JIRIMIA 44:21 - Tanou Moonsoi Timugon

²¹ “Indoson min kia ra kalo nakapandai Tuhan, kapoam nampalilian Io ra binaal min? Akau am kinamatuaan min mampataak ra taak simbalui ra Raja' Ruandu' ru Suruga'; baal raginio niayuk binaal ru raja'-raja', tingganai-tingganai, mamagun ru pagun ti, am akau galama' giu' ra bandar Jiuda am giu' ra ralan-ralan ru Jirusalim.

JIRIMIA 44:21 ပူးပေါင်းရင်းမြစ်များ

1 RAJA'-RAJA' 17:18

Indagu ruandu' napuor no ri Ilia, “Okou ulipon ri Aki Kapuuno', kua kia baalo' mu baal ragitio raki'? Ginio kia ra okou minatong ti koson mampakara' ri Aki Kapuuno' ra tula kuno, am mangkinibit ra patayan ru anak kuno?”

MAZMUR 79:8

Pai' akai ukumi' sabap ra tula ru kinamatuaan maili, kaa' pakaasi' no ramon ra mataki', sabap ra akai malawo guang.

JISAYA 64:9

Ginio ra pai' noyo ianga' sangit ramon, kapoam mangkara' ra tula mai ra sabuoi-buoi no. Akai ulun Muno, pakaasi' noyo ramon.

JIRIMIA 11:13

Tuhan-tuhan ru mamagun Jiuda masuang kaga', koson ra kinasuang ru bandar nilo. Mamagun ru Jirusalim nambaal ra altar koson mampataak ra taak simbalui ra Dewa Baal ondo' makatataman no; altar ondo' binaal nilo koson ra kinasuang ru ralan giu' ra Jirusalim.

JIRIMIA 14:10

Koon raginio noyo ragu ru Tuhan intor ra ulun raginio, “Masaga' ilo magiru' intor Raki' am marara' ilo magalung ra inan. Ginio ra kalo maansayan Aku risilo. Karaan ku kasalaan nilo, am mangukum risilo sabap ra tula nilo.”

JIRIMIA 32:32

sabap ra ngaangai' kalaatan ondo' binaal ru ulun ru Jiuda am ulun ru Jirusalim, nababaya' ra raja'-raja' am tingganai-tingganai, imam-imam am nabi-nabi nilo.

JIRIMIA 44:17

Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

JIRIMIA 44:20

Aku pana mindagu boo ra ngaangai' ungkuyon am ruandu' ondo' timinaam raki' no,

JIRIMIA 44:9

Nalilianan min kia ngaangai' kalaatan ondo' binaal ru kinamatuaan min, ru raja'-raja' ru Jiuda am andu' nilai, am niayuk ru akau galama' am andu' min, giu' ra bandar-bandar Jiuda am giu' ra ralan-ralan ru Jirusalim?

YEHEZKIEL 16:24

nambaal kou niayuk ra intok koson sumamba ra sinungkalalaing am nantalan ra inan giu' ra igig ru ralan.

GOSIA 7:2

Kalo igondo' ra pangkaran nilo ra mangkara' Aku ra ngaangai' binaal malaat no. Linibungan ilo ru tula saboi makito Ku toojo.”

AMOS 8:7

Tuhan, i Aki Kapuuno' ru Israil nagibot noyo, “Totopot kalo lilianin Ku binaal nilo ondo' malaat.

SAGULION 32:19

“Paat ra nakito ru Tuhan baal raginio, sangit Io, anak Nano ra ungkuyon am ruandu', inimpayan No.

SAGULION 32:34

“Mangkara' Tuhan ra binaal ru pantula' ru ulun Nano; maginaa Io ra paat ondo' motopot koson mangukum risilo.

PINAINTALANG 16:19

Intor raginio, bandar ondo' maayo no napitalu, am nalunsai niayuk bandar ru ngaangai' pagun ra tana' ti. Kakara' boo ri Aki Kapuuno' bandar Babil ondo' maayo no am painumo' No io ra ruu' ru anggur intor ra sangkir Nano – ioginio wain ru sangit am ukum Nano ondo' makalalaa'.

PINAINTALANG 18:5

Sabap ra tula nilo natuntur noyo suku' ra limbowon, am kalaatan nilo makara' ri Aki Kapuuno'.

1 SAMUIL 15:3

Ongoyo' min bulunsaro' ulun ru Amalik, pusoo' min ilo am umoko' min ngaangai' ondo' soroi risilo no. Pai' min tatango' rondo' pana. Potoyo' min ngaangai' ungkuyon, ruandu', lalaing borok, lalagang, sapi', domba, unta am kaladai.”