JIRIMIA 43:12 - Tanou Moonsoi Timugon

¹² Solobon Ku kuil-kuil ru dewa Misir, am raja' ru Babilonia pana monolob ra dewa-dewa nilo kapoam ibiton ngaangai' no ra intok ra bokon. Koson ra sangulun magagalung mamasau ra bayang nano intor ra kutu, koon raginio niayuk ra raja' ru Babilonia mamasau ra Misir am mugar mabaya' ra kamanangan.

JIRIMIA 43:12 ပူးပေါင်းရင်းမြစ်များ

2 SAMUIL 5:21

Paat ra ulun ru Palistin nagiru' intor ra giu' no, tinatang nilo sinungkalalaing nilono. Alapo' boo ru Raja' Daut am ulun-ulun nano sinungkalalaing-sinungkalalaing no.

ESTER 6:9

Susubon boo maa' raginio sangulun tingganai ru pasimpungan pagun intor ra ulun bangsawan mampabayang ra bayang no ra ulun raginio, am magibit ra ulun no mangura' ra kuda muno raja' mansail ra babayaan ru bandar. Tingganai no musiti' mugar ra saang nano liliwa' gumolok, ‘Ilai', koon ragitio noyo raja' mangani' ra pangurumatan ra ulun ondo' kaansayin nano!’ ”

AYUP 40:10

Amon ru koon raginio, luat no ra matanda' am maligag kaga'; pasulungo' ra inan muno urumat am katulayan.

MAZMUR 104:2

am liniputan Kou ru sinda. Biningkal Mu limbowon koson ra kim,

MAZMUR 132:16

Imam-imam nano mapakito ra pamayagan intor Raki', am ulun-ulun nano magigindii ra maansukan.

MAZMUR 132:18

Tauyuon Ku pantula'-pantula' nano, kaa' karajaan nano moonsoi ayuk am langkaya'.”

KAINGKUALAN 12:12

Paat ra rondom raginio ongoyon Ku liputo' titikop ru pagun ru Misir, am mamatoi ra moonong anak ungkuyon katuaan, am niayuk moonong anak ungkuyon katuaan ru bibiag. Mangukum Aku ra ngaangai' dewa ra Misir; Aku noyo Tuhan.

JISAYA 19:1

Gitio noyo tanou ru Tuhan intor ra Misir. Minatong Tuhan ra Misir siminakoi ra gaun ondo' maribok. Ngaangai' sinungkalalaing ru Misir monontol ra saang Nano am namagun ru Misir liminawo.

JISAYA 21:9

Pulusat ru ulun kiminura' ra kuda sikaruo. Mantatamung raginio napabala', “Babil napuut noyo! Ngaangai' sinungkalalaing ondo' sambaan nilo tinutuk nakuliagai ra tana'.”

JISAYA 46:1

“Gitio noyo pupus ru dewa-dewa Babil; galing i sinungkalalaing Bel am Nibo sambaan, kaa' ragino pinakura' ra bakulung ru tambiag, masauk ra kapaganan ru tambiag ondo' kalo maligag.

JISAYA 46:2

Sinungkalalaing no kalo makakau' mangindangan ra nangkayang riso, ilo galama' kinayang koson ra rinakop. Ginio noyo pupus nilono.

JISAYA 49:18

Ilai' noyo am tantangi' noyo libung muno, ulun muno timinimung am matong rirun. Sabap ra Aku, i Aki Kapuuno' ondo' maayag, mindagu Aku, maansukan kou kaga' sabap namagun muno, koson ra ruandu' inuot maantak guang ra io pinampakai.

JISAYA 52:1

Luat noyo, okou Jirusalim, luat noyo! Ikango' guang muno! Sulungi' bayang moonsoi kaga' muno! Okou Jirusalim, bandar ondo' matulai, ulun majamol kalo boo sumubol ra kulobon garabang muno.

JISAYA 59:17

Katimpakan pakayon Nano koson ra bayang basi' am pamayagan koson ra tupi' basi'. Gogoton Nano koson manapuli' ra baal raginio am balasin kalo katimpakan.

JISAYA 61:10

Jirusalim maansukan sabap ra baal ondo' binaal ru Tuhan. Baal ru Jirusalim koson ra sangulun uoton ondo' nalimpor ra kuliamos makaantak. Ginio niayuk ri Aki Kapuuno' mapapakai ra pamayagan am kamanangan ra Jirusalim.

JISAYA 61:5

Akau ulun Kuno, ulun bansa' suai mangandoi ramuyun. Ilo magalung ra bibiag mino am mangandoi ra tana' am umo ru anggur mino.

JIRIMIA 10:11

Ulun kau, musiti' kau mambala' risilo ra dewa-dewa ondo' kalo namangun ra limbowon am tana' ti pusoon. Dewa-dewa no liomon intor ra tana' ti.)

JIRIMIA 10:15

Sinungkalalaing no kolondo' onong am sotopot no asabin. Ngaangai' no pusoon paat ra Tuhan matong mangukum.

JIRIMIA 25:19

Gitilo noyo suang ru inggalan ru ulun ra bokon ondo' musiti' manginum intor ra sangkir no: raja' ru Misir, pagawai-pagawai nano am tingganai-tingganai nano; ngaangai' ulun ru Misir am ngaangai' bansa' ra bokon giu' ra Misir; ngaangai' raja' giu' ra tana' Us; ngaangai' raja' ru Palistin giu' ra bandar Askilon, Gaja, Ikron, am ulun ondo' lakat poyo maayag giu' ra Asdod; ngaangai' ulun ru Idom, Moab am Amon; ngaangai' raja' giu' ra Tirus am Sidon; ngaangai' raja' giu' ra tampilon ru nagas Raat Tanga'; bandar Didan, Tima am Bus; ngaangai' ulun ondo' nampakariwa' ra abuk nilo; ngaangai' raja' ru Arab; ngaangai' raja' ru bansa' ondo' minayan giu' ra tana' kaagisan; ngaangai' raja' giu' ra Jimri, Ilam am Madai; ngaangai' raja' giu' ra ralayo, maalur am mamaar, sangulun am sangulun. Ngaangai' bansa' ra titikop ru tana' ti musiti' manginum intor ra sangkir ti. Ulun ra pupus toojo ondo' musiti' manginum intor ra sangkir no iono raja' ru Babilonia.

JIRIMIA 43:13

Lunsayon no batu pangkaraan ru sinungkalalaing giu' ra Giliopolis, giu' ra Misir, am monolob ra kuil-kuil ru dewa ra Misir.”

JIRIMIA 46:25

Tuhan Ondo' Maayo Kaga' Kuasa', i Aki Kapuuno' ru Israil minindagu, “Mangukum Aku ra Amon, dewa ru bandar Tibi mababaya' ra Misir am dewa-dewa am niayuk raja'-raja'. Alapon Ku raja' ru Misir am ngaangai' ondo' liminansan riso,

JIRIMIA 48:7

Okou Moab, malansan kou ra kaikangan am kalangkayaan muno, kaa' raino okou pana kalaan; i Kamos, dewa min, nabaya' ra imam-imam am pagawai ru pamarintaan patirin ra pagun ra bokon.

JIRIMIA 49:27

Solobon Ku timbok ru Damsyik am mangumpo ra istana-istana ru Raja' Bingadad. Aku, Tuhan Ondo' Maayo Kaga' Kuasa', nakaindagu noyo.”

JIRIMIA 50:2

“Pabalaa' noyo tanou raginio ra bansa'-bansa'! Potonowo' noyo tanou no! Pabilaro' noyo bandira' am potonowo' tanou no! Pai' sibunio' tanou no! Naratu' noyo bandar Babil! Mirodak, dewa nano inumok noyo! Sinungkalalaing ru Babil tinauyu' noyo, sinungkalalaing nano ondo' majamol no inumok noyo!

JIRIMIA 51:44

Ukumin Ku i Bel, dewa ru pagun Babilonia, am mambaal riso mampataak ra kuliamos tinakou nano. Bansa'-bansa' kalo boo sumamba riso. Timbok ru bandar Babil nalunsai noyo.

YEHEZKIEL 29:11

Kolondo' ulun kapoam bibiag mansail riso. Buoi apat ngambilor intok no kalo inayanan.

YEHEZKIEL 29:19

Ginio ra Aku, Tuhan Raja' mindagu, ‘Pataakon Ku pagun ru Misir ra Raja' Nibukadnijar. Talingaawon no pagun no am mampagaau ra ngaangai' rapu' ru pagun no koson ra gaji' ru saujor nano.

YEHEZKIEL 30:13

Indagu Tuhan Raja', “Pusoon Ku sinungkalalaing no am dewa-dewa giu' ra Mimpis. Kolondo' boo raja' ondo' mamarinta giu' ra Misir am baalon Ku ngaangai' ulun malaa'.

DANIL 11:8

Paat raginio muli' io ra Misir, ibiton no sinungkalalaing-sinungkalalaing ru dewa nilo, am niayuk kuliamos-kuliamos mas am pirok ondo' patimpokon koson ra dewa-dewa no. Buoi kukula' ngambilor kalo mamulunsar io ra Siria.

JIPANYA 2:11

Tuhan mangkinibit risilo malaa' kaga'. Tutukon No dewa-dewa ra tana' ti. Mopongo raginio ngaangai' bansa' sumambayang ra Tuhan, sigagama' giu' ra pagun galama'.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

IPISUS 4:24

Sauk kano ra ulun nakabagu ondo' saukon mansalu ri Aki Kapuuno', ioginio kaayagan motopot, ondo' mabanis ra pagilangan ri Aki Kapuuno'.

IPISUS 6:11

Alapo' noyo ngaangai' kinandoi mangayou ondo' pinongo ri Aki Kapuuno' ramuyun, maa' raginio makagula' kau ra ruung ru Tingganai ru riwato.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

KOLOSI 3:14

Kaa' ondo' maatang intor ra ngaangai' ru gitio io no togom, sabap ra gitio noyo ondo' mampasimpung ramuyun ngaangai' masauk rondo' guang.