JIRIMIA 43:2 - Tanou Moonsoi Timugon

² Kopongo raginio i Ajaria anak ri Gosaya am i Joganan anak ri Karia am ngaangai' ulun ra bokon ondo' malilimbau no minindagu raki', “Magabau kou! Tuhan, i Aki Kapuuno' takau, kalo nanusub rirun manginga' ramon koson mayan giu' ra Misir.

JIRIMIA 43:2 ပူးပေါင်းရင်းမြစ်များ

KASAUKAN 19:14

Ugar boo i Lot ongoi pambala' ra karuruo ngaulun tamung ru anak-anak ruandu' nano am indagu, “Ribaki' min ingkual intor ragiti sabap pusoon ru Tuhan intok ragitio.” Kaa', tantamon nilo mangkuli ayuk i Lot.

2 TUNUNG RU BANSA' ISRAIL 36:13

Raja' Jidikia giminuor ra Raja' Nibukadnijar, ondo' nampajajal riso nagibot ralalom inggalan ri Aki Kapuuno' ra gumagaya' io ra Raja' Nibukadnijar. Raja' Jidikia bambalingatan am marara' tumalikur intor ra tula am niayuk sumaguli' ra Tuhan, i Aki Kapuuno' ru Israil.

MAZMUR 119:21

Sawayon Muno ulun ondo' malilimbau; am magulas ra ulun ondo' kalo gumagaya' ra panusuban Muno.

MAZMUR 12:3

Ngaangai' ulun magabau ra rondo' am bokon, am mamparuung am mantaligamis ra rondo' am bokon.

MAZMUR 123:4

Nabuoi noyo kaga' akai asasabin ru ulun langkaya', am ulason ru ulun mangimbolo' ondo' malilimbau.

KAINGKUALAN 5:2

“Osoi kia Tuhan no?” nangkuot raja' no. “Kua kia ru musiti' rongogon ku Io am mapaugar ra ulun ru Israil? Kalo nakaulig aku ra Tuhan no, am kalo paugaron ku ulun ru Israil.”

KAINGKUALAN 9:17

Kaa' lakat kou poyo lumimbau am kalo mapaugar ra ulun Kuno.

AMSAL 16:5

Masisang Tuhan ra ulun malilimbau; kalo polosoon No ilo makalabus intor ra ukuman.

AMSAL 30:9

Amon ru langkaya' aku, magu' mindagu aku ra kolondo' pakuan kuno Rirun. Kaa' amon ru musikin aku, magu' mantakou aku, am mapakauyu' ri Aki Kapuuno' kuno.

AMSAL 8:13

Mangurumat ra Tuhan arati' no masisang ra kalaatan; masisang aku ra malilimbau am masawat ragu, paliso ra malaat am ragu-ragu ra mamparuung.

JISAYA 7:9

Israil kalo maikang poyo intor ra Samaria, pusor bandar nano, am Samaria pana kalo maikang poyo intor ra Raja' Pika. Amon ru kalo totopot kau mangintopot Raki', maaru' akau no maratu'.”

JISAYA 9:8

Ngaangai' namagun ra Israil am bandar Samaria makapandai ra Io noyo mambaal ra kasaukan ragitio. Ragino lumimbau ilo am masawat guang. Konilo,

JIRIMIA 13:15

Ulun kau ru Israil, Tuhan nakaindagu noyo! Paingganaa' guang muno am rongogo' ragu Nano.

JIRIMIA 18:18

Kon boo ru ulun, “Ibok no paguguum takau manggal ri Jirimia sabap itakau galama' mokoondo' ra imam ondo' makapangani' ra pangilaan, ulun mapintar makapangani' ra bilin, am nabi ondo' makapampasaboi ra tanou ri Aki Kapuuno' masalok soroi. Ibok no ibito' takau panguwan ri Jirimia, am lumonggo' mangkirongog ra ragu-ragu nano!”

JIRIMIA 40:8

Ginio ra i Ismail anak ri Nitania, i Joganan anak ri Karia, i Siraya anak ri Tanumit, anak-anak ri Ipai ulun ru Nitopa, am i Jijania anak ri Maakga minongoi nababaya' ra ulun nilo minuma' ri Gidalia giu' ra Mijpa.

JIRIMIA 41:16

I Joganan am tingganai-tingganai ru saujor nano ondo' nababaya' riso no pana nanimung boo ra ngaangai' ulun ondo' rinakop ri Ismail giu' ra Mijpa kalupus io namatoi ri Gidalia – saujor, ruandu', anak-anak, am sida-sida ondo' nasauk ra pagawai-pagawai ru istana.

JIRIMIA 42:1

Kopongo raginio ngaangai' tingganai ru saujor, nakaaya' i Joganan anak ri Karia am i Ajaria anak ri Gosaya, minatong nababaya' ra mamagun intor ra ngaangai' ru ulun manampagun.

JIRIMIA 42:20

ra akau ngaangai' tatanga' mambaal ra kasalaan maayo. Makitaak kau raki' makiasi' ra Tuhan, i Aki Kapuuno' takau, am nambantu' kau koson gumagaya' ra moonong susuban Nano.

JIRIMIA 42:5

Ilo pana mindagu boo raki', “Polosoon noyo Tuhan masauk ra sasi' ondo' mabanis guang am motopot ramon amon ru kalo gumagaya' akai ra susuban ondo' tinaakan ru Tuhan, i Aki Kapuuno' takau rirun koson ramon.

JIRIMIA 43:1

Pinasaboi ku noyo moonong ragu ru Tuhan, i Aki Kapuuno' ru Israil, ondo' musiti' ku posoboyon risilo.

JIRIMIA 44:16

“Marara' akai mangkirongog ra ragu ondo' raguon muno ra ralalom inggalan ru Tuhan.

JAKUBUS 4:6

Am mulu' poyo boo kataawan Nano ritakau. Ginio ra tinulisan ra Buuk Kitab ra, “Ampangin ri Aki Kapuuno' ulun ondo' minsawat guang, kaa' mataau Io ra ulun ondo' minggana' guang.”

1 PITRUS 5:5

Koson niayuk ramuyun tuu'-bagu kau ngai', gagaya' kano ra ulun matutuo. Pabukat kau ngai', paingganaa' noyo guang mino am pangindangan kano ra rondo' am bokon. Sabap ra mokoondo' tinulisan ra Buuk Kitab, “I Aki Kapuuno' gumula' ra ulun mangasumbung, kaa' motogom io ra ulun minggana' guang.”