JIRIMIA 44:27 - Tanou Moonsoi Timugon

²⁷ Tutunon Ku maa' raginio kalo makasugut kau; maaru' mapuso kau. Akau ngaangai' matoi, ralalom ru pangayawan kapoam sabap ra maruol tumapik, saboi kolondo' sangulun pana ramuyun maayag.

JIRIMIA 44:27 ပူးပေါင်းရင်းမြစ်များ

2 RAJA'-RAJA' 21:14

Iruanin Ku ilo ondo' lakat poyo naayag am pataakin ilo ra pantula'. Kalaan ilo ru pantula' am manalingaau ra pagun nilo.

JIRIMIA 1:10

Paat ra orou raiti' mangani' Aku rirun ra kuasa' ra bansa' am pamarintaan koson mampagaba' am mamparatu', koson mamuso am mampaluir, koson manirong am mopotolorog.”

JIRIMIA 21:10

Namatas Aku noyo koson manutuk ra bandar ti, am kalo malubatan. Bandar ragitio pataakon ra raja' ru Babilonia, am solobon ru raja' no ginio saboi makai'. Aku, Tuhan nakaindagu noyo.”

JIRIMIA 31:28

Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

JIRIMIA 39:16

mambala' ri Ibid-Milik, ulun ru Itiopia no, ra Tuhan Ondo' Maayo Kaga' Kuasa', i Aki Kapuuno' ru Israil, minindagu koon ragitio, “Koson ra rinagu Ku ragili, mamparatong Aku ra kapusaan am sala' ka kaansayan ra bandar ti. Paat ra baal raginio masauk ra maagu no, soroi kou ragiti koson tumainu raginio.

JIRIMIA 42:16

pangayawan am bitilan ondo' kalaanin min mangilou ramuyun saboi ra Misir, am matoi kau ra giu' no.

JIRIMIA 44:12

Mamagun ondo' lakat poyo minayan ra Jiuda, am ondo' gumogot mongoi giu' ra Misir am mayan ra giu', maaru' pusoon Ku. Ilo ngaangai', maayo am poyo boborok, matoi giu' ra Misir ralalom ru pangayawan kapoam sabap ra bitilan. Baal nilo makalalaa'. Ulun magasab risilo am mamakai ra inggalan nilo koson ra pagulasan.

JIRIMIA 44:13

Ukumin Ku ilo ondo' minayan giu' ra Misir, koson ra Aku nangukum ra Jirusalim ra pangayawan, bitilan am maruol tumapik.

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

JIRIMIA 44:18

Kaa' intor ra akai liminonggo' mampataak ra taak simbalui ra Raja' Ruandu' ru Suruga', am liminonggo' mampataak ra wain riso, naawayan akai ra ngaangai' no, am bansa' mai minatoi ralalom ru pangayawan am sabap ra bitilan.”

JIRIMIA 9:15

Ginio ra rongogo' noyo ondo' baalon Kuno, Tuhan Ondo' Maayo Kaga' Kuasa', i Aki Kapuuno' ru Israil: Mangani' Aku ra ulun Kuno ra tutuu' mapait koson akanon am tuuwo koson inumon.

JIRIMIA 9:16

Pantutuliaron Ku ilo ra bansa'-bansa' ondo' kalo nauligan nilo kapoam kinamatuaan nilai. Mangator Aku ra saujor koson mamulunsar risilo saboi ra Aku mamuso risilo ra malingon.”

YEHEZKIEL 5:12

Sampitalu ra mamagun muno matoi sabap ra maruol am bitilan giu' ra ralalom ru bandar, sampitalu matoi motobok ru ilang giu' ra liwar bandar, am sampitalu poyo pantutuliaron Ku ra ngaangai' intok am ilowon Ku ra ilang.

YEHEZKIEL 7:6

Ngaangai' no pupusin. Gitio noyo kapusaan muno. Kolondo' boo kalansanan muno.

DANIL 9:14

Nakatampos Kono mangukum ramon, iou Tuhan, i Aki Kapuuno' mai, am nakapangukum Kono ramon. Atan ondo' baalon Muno totopot matimpok sabap ra kalo rumongog akai Rirun.

AMOS 9:8

Aku, Tuhan Raja', tatanga' mangimansa' ra pamarintaan ru Israil ondo' makatula ti, am pusoon Ku ginio intor ra tana' ti. Kaa' kalo pusoon Ku ngaangai' papag ri Jakub.