JIRIMIA 44:22 - Tanou Moonsoi Timugon

²² Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 44:22 ပူးပေါင်းရင်းမြစ်များ

KASAUKAN 19:13

Sabap pusoon mai intok ragitio. Nakaining noyo Tuhan ra panguwan ra maagat kaga' ra mamagun ru giti am nangator Io ramon mongoi pamuso ra bandar Sodom.”

KASAUKAN 6:3

Tuhan pana mindagu boo, “Kalo polosoon Ku ulun maayag ra sabubuoi; ilo ulun mapandai matoi. Intor raino ti, umur nilo kalo masailan intor ra 120 ngambilor.”

2 RAJA'-RAJA' 17:15

Marara' ilo gumagaya' ra susuban Nano. Kalo linio nilo nabantuan ondo' binaal ru Tuhan am kinamatuaan nilai. Kalo rinongog nilo ondo' pinakara'-pinakara' ru Tuhan. Sinamba nilo sinungkalalaing ondo' kolondo' onong, saboi ilo galama' nasauk ra kolondo' onong. Minaya' ilo ra kaindalaman ru bansa'-bansa' giu' ra liliut nilo, kabalu' pana nanginggalar noyo Tuhan ra baal raginio.

JISAYA 1:24

Ginio ra, ragino rongogo' noyo Tuhan Ondo' Maayo Kaga' Kuasa', i Aki Kapuuno' ru Israil mindagu, “Pantula' Kuno, balasin Takamin. Akau pana kalo boo mantipagon Raki'.

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 7:13

Taam boo i Jisaya, “Rongogo' min toojo, akau papag ru Raja' Daut. Kalo kia poyo sama' okou mangkinam ra orot ru ulun? Musiti' kia okou mangkinam ra orot ri Aki Kapuuno' kuno niayuk?

JIRIMIA 15:6

Nangimpai kau Raki', talikurin min Aku. Ginio ra, paakangon Ku longon koson manutuk ramuyun, sabap ra nasuraan Aku no mongorot ra sangit Kuno.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 23:2

Gitio noyo ondo' pinaragu ru Tuhan, i Aki Kapuuno' ru Israil, intor ra ilo panguasa' ondo' sotopot no magalung ra ulun Nano, “Kalo inalungan min ulun Kuno; pinantutuliar min boo am pinagiru' min ilo. Raino ukumin Takamin sabap ra kalaatan min.

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 25:11

Polosoon Ku titikop ru pagun no matutuk am masauk ra intok makalalaa'. Bansa'-bansa' giu' ra liliut no mangandoi ayuk ra raja' ru Babilonia buoi tulu' ngoopor ngambilor.

JIRIMIA 25:18

Jirusalim am ngaangai' bandar giu' ra Jiuda, nababaya' ra raja'-raja' am tingganai-tingganai nilo, sinusub manginum intor ra sangkir no saboi ra ilo nasauk ra tana' kaagisan ondo' makalalaa'. Pakuan ra inggalan nilo koson ra ulas, koson ondo' nasauk saboi ra orou raiti'.

JIRIMIA 25:38

Nangiruan Tuhan ra ulun Nano koson ra singa' nangiruan ra luang batu nano. Kalaatan ru pangayawan am sangit ru Tuhan nangulau ra pagun ti nasauk ra tana' kaagisan.

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 29:19

Ngaangai' baal raginio masauk risilo sabap ra kalo sinugut nilo tanou Kuno ondo' pinasaboi Ku ra rinayus-rayus risilo pinabala' galing ra nabi-nabi, ulipon-ulipon Kuno. Marara' ilo mangkirongog ra tanou Kuno.

JIRIMIA 30:14

Ngaangai' ambai min nakalilian noyo ramuyun; kalo boo mampalio ilo ramuyun. Koson ra pantula', mamulunsar Aku ramuyun, ukuman ondo' maagat nakalumpa' ramuyun sabap ra tula min masuang kaga' am kalaatan min najanjayan kaga'.

JIRIMIA 34:22

Manusub Aku, am ilo pana mamulunsar ra bandar ti saguli'. Gaawon nilo bandar ti am solobon. Saukon Ku bandar-bandar giu' ra Jiuda koson ra tana' kaagisan ondo' kalo ayanin ru ulun. Aku, Tuhan, nakaindagu noyo.”

JIRIMIA 4:4

Guuto' min nabantuan min am Aku, Tuhan min; patimpoko' inan min Raki', akau mamagun ru Jiuda am Jirusalim. Amon ru kalo, sangit Kuno sumolob koson ra apui ondo' kalo malasa' ru osoi pana, sabap ra ngaangai' binaal min ondo' malaat!”

JIRIMIA 42:18

Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 44:12

Mamagun ondo' lakat poyo minayan ra Jiuda, am ondo' gumogot mongoi giu' ra Misir am mayan ra giu', maaru' pusoon Ku. Ilo ngaangai', maayo am poyo boborok, matoi giu' ra Misir ralalom ru pangayawan kapoam sabap ra bitilan. Baal nilo makalalaa'. Ulun magasab risilo am mamakai ra inggalan nilo koson ra pagulasan.

JIRIMIA 44:2

Gitio noyo ragu ru Tuhan Ondo' Maayo Kaga' Kuasa', i Aki Kapuuno' ru Israil, “Akau galama' nakatainu ra kapusaan ondo' pinalumpa' Ku ra Jirusalim am ngaangai' bandar ra bokon giu' ra Jiuda. Saboi raino pana bandar-bandar raginio lakat poyo ralalom ru baal nalunsai am kolondo' minayan.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 48:9

Baali' kalalair ra batu tatandu' ra Moab no, pagun no mataki' pusoon. Bandar-bandar nano lunsayon, am kalo boo ayanin ru ulun.”

JIRIMIA 5:9

Kalo kia matanda' ra Aku mangukum ra bansa' koson raginio am mambalos ra binaal nilono?

YEHEZKIEL 39:23

Bansa'-bansa' makapandai boo ra ulun ru Israil patirin sabap ra tula nilo Raki'. Iruanin Ku ilo, am polosoon ilo kalaan ru pantula' am potoyon ralalom pangayawan.

YEHEZKIEL 5:13

“Mailian mu kinoporos ru sangit am lasu' ru guang Kuno saboi Aku majala'. Paat ra ngaangai' no masauk, bagu no mangintopot kou ra Aku, Tuhan, nakaindagu rirun nabaya' ra sangit sabap ra kalo gumagaya' kou Raki'.

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

DANIL 9:12

Sinugut Mu noyo ondo' rinagu Muno ramon am panguasa'-panguasa' mai. Nangukum Kou ra Jirusalim moporos poyo intor ra bandar-bandar ra bokon ra tana' ti.

AMOS 2:13

Raino jajakin Takamin saboi ra tana', koson ra kurita' ru sapi' ondo' nososok ra inaut ra gandum.

MALIAKI 2:17

Binaal min Tuhan nasuraan ra ragu-ragu min. Kaa' nangkuot kau, “Ati kulaan akai nambaal ra Tuhan nasuraan?” Mindagu ra, “Ngaangai' ulun ondo' nambaal ra malaat karaan ra moonsoi ru Tuhan Ondo' Maayo Kaga' Kuasa', am maansayan Io risilo.” Kapoam mangkuot ra, “Ati kia i Aki Kapuuno' ondo' karaan ra matimpok no?”

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.