JIRIMIA 44:26 - Tanou Moonsoi Timugon

²⁶ Kaa' raino rongogo' atan ondo' raguon Kuno rirun, ngaangai' kau ulun ru Israil ondo' minayan ra Misir: Aku, Tuhan nagibot ralalom inggalan Kuno ondo' matulai ra topot-topot kalo mangiou Aku ramuyun mamakai ra inggalan Kuno paat ra akau magibot. Kalo paindaguon kau, ‘Magibot aku ralalom inggalan ru Tuhan Raja' ondo' maayag!’

JIRIMIA 44:26 ပူးပေါင်းရင်းမြစ်များ

KASAUKAN 22:16

kono, “Ragu ru Tuhan: Magibot Aku ra inggalan Kuno galama', sabap ra binaal mu gitio am kalo inanggal mu koson mapataak ra anak langkuir muno Raki'.

MAZMUR 50:16

Kaa' i Aki Kapuuno' mindagu ra ulun malaat, “Kolondo' kuasa' min mindagu ra ukum Kuno am mangatang ra pansusunuran ra nabantuan Kuno,

MAZMUR 89:34

Kaa' rayusin Ku monogom ri Daut, am suguton Ku ngaangai' bantu' Kuli riso.

JISAYA 62:8

Tuhan nambantu' am nampator, am suguton ginio maya' ra kuasa' Nano. “Gandum mino kalo boo akanon ru pantula' mino, am wain binaal min intor ra kapaganan mino, kalo boo inumon ru ulun bansa' suai.

JIRIMIA 22:5

Kaa' amon ru kalo gumagaya' kau ra susuban Kuno, magibot Aku ra istana ti masauk ra mapuut. Aku, Tuhan nakaindagu noyo.

JIRIMIA 24:8

“Kaa' pamakuan Kuno, Tuhan ra ulun ragitio koson ra kawa' ru ara ondo' napasa', ondo' kalo maakan: Raja' Jidikia intor ra Jiuda, am pagawai-pagawai nano, am niayuk mamagun ru Jirusalim ra bokon, ondo' namagun ra pagun ti kapoam ondo' minanding ra Misir.

JIRIMIA 4:2

makapagibot kau ra ralalom ru inggalan Kuno. Mopongo raginio ngaangai' bansa' makibarakat ilo Raki', am mongompor ilo Raki'.”

JIRIMIA 44:11

Ginio ra Aku, Tuhan Ondo' Maayo Kaga' Kuasa', i Aki Kapuuno' ru Israil, manggal ramuyun am mamuso ra ngaangai' ru Jiuda.

JIRIMIA 44:14

Kolondo' sangulun pana intor ra ulun ru Jiuda ondo' minayan giu' ra Misir makapagiru' kapoam maayag. Kolondo' sangulun pana makauli' ra Jiuda, intok namagunan ondo' moondom ilo koson ra intok ayanan. Kolondo' makauli' ondo' ayuk am kukula' ngaulun nakapagiru'.”

JIRIMIA 44:24

Nambala' aku risilo ngaangai', mulu' poyo ra ruandu'-ruandu', ragu ru Tuhan Ondo' Maayo Kaga' Kuasa', i Aki Kapuuno' ru Israil, ra ulun ru Jiuda ondo' minayan giu' ra Misir, “Akau am andu' min nagibot noyo ra Raja' Ruandu' ru Suruga', ra mampataak kau ra taak simbalui am wain riso, iniou min noyo bantu' mino. Gino poyo, suguto' bantu' mino! Suguto' gogoton mino!

JIRIMIA 46:18

Aku, Tuhan Ondo' Maayo Kaga' Kuasa', Aku noyo raja'. Aku noyo i Aki Kapuuno' ondo' maayag. Koson ra Gunung Tabor masawat poyo intor ra gunung ra bokon, am Gunung Karmil masawat poyo intor ra ralimbou ru raat, koon raginio noyo kaikangan ru ulun ondo' mamulunsar ramuyun.

JIRIMIA 49:13

Aku galama' nagibot noyo ra bandar Bojra masauk ra tana' kaagisan ondo' makalalaa'. Ulun makakurit riso am alapon inggalan nano koson ra pagulasan. Pekan-pekan giu' ra liliut nano pana malunsai ra sabubuoi no. Aku, Tuhan nakaindagu noyo.”

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

JIRIMIA 51:14

Tuhan Ondo' Maayo Kaga' Kuasa' nagibot noyo ralalom inggalan Nano galama' ra mamparatong Io ra ulun ra kinasuang no koson ra gapu' sampanon koson mamulunsar ra Babilonia, am gumolok ilo ra golos ru kamanangan.

JIRIMIA 7:9

Mantakou kau, mampatoi, mansawa', mangani' ra kaintutunan magabau, mampataak ra taak simbalui ra Baal, am sumamba ra dewa-dewa ondo' kalo igondo' nauligan min.

YEHEZKIEL 20:39

Indagu Tuhan Raja', “Raino alii ra ulun kau ngai' ru Israil, pambaal kano maya' ra kasagaan min! Samba kano ra sinungkalalaing min! Kaa' aniin Takamin ra pampakaraan ra kalupus raginio musiti' kau gumagaya' Raki', am kalo boo mampajamol ra inggalan Kuno ondo' matulai ra magibit ra taak ra sinungkalalaing min.

GOSIA 4:15

“Kabalu' pana akau, ulun ru Israil kalo gumagaya' Raki', akau no poyo Jiuda pai' pambaal koson raginio. Pai' ongoi sambayang giu' ra Gilgal, kapoam giu' ra Bitil. Pai' baalo' bantu'-bantu' ra giu' no ralalom inggalan ru Tuhan ondo' naayag.

AMOS 6:10

Sangulun pabukat no, ondo' pinalansanan manalingapu ra pampalabangan ru ulun ondo' minatoi, matong koson ibiton mingkual baangkai ru pabukat nano. Mampiau io ra ulun ondo' soroi giu' ra ralalom ru baloi no, “Mokoondo' osoi kia poyo ondo' lakat poyo naayag suai ramuyun?” Taam ondo' morongog, “Kolondo'!” Pabukat no pana mindagu boo, “Pai' no boo indagu! Kalo iowon takau manabit ra inggalan ru Tuhan.”

AMOS 6:8

Kinalasang ru Tuhan Raja' Ondo' Maayo Kaga' Kuasa' nampakara' ragitio, “Masisang Aku ra kinalimbau ru ulun ru Israil; masisang Aku kaga' ra baloi moonsoi nilo. Pusor bandar nilo am ngaangai' ondo' soroi ra giu' pataakon Ku ra pantula'.”

AMOS 8:7

Tuhan, i Aki Kapuuno' ru Israil nagibot noyo, “Totopot kalo lilianin Ku binaal nilo ondo' malaat.

UNTABAN 14:28

Raino taamo' ilo ra koson ragitio, ‘Nampator Aku sabap ra Aku ondo' maayag, ra mambaal Aku nontopot koson ra kinitaak min. Aku Tuhan nakaindagu noyo.

IBRANI 3:18

Ri osoi kia inibatan Nano ra kalo makasubol ra pagun nilai am tumangus mabaya' Riso? Ilo tupo ondo' kalo giminagaya' Riso.

IBRANI 6:13

Paat ri Aki Kapuuno' nangani' ra bantu' ri Abragam, nagibot Io ra atan ondo' baalon Nano totopot masauk. Kolondo' sangulun pana maayo kuasa' intor Riso, ginio ra inggalan Nano ayuk galama' inalap Nano ra Io nagibot i:

IBRANI 6:18

Sabap ri Aki Kapuuno' kalo mapandai magabau, bantu' am ibot Nano kalo maalap kakulau. Intor raginio itakau ondo' nakialung Riso, maikang kalansanan takau ra bantu' Nano suguton No.