JIRIMIA 42:6 - Tanou Moonsoi Timugon

⁶ Nakitaak akai rirun makiasi' ra Tuhan, i Aki Kapuuno' takau. Ginio ra ondo' pataamon Nano moonsoi kapoam kalo, gumagaya' akai Riso. Baal mai masauk ra moonsoi amon ru gumagaya' Riso.”

JIRIMIA 42:6 ပူးပေါင်းရင်းမြစ်များ

MAZMUR 128:2

Ampos ru bagui muno manumbali ra gogoton muno; maansukan kou am lumangkaya'.

MAZMUR 78:36

Kaa' ngaangai' ragu nilono abau ayuk, am ngaangai' pinaragu nilono abau ayuk toojo.

KAINGKUALAN 24:7

Kopongo raginio alapo' ri Musa kitab nabantuan ondo' tinulisan ra susuban ru Tuhan, am ra bolos matangil binasa' no ginio ra ulun raginilo. Konilo, “Gumagaya' akai ra Tuhan am mambaal ra ngaangai' susuban Nano.”

JISAYA 3:10

Mindagu Tuhan, “Ulun gumagaya' Raki' makakaansukan am maayag. Ilo galama' makasia' ra ampos ru kinandoi nilono.

JIRIMIA 22:15

Okou ti masauk kia ra raja' ondo' moonsoi poyo, amon ru mambaal kou ra istana ra tataun sidar, saboi moonsoi poyo intor ra istana ru ulun bokon? Ama' muno makasia' ra kaayagan moonsoi. Masalok io matimpok am kalo mampili' ra ulun, am nakasugut io ralalom ru ngaangai' pirot nano.

JIRIMIA 43:4

Kolondo' sangulun pana, i Joganan kapoam pagawai-pagawai saujor kapoam mamagun giminagaya' ra susuban ru Tuhan koson mamagun giu' ra pagun Jiuda.

JIRIMIA 7:23

Nanusub Aku ayuk risilo koson gumagaya' Raki' maa' raginio Aku masauk ri Aki Kapuuno' nilo, am ilo masauk ra ulun Kuno. Nanusub Aku risilo maayag sumugut ra susuban Kuno maa' raginio maansukan ilo.

ROMA 7:13

Amon ru koson poyo raginio, ondo' moonsoi no kia mangkinibit raki' ra kapatayan? Maaru' kalo! Mansail ra ukum ondo' moonsoi, tula noyo ondo' mangkinibit raki' ra kapatayan. Guang mambaal ra tula mauligan toojo am mansail ra ukum mapandayan noyo ra kinalaat ru tula no.

ROMA 7:7

Amon ru ginio poyo, atan boo paraguon takau? Malaat kia Ukum ri Musa no? Maaru' kalo! Kaa' Ukum ri Musa niayuk ondo' mampatutun raki' ra atan sotopot no tula. Amon ru kolondo' tinulisan ra Ukum ri Musa no, “Pai' pagingkaut,” maaru' kalo makapandai aku ra arati' ru magingkaut.

ROMA 8:7

Ulun ondo' pamaguangan nano kinuasa' ru paliso ru ulun mantula' ri Aki Kapuuno', sabap ra kalo gumagaya' io ra ukum ri Aki Kapuuno' am sotopot no kalo magagaya' no ukum raginio.

SAGULION 5:27

Okou Musa, ugar noyo am rongogo' noyo ngaangai' ondo' rinagu ru Tuhan i Aki Kapuuno' takau. Kopongo raginio saguli' noyo am balai' akai ra atan ondo' rinagu Nano rirun. Mangkirongog am gagayaan mai.’

SAGULION 5:29

Mapara' bonsoi no amon ru magail ilo makaliman koson raginio. Mapara' bonsoi no amon ru magail ilo malaa' Raki' am gumagaya' ra ngaangai' susuban Kuno, maa' raginio ilo am papag nilo makakaansayan ra sabubuoi no.

SAGULION 5:33

Gagayaa' noyo ngaangai' ondo' nanusuban ru Tuhan i Aki Kapuuno' min maa' raginio makakaansayan am maawar painawo min giu' ra tana' ondo' ayanin min.”

JOSUA 24:24

Indagu boo ulun-ulun raginio ri Josua, “Mangandoi akai ayuk ra Tuhan i Aki Kapuuno' takau. Gagayaan mai susuban Nano.”