JIRIMIA 44:29 - Tanou Moonsoi Timugon

²⁹ Aku, Tuhan mampainono' ra Aku mangukum ramuyun ra pagun ti, am ra bantu' Kuno koson mamuso ramuyun suguton.

JIRIMIA 44:29 ပူးပေါင်းရင်းမြစ်များ

AMSAL 19:21

Masuang atangon ru ulun, kaa' kasagaan ru Tuhan ayuk masauk.

JISAYA 31:2

Tuhan no mapintar am makapandai ra atan baalon Nano. Maparatong Io ra karaat, am mapaugar ra pomololob Nano koson mangukum ra ulun malaat am ulun ra mangindangan risilo.

JISAYA 40:8

Sakot masauk kumolop am bunga' pana lumonot, kaa' ragu ri Aki kapuuno' takau mantilayun ra sabuoi-buoi no.”

JISAYA 7:11

“Pakitaak noyo maa' raginio Tuhan, i Aki Kapuuno' muno manaak rondo' tatandu' rirun, ioginio intor nua' ra pagun ru ulun minatoi giu' ra ragana', kapoam intor ra limbowon giu' ra rasawat.”

JISAYA 7:14

Raino, Tuhan galama' manaak rirun ra tatandu': sangulun ralaa ondo' maapang maganak ra sangulun anak ungkuyon ondo' inggalanin ri ‘Imanuil’.

JISAYA 8:18

Gitio aku no am anak-anak ondo' pinataak ru Tuhan no raki'. Tuhan Ondo' Maayo Kaga' Kuasa' ondo' namarinta ra Bulur Sion, nanusub ramon koson ra tatandu' ru ulun ru Israil.

JIRIMIA 44:30

Pataakon Ku Raja' Gopra intor ra Misir ra pantula' nano ondo' masaga' mamatoi riso, koson ra Aku nampataak noyo ra Raja' Jidikia intor ra Jiuda ra Raja' Nibukadnijar intor ra Babilonia, pantula' ondo' masaga' mamatoi ra Raja' Jidikia.”

JAKARIA 1:6

Pinabala' galing ra nabi-nabi, ulipon Kuno, nampasaboi Aku ra susuban am pampakaraan Kuno ra kinamatuaan min. Kaa' kalo nampalio ilo raginio saboi musiti' mansaan ra kinibit nano. Kopongo raginio timinalikur ilo intor ra tula am nangiou ra Aku, Tuhan Ondo' Maayo Kaga' Kuasa', nangukum noyo risilo nontopot ra kasalaan nilo am nontopot ra nangaruan Kuno.”

1 SAMUIL 2:34

Paat ra karuruo anak muno, i Gopni am i Pinigas, matoi ra nogondo' orou, bagu no malimanan mu ra ngaangai' ondo' raguon Kutu totopot masauk.