JIRIMIA 44:15 - Tanou Moonsoi Timugon

¹⁵ Masuang kaga' boo ulun minatong raki', iono ngaangai' ungkuyon ondo' nakapandai ra andu' nilo nampataak ra taak simbalui ra dewa, am ngaangai' ruandu' ondo' minigor ra giu' no, nakaaya' ulun ru Israil ondo' minayan giu' ra tampilon rabugus ru Misir. Konilo raki',

JIRIMIA 44:15 ပူးပေါင်းရင်းမြစ်များ

KASAUKAN 19:4

Kalo poyo nombolong tambului no, ungkuyon ru bandar Sodom no liminibung noyo ra baloi no. Nakakai' ungkuyon ru bandar no, ondo' mangatutuo am poyo mangamulok soroi ra giu' no.

NIGIMIA 13:26

Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon.

AMSAL 11:21

Ulun malaat aruon ra ukumin, kaa' ulun moonsoi bayagon.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JISAYA 48:5

Ginio ra intor ra galing i Aku minindagu intor ra orou matong mino, pabalaan Ku baal ondo' kalo poyo nasauk; maa' raginio kalo makaindagu kau ra baal raginio binaal ru sinungkalalaing sambaan mino.

JIRIMIA 44:1

Indagu Tuhan raki' intor ra ngaangai' ulun ru Israil ondo' minayan giu' ra Misir, giu' ra bandar Migdol, Tapanis, Mimpis am tampilon rabugus ru pagun no.

JIRIMIA 44:19

Indagu ruandu'-ruandu' ru giu' no, “Paat ra akai mambaal ra ruti' pinatilu ra baal ru Raja' Ruandu' ru Suruga', am mampataak ra taak simbalui am wain riso, ralaki mai nangiou ra binaal mai.”

JIRIMIA 44:24

Nambala' aku risilo ngaangai', mulu' poyo ra ruandu'-ruandu', ragu ru Tuhan Ondo' Maayo Kaga' Kuasa', i Aki Kapuuno' ru Israil, ra ulun ru Jiuda ondo' minayan giu' ra Misir, “Akau am andu' min nagibot noyo ra Raja' Ruandu' ru Suruga', ra mampataak kau ra taak simbalui am wain riso, iniou min noyo bantu' mino. Gino poyo, suguto' bantu' mino! Suguto' gogoton mino!

YEHEZKIEL 29:14

Polosoon Ku ilo mayan giu' ra tampilon rabugus ru Misir, pagun intor nilo. Mayan ilo ra giu' am manirong rondo' pamarintaan ondo' malawo,

YEHEZKIEL 30:14

Saukon Ku tampilon rabugus ru Misir kolondo' tutuu' am masiluk, am solobon Ku bandar Soan giu' ra tampilon ralayo. Ukumin Ku Tibi, pusor bandar no,

MATIUS 7:13

“Subol kano ra kulobon ondo' mapisok no, sabap ra malangka' kulobon am malimparang ralan mongoi ra naraka! Masuang ulun maya' ra ralan ragitio.

SAGULION 13:7

Sangulun intor ra gino ngai' min maaru' lair mangambi' ramuyun koson sumamba ra tuhan ru bansa' ondo' minayan mamaar ramuyun, kapoam tuhan ru bansa' ondo' minayan ra maalur.