JIRIMIA 44:17 - Tanou Moonsoi Timugon

¹⁷ Mambaal akai ra ngaangai' baal ondo' raguon mai. Mampataak akai ra taak simbalui ra dewi mai, Raja' Ruandu' ru Suruga'. Mampataak akai ra wain riso, koson ramon, kinamatuaan maili, raja' mai, am tingganai-tingganai mai maindalom mambaal raginio giu' ra bandar-bandar Jiuda am giu' ra ralan-ralan ru Jirusalim. Paat raginio mokoondo' akai ra masuang akanon; langkaya' akai am kalo mapagon.

JIRIMIA 44:17 ပူးပေါင်းရင်းမြစ်များ

2 RAJA'-RAJA' 17:16

Inanggal nilo ngaangai' ukum ru Tuhan, i Aki Kapuuno' nilo, am niayuk nambaal ra ruo sinungkalalaing ru sapi' intor ra basi' koson ra sambaan. Nambaal ilo niayuk ra sinungkalalaing Dewi Asyira, sumamba ra butitin-butitin am Baal.

2 RAJA'-RAJA' 22:17

Nangimpai ilo Raki' am nampataak ra taak simbalui ra tuhan-tuhan ra bokon. Napasingkual ilo ra sangit Kuno sabap ra ngaangai' ru binaal nilo. Raino sumangit Aku ra Jirusalim, am sangit Kuno kalo lumonggo'-longgo'.

2 TUNUNG RU BANSA' ISRAIL 28:23

Nampataak io ra taak simbalui ra dewa-dewa ru ulun Siria ondo' nangala riso. Kon ru Raja' Agas, “Dewa-dewa ru ulun Siria nangindangan ra raja'-raja' ru Siria. Amon mampataak aku ra taak simbalui ra dewa-dewa raginio, aku niayuk indanganon.” Binaal raginio namparatong ra karaat riso am mamagun nano.

NIGIMIA 9:34

Kinamatuaan mai, raja'-raja', imam-imam am tingganai-tingganai mai, kalo gumagaya' ra Taurat Muno. Kalo nampalio ilo ra susuban am pampakaraan Muno.

MAZMUR 106:6

Natulaan akai koson niayuk ra kinamatuaan maili; mangalaat am mausung akai.

MAZMUR 12:4

Langgai' noyo taligamis raginio, iou Tuhan, am pororoo' noyo kabang ra maayo ragu,

KAINGKUALAN 16:3

Konilo ri Musa am i Arun, “Moonsoi poyo ru minatoi akai pinatoi ru Tuhan giu' ra Misir. Maa' giu' no ra makaturung akai, am niayuk mangakan ra kual, am kula' pana suang ru akanon gogoton mai. Kaa' nagibit kou ramon mongoi ra tana' kaagisan ti maa' raginio ngaangai' akai matoi ra bitilan.”

JISAYA 48:5

Ginio ra intor ra galing i Aku minindagu intor ra orou matong mino, pabalaan Ku baal ondo' kalo poyo nasauk; maa' raginio kalo makaindagu kau ra baal raginio binaal ru sinungkalalaing sambaan mino.

JIRIMIA 1:16

Mangukum Aku ra ulun Kuno sabap ra tula nilo; mangiruan ilo Raki' am mampataak ra taak simbalui ra tuhan-tuhan ra bokon. Nambaal ilo niayuk am siminamba ra sinungkalalaing no.

JIRIMIA 11:12

Kopongo raginio mamagun ru Jiuda am Jirusalim mongoi pakiindangan ra tuhan-tuhan ra bokon ondo' sambaan nilo ra mampataak ra taak simbalui. Kaa' tuhan raginio kalo makaandar mamayag risilo paat ra karaat no matong.

JIRIMIA 18:15

Kaa' nampalilian ulun Kuno Raki'; nonolob ilo ra kaminyan ra sinungkalalaing. Nakasaru ilo giu' ra ralan ondo' musiti' nilo bayaan, kalo boo maya' ilo ra ralan ra galing i; liminisang ilo ra ralan mongoi ra ralan ondo' kalo poyo rinata'.

JIRIMIA 19:13

Ngaangai' baloi giu' ra Jirusalim am ngaangai' baloi ru raja'-raja' ru Jiuda masauk ra majamol koson ra Topit, sabap giu' ra taap ru baloi, nonolob ulun ra kaminyan tayar ru dewa-dewa ru limbowon am nampataak ra wain ra dewa-dewa ra bokon.”

JIRIMIA 44:21

“Indoson min kia ra kalo nakapandai Tuhan, kapoam nampalilian Io ra binaal min? Akau am kinamatuaan min mampataak ra taak simbalui ra Raja' Ruandu' ru Suruga'; baal raginio niayuk binaal ru raja'-raja', tingganai-tingganai, mamagun ru pagun ti, am akau galama' giu' ra bandar Jiuda am giu' ra ralan-ralan ru Jirusalim.

JIRIMIA 44:9

Nalilianan min kia ngaangai' kalaatan ondo' binaal ru kinamatuaan min, ru raja'-raja' ru Jiuda am andu' nilai, am niayuk ru akau galama' am andu' min, giu' ra bandar-bandar Jiuda am giu' ra ralan-ralan ru Jirusalim?

JIRIMIA 7:17

Okou galama' nakakito ra binaal nilo giu' ra bandar-bandar Jiuda am giu' ra ralan-ralan ra Jirusalim!

JIRIMIA 7:18

Lalaing-lalaing nanimung ra luton, ungkuyon nampaang ra apui, am ruandu' nangutou ra tapung koson baalon ra kuui ra dewi ondo' ininggalanan nilo koson ra Raja' Ruandu' ru Suruga'. Nampataak ilo niayuk ra wain ra tuhan-tuhan ra bokon koson mapakaruol ra guang Kuno.

YEHEZKIEL 20:32

Gumogot kau masauk koson ra bansa'-bansa' ra bokon, koson ra ulun ondo' minayan giu' ra pagun-pagun ra bokon am ondo' sumamba ra puun tataun am batu. Baal raginio maaru' kalo masauk.”

YEHEZKIEL 20:8

Kaa' inanggal nilo Aku am marara' rumongog ra ragu Kuno. Kalo namatir ilo ra sinungkalalaing ondo' makauyuyu' no, kapoam lumonggo' sumamba ra sinungkalalaing ru ulun ru Misir. Paat ra ilo lakat poyo soroi ra Misir, nakatampos Aku noyo mompoloso risilo makaliman ra ngaangai' kinoporos ru sangit Kuno.

YEHEZKIEL 23:41

Manturung ilo giu' ra kurisi' maawar ondo' moonsoi, giu' ra saang ru mija' ondo' natikop ra akanon maamis, am kaminyan am niayuk umau jaitun ondo' pinataak Kuno risilo.

YEHEZKIEL 8:16

Ginio ra ibito' No aku ra liliut ralalom giu' ra Baloi ru Tuhan. Giu' no, mamaar ra kulobon subalan mongoi ra intok matulai, lolot ru altar am langgar, mokoondo' olo'-olo' ruo ngoopor am limo ngaulun ungkuyon. Tinalikuran nilo intok matulai no am kiminuku' ra tampilon sirangon koson sumamba ra mato ru orou ondo' sumirang.

ABAKUK 1:16

Ilo pana siminamba ra ralo nilo am nampataak ra taak simbalui ra ralo no, sabap ra ralo nangani' risilo ra akanon ra masuang kaga' am langkaya'.

UNTABAN 30:12

Kaa' amon ru ralaki nano manginggalar riso manugut ra nazar nano paat nokorongog ra baal raginio, ruandu' no kalo boo panuguton ra nazar nano. Ralaki nano nanginggalar riso, am mangampun Tuhan ra ruandu' no.

UNTABAN 30:2

Paat ra sangulun ungkuyon mokogogoton koson manaak ra rorondo' ra Tuhan kapoam magibot ra kalo mambaal ra rorondo' baal, kalo makalungkang io ra bantu' nano. Musiti' io mambaal ra ngaangai' ondo' rinagu nano.

MARKUS 6:26

Intor raginio mangiluk boo kaga' guang ru raja' no, kaa' nakapagibot io noyo am ngaangai' tambului nano nokorongog am musiti' gagayaan no.

SAGULION 23:23

kaa' amon ru akau ra kasagaan ru guang mokoondo' ra nazar ra Tuhan i Aki Kapuuno' min, suguto' min nazar mino.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

TINGGANAI RU BANSA' 11:36

Taam anak nano, “Amon nagibot kou noyo ra Tuhan, baalo' noyo atan ayuk pamakuan muno raki' koson manugut ra bantu' muno. Iniou ru Tuhan ra okou nansuli' ra ulun ru Amon, pantula'-pantula' muno.”