JIRIMIA 44:6 - Tanou Moonsoi Timugon

⁶ Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 44:6 ပူးပေါင်းရင်းမြစ်များ

JISAYA 1:7

Pagun mino pinuso noyo am bandar-bandar mino nakai' noyo solobo'. Mato mino galama' nakakito, ulun bansa' suai nampagaau ra tana' am ngaangai' no pinuso nilo.

JISAYA 51:17

Luat noyo, okou Jirusalim, luat noyo! Ukuman ondo' pinatasan ru Tuhan sabap ra sangit Nano nailian mu noyo saboi nalupus.

JISAYA 51:20

Moonong pompor ru ralan ulun-ulun muno maratu' kolondo' lulu' koson ra tambang nakasulung ra jajaling. Nalumpa' ilo ra sangit ru Tuhan, am matiu' ra sangit ri Aki Kapuuno' Muno.

JISAYA 6:11

Mangkuot aku, “Kula' buoi ru kasaukan koson ragitio, iou Tuhan?” Taam Io, “Saboi bandar-bandar mapuut, magagai am kolondo' namagun, baloi-baloi kalo boo ayanin, tana' naliung-liung am niayuk mapua'.

JIRIMIA 21:5

Mangayou Aku ramuyun ra sototopot ru ikang am sangit ondo' lumuab-luab.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 4:27

Minindagu Tuhan ra titikop ru tana' ti masauk ra tana' kaagisan, kaa' kalo pusoon No lingono'.)

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 7:17

Okou galama' nakakito ra binaal nilo giu' ra bandar-bandar Jiuda am giu' ra ralan-ralan ra Jirusalim!

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

JIRIMIA 7:34

Pagun ti masauk ra intok kolondo' atan pana tutuu'. Bolos maansukan am maansayan, am niayuk maansukan ra paguguatan giu' ra bandar-bandar Jiuda am giu' ra ralan-ralan ru Jirusalim langgain Ku.

JIRIMIA 8:3

Ulun intor ra bansa' malaat ti ondo' lakat poyo maayag, ondo' pinantutuliar Ku noyo ra nansalinut intok, masaga' poyo matoi intor ra maayag. Aku, Tuhan Ondo' Maayo Kaga' Kuasa' nakaindagu noyo.”

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

SULABOI 1:13

“Namparatu' Io ra apui intor ra limbowon, apui ondo' nonolob ra inan kuno. Nampaatang Io ra landak raki' am namparatu' raki' ra tana'. Io pana nompoloso boo raki' sangulun naimbolo' ra nonsongorou.

SULABOI 5:18

sabap ra Bulur Sion masiluk am iniruanan, uku' kataunan salilitau giu' ra nalunsai no.

YEHEZKIEL 20:33

“Sabap ra Aku, Tuhan Raja', i Aki Kapuuno' ondo' maayag, mampakara' Aku ramuyun ra sabap ru sangit Kuno, mamarinta Aku ramuyun ra mokotog am malasang. Makaliman kau ra kuasa' am sangit Kuno paat ra Aku manimung am magibit ramuyun sumaguli' intor ra pagun-pagun intok akau pinantutuliar.

YEHEZKIEL 24:13

Okou Jirusalim, jinamol kou ru binaal muno ra mantalan ra inan. Kabalu' pana kuminam Aku mampapasau rirun, kaa' magulayun kou majamol. Kalo mapasau kou saguli' saboi ra okou makaliman ra ngaangai' kinoporos ru sangit Kuno.

YEHEZKIEL 24:8

Raraa' no polosoon Ku ra giu' no, maa' raginio makito ru ulun am gumogot mambalos.”

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

YEHEZKIEL 6:12

Ilo ondo' maalur matiu' ru maruol am matoi; ilo ondo' mamaar matoi ralalom pangayawan; osoi ayuk ondo' lakat poyo maayag am mamimio matoi ra bitilan. Makaliman ilo ra ruol ru sangit Kuno.

YEHEZKIEL 8:18

Makaliman ilo ra kinoporos ru sangit Kuno. Kalo palabuson Ku ilo kapoam makaasi' risilo. Gumolok ilo toojo makiasi' Raki', kaa' kalo rongogon Ku ilo.”

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

IMAMAT 26:28

am mabaya' ra sangit manggal Aku ramuyun am mangukum ramuyun intulu' makalalaa' poyo intor ra nakasail.

IMAMAT 26:31

Mapalunsai Aku ra bandar mino am niayuk intok pampakanan mino. Kalo mangapu Aku ra taak intor ramuyun.

NAGUM 1:2

Tuhan i Aki Kapuuno' kalo masaga' ra mokoondo' pagilou, ulun ondo' manggal Riso maaru' makaalap ra ukuman. Ra sumangit kaga', mansuli' Io ra pantula' Nano.

JAKARIA 1:2

Tuhan Ondo' Maayo Kaga' Kuasa' nangani' ra susuban ri Jakaria koson mampasaboi ra tanou ti ra ulun Nano, “Aku, Tuhan siminangit kaga' ra kinamatuaan min.

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

JAKARIA 7:14

Koson ra bagiu' mapuor, kinuliagai Ku ilo saboi ilo minayan kalalaat giu' ra pagun ra bokon. Tana' ondo' malabung ti nasauk ra mapua', masiluk kaga', am kolondo' ulun minayan.”