JIRIMIA 44:23 - Tanou Moonsoi Timugon

²³ Karaat ondo' nakalumpa' ramuyun ra raino ti matong sabap ra nampataak kau ra taak simbalui ra tuhan-tuhan ra bokon, am sabap ra tula min ra Tuhan am kalo giminagaya' ra susuban Nano.”

JIRIMIA 44:23 ပူးပေါင်းရင်းမြစ်များ

1 RAJA'-RAJA' 9:9

Ulun pana tumaam boo, ‘Sabap ra nangiruan ilo noyo ra Tuhan, i Aki Kapuuno' nilo ondo' nagibit ra kinamatuaan nilai miningkual intor ra Misir. Ilo no siminamba am nangandoi ra tuhan-tuhan ra bokon. Ginio sabap ra Tuhan naparatong ra karaat risilo.’ ”

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

2 TUNUNG RU BANSA' ISRAIL 36:16

Kaa' kinuli-kuli nilo ulun-ulun sinusub ri Aki Kapuuno' no, kalo nampalio ra ragu Nano, am nakakurit ra nabi-nabi Nano. Pupus no, siminangit kaga' Tuhan risilo saboi kolondo' boo ralan mingkual koson mapalabus ra ulun Nano intor ra ukuman Nano.

NIGIMIA 13:18

Ginio sabap no ri Aki Kapuuno' nangukum ra kinamatuaan takali ragili am namuso ra bandar ti. Raino akau nangkinibit ri Aki Kapuuno' siminangit poyo ra Israil ra jinamol orou Sabat!”

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

MAZMUR 119:150

Pantula' kuno mamaar noyo; kalo igogondo' ilo gagaya' ra Ukum Muno.

MAZMUR 119:155

Ulun malaat kalo bayagon, sabap ra kalo ginagaya' nilo ukum Muno.

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

MAZMUR 78:56

Kaa' ulun Nano lumaat am nangkinam ri Aki Kapuuno' Ondo' Maayo Kaga' Kuasa', kalo ginagaya' nilo panusuban Nano.

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 40:3

Raino sinugut no ragu Nano. Ngaangai' no nasauk sabap ra bansa' muno makatula ra Tuhan am kalo giminagaya' Riso.

JIRIMIA 44:10

Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

JIRIMIA 44:18

Kaa' intor ra akai liminonggo' mampataak ra taak simbalui ra Raja' Ruandu' ru Suruga', am liminonggo' mampataak ra wain riso, naawayan akai ra ngaangai' no, am bansa' mai minatoi ralalom ru pangayawan am sabap ra bitilan.”

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 44:21

“Indoson min kia ra kalo nakapandai Tuhan, kapoam nampalilian Io ra binaal min? Akau am kinamatuaan min mampataak ra taak simbalui ra Raja' Ruandu' ru Suruga'; baal raginio niayuk binaal ru raja'-raja', tingganai-tingganai, mamagun ru pagun ti, am akau galama' giu' ra bandar Jiuda am giu' ra ralan-ralan ru Jirusalim.

JIRIMIA 44:3

Kapusaan raginio nasauk sabap ra mamagun nano nambaal noyo ra malaat am napasingkual ra sangit Kuno. Nampataak ilo ra taak simbalui ra dewa-dewa, am siminamba ra dewa ondo' kalo igondo' sinamba nilo, akau kapoam kinamatuaan min.

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

SULABOI 1:8

Kalio boo kaurumatan nano; nagibabaang io am inasaban. Nampalaa io am nampasibuni ra bulos sabap nauyu', nampajamol Jirusalim ra inan ra tula ondo' maayo.

DANIL 9:13

Nangukum Kou ramon siminugut ra ngaangai' ondo' natulisan ralalom ru Ukum ri Musa. Raino pana, iou Tuhan, i Aki Kapuuno' mai, kalo minirot akai koson mapabansuk ra guang Muno. Kalo timinalikur akai intor ra tula mai kapoam siminugut ra pangilaan Muno ondo' motopot.

1 KORINTUS 10:20

Atan ondo' simbaluyon ra bandayan ru sinungkalalaing, sala' ka i Aki Kapuuno' papataakan, kaa' riwato-riwato. Ginio ra kalo masaga' aku ra akau magagapu ra riwato no.

2 KORINTUS 6:16

Mokoondo' kia sinungkalalaing sambaan ra Baloi Tuhan? Maaru' kolondo'! Itakau ti noyo Baloi Tuhan, ioginio i Aki Kapuuno' ondo' maayag. Sabap ra i Aki Kapuuno' galama' minindagu, “Rumondon Aku risilo am luminjau Aku ra tatanga' nilo. Masauk Aku ra Tuhan nilo, am masauk ilo noyo ra ulun Kuno.