JIRIMIA 44:10 - Tanou Moonsoi Timugon

¹⁰ Kaa' saboi orou raiti' lakat kau poyo kalo minggana' guang. Kalo mangurumat kau Raki' kapoam maayag sumugut ra ngaangai' ru ukum ondo' tinaakan Kuli ramuyun am kinamatuaan min.

JIRIMIA 44:10 ပူးပေါင်းရင်းမြစ်များ

1 RAJA'-RAJA' 21:29

“Nakito mu kia ra Raja' Agab minggana' guang ra saang Kuno? Sabap ra nambaal io koon raginio, kalo maparatong Aku ra karaat no riso paat ra io maayag no. Maparatong Aku ra karaat no ra sasambaloi nano paat ra anak nano maayag.”

2 RAJA'-RAJA' 22:19

am okou pana timinalikur intor ra tula am mininggana' kou ra saang Kuno. Rinilak mu bayang muno am niayuk nantangi' paat ra okou nangkirongog ra lolob Kuno ra Jirusalim am mamagun nano. Mangukum Aku ra Jirusalim ra masaran saboi inggalan nano masauk ra rondo' ulas, kaa' nokorongog Aku noyo ra pakiasian muno.

2 TUNUNG RU BANSA' ISRAIL 32:26

Kaa' pupus no, Raja' Gijkia am mamagun ru Jirusalim minggana' guang, am Tuhan pana kalo nangukum risilo buoi ru Raja' Gijkia lakat poyo naayag.

2 TUNUNG RU BANSA' ISRAIL 33:12

Ralalom ru kaimbalaan nano Raja' Manasi mininggana' guang, am siminaguli' ra Tuhan, i Aki Kapuuno' nano, am nakiasi' ra nakiindangan Riso.

2 TUNUNG RU BANSA' ISRAIL 33:19

Pakiasian ru raja' am taaman ri Aki Kapuuno' ra pakiasian no, tula ru raja' ra io kalo poyo timinalikur intor ra tula, binaal nano ondo' malaat, intok sambaan ra sinungkalalaing am tatandu'-tatandu' ru Dewi Asyira ondo' binaal nano, am niayuk sinungkalalaing ondo' sinamba nano, tinulisan giu' ra ralalom ru kitab Sejarah Nabi-Nabi.

2 TUNUNG RU BANSA' ISRAIL 34:27

am timinalikur kono intor ra tula am niayuk minggana' guang ra saang Kuno. Rinilak mu bayang am niayuk nantangi' paat ra okou nokorongog ra lolob Kuno koson mangukum ra Jirusalim am mamagun nano. Nokorongog Aku ra pakiasian muno,

MAZMUR 34:18

Amon ulun ra motopot mampiau, mangkirongog Tuhan no am mamayag risilo intor ra ngaangai' kapaganan.

MAZMUR 51:17

Indangano' aku mindagu, iou Tuhan, am omporon Tokou.

MAZMUR 78:10

Kalo sinugut nilo nabantuan nilo ri Aki Kapuuno'; marara' ilo gumagaya' ra ukum Nano.

KAINGKUALAN 10:3

Ginio ra ongoi boo tuum i Musa am i Arun ra raja' am indagu riso, “Tuhan i Aki Kapuuno' ru ulun ru Ibrani mindagu, ‘Kula' poyo buoi mu kalo masaga' kumuku' Raki'? Paugaro' noyo ulun Kuno maa' raginio makasambayang ilo Raki'.

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

KAINGKUALAN 9:30

Kaa' nakapandai aku ra okou raja' am pagawai muno kalo poyo malaa' ra Tuhan i Aki Kapuuno'.”

AMSAL 14:16

Ulun mapintar kalo maajag-ajag am minggalur ra kalaatan, kaa' ulun sasambungon maajag-ajag am mamatas ra kalo mangkara' pagulu.

AMSAL 16:6

Ulun ondo' gumagaya' ri Aki Kapuuno' ampunon No. Ulun ondo' mangurumat am malaa' ra Tuhan makainggalur intor ra kalaatan.

AMSAL 28:14

Pakaansuk noyo ulun ondo' gumagaya' ra Tuhan, kaa' ulun mokotog ulu iono pusoon.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 42:24

Osoi kia napataak ra Israil no ra kalindu' ru pantula'? Tuhan galama', sabap ra makatula takau Riso! Kalo masaga' takau maayag maya' ra kasagaan Nano kapoam sumugut ra pangilaan Nano.

JISAYA 57:15

Aku noyo i Aki Kapuuno' Ondo' Masawat Kaga' am Matulai Kaga', ondo' maayag ra sabuoi-buoi no. Mayan Aku ra intok masawat am matulai, kaa' mayan Aku niayuk mababaya' ra ulun ondo' minggana' guang am ondo' timinalikur intor ra tula, koson mapatapuli' ra ambiluo am kalansanan nilono.

JISAYA 66:2

Aku galama' namangun ra tana' ti. Maansayan Aku ra ulun minggana' guang am tumalikur ra tula, ondo' malaa' am gumagaya' Raki'.

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

JIRIMIA 26:4

Nanusub Tuhan raki' mindagu risilo, “Koon ragitio ragu ru Tuhan, ‘Aku, Tuhan, nanusub noyo maa' raginio musiti' kau gumagaya' Raki' am mambaal ra ukum ondo' tinaakan Ku noyo ramuyun.

JIRIMIA 32:23

Kaa' paat ra ilo minatong ra pagun ti am minayan, kalo giminagaya' ilo ra susuban Muno, am kalo naayag siminugut ra pangilaan Muno. Kalo siminugut ilo ra rondo' pana intor ra susuban Muno. Ginio ra namparatong Kou ra ngaangai' karaat ti risilo.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JIRIMIA 44:23

Karaat ondo' nakalumpa' ramuyun ra raino ti matong sabap ra nampataak kau ra taak simbalui ra tuhan-tuhan ra bokon, am sabap ra tula min ra Tuhan am kalo giminagaya' ra susuban Nano.”

JIRIMIA 5:3

Sotopot no gogoton ru Tuhan gagaya'. Lambaan No akau, kaa' kalo lioon min. Popolon No akau, kaa' marara' kau mangapu ra pangilaan. Mokotog guang min am marara' tumalikur intor ra tula.

JIRIMIA 6:15

Mauyu' ilo kia sabap ra nambaal ra makauyuyu' ti? Kalo, totopot noyo kolondo' kauyuan nilo; nanangkapal bulos nilo. Ginio sabap ra maratu' ilo koson ra ulun bokon; bayag nilo pupusin paat ra Aku mangukum risilo. Aku, Tuhan nakaindagu noyo.”

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

YEHEZKIEL 9:4

“Ongoyo' titikop ru bandar Jirusalim am tatandui' rabas ru ngaangai' ulun ondo' mangiluk guang am mapagon sabap ra binaal ondo' makauyuyu' ondo' binaal giu' ra bandar no.”

MALIAKI 4:2

Kaa' akau ondo' gumagaya' Raki', kuasa' Kuno ondo' mamayag ramuyun sumirang koson ra mato ru orou, am kuasa' Kuno mangani' ra pamabasan koson ra sinda mato ru orou. Makalabus kau am maansukan koson ra anak ru sapi' ondo' pinaingkual intor ra kandang.

MATIUS 27:54

Tingganai ru saujor am saujor-saujor ondo' nantamung ri Jisus ni nalaa' ilo kaga' paat ra ilo nakakito ra tana' ti nauyog am ngaangai' ondo' nasauk ni am indagu, “Motopot toojo Io ti Anak ri Aki Kapuuno'!”

LUKAS 23:40

Kaa' sawayo' io ru rangan nali ra sinalip i, kono, “Kua pai' kou kalaa' ri Aki Kapuuno'? Okou niayuk inukuman nogondo' Riso.

ROMA 11:20

Motopot ginio. Inindaanan ilo sabap ra kalo nangintopot ilo, am soroi kau sabap ra pangintapatan mino. Intor raginio, pai' kano limbau, kaa' ilalai' min!

1 PITRUS 5:6

Sabap raginio, paingganaa' noyo guang mino ra kuasa' ri Aki Kapuuno' ondo' maikang kaga', maa' raginio mapainsawat Io ramuyun paat ra inaru' Nano.

PINAINTALANG 15:4

Osoi kia ondo' kalo malaa' Rirun, Tuhan? Osoi kia ondo' kalo masaga' mampatanou ra urumat Muno. Okou ayuk mapasau kaga'. Ngaangai' bansa' rumatong samba Rirun, sabap ra binaal Muno ondo' matimpok nakito ru ngaangai' ulun.”