasab ri Aki Kapuuno'.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 11:17

“Aku, Tuhan Ondo' Maayo Kaga' Kuasa' nanirong ra Israil am Jiuda. Kaa' raino, mompololob Aku koson mamparatong ra karaat risilo. Ilo galama' nangkinibit ra ngaangai' no liminumpa' risilo, sabap ra nambaal ilo ra kalaatan. Napasingkual ilo ra sangit Kuno ra nampataak ra taak simbalui ra Baal.”

GOSIA 4:13

Nampataak ilo ra taak simbalui giu' ra intok-intok sambaan ra sinungkalalaing giu' ra gunung. Sinolob nilo kaminyan giu' ra bulur, giu' ra saau ru puun-puun tataun makalu ondo' maawas raun sabap ra intok raginio masindungan. Kinibit nano anak-anak ruandu' min nasauk ra ruandu' mantalan ra inan, am anak-anak mangiwan ra ruandu' min nansasawa'.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

SAGULION 32:25

Pangayawan magibit ra patayan giu' ra ralan mangaayo, kalaanan makalumpa' ra ulun giu' ra baloi-baloi. Ulun mamulok, ungkuyon am ruandu' matoi, lalagang am ulun matutuo niayuk kalo pasuayon.

JIRIMIA 32:30

Intor ra talimpuun ru sejarah nilo, ulun ru Israil am ulun ru Jiuda kalo napabansuk ra guang Kuno, am napasingkual ilo ra sangit Kuno ra binaal nilo.

YEHEZKIEL 9:6

Potoyo' ulun matutuo, buayoi, ralaa, ina' am lalaing-lalaing. Kaa' pai' guuto' sangulun pana ondo' makatatandu' ra rabas. Intarin ra giti, intor ra Baloi Kutu.” Ginio ra tinalimpuunan nilo kandoi am namatoi ra tingganai-tingganai ondo' minigor giu' ra Baloi ru Tuhan.

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?