JIRIMIA 42:5 - Tanou Moonsoi Timugon

⁵ Ilo pana mindagu boo raki', “Polosoon noyo Tuhan masauk ra sasi' ondo' mabanis guang am motopot ramon amon ru kalo gumagaya' akai ra susuban ondo' tinaakan ru Tuhan, i Aki Kapuuno' takau rirun koson ramon.

JIRIMIA 42:5 ပူးပေါင်းရင်းမြစ်များ

KASAUKAN 31:50

Indagu poyo ri Laban, “Amon ru lumaat kou ra anak-anak kuno kapoam manangandu' kou poyo ra bokon, kabalu' pana ra kolondo' makapandai, karaa' noyo ra i Aki Kapuuno' no magalung rito.

KAINGKUALAN 20:19

Konilo ri Musa, “Amon ru mindagu kou ramon, iningon mai. Kaa' amon ru mindagu i Aki Kapuuno' ramon, matoi akai.”

KAINGKUALAN 20:7

“Pai' sabito' inggalan Kuno koson kuayan ra malaat sabap ra Aku Tuhan i Aki Kapuuno' mu, mangukum ra osoi pana ondo' mangumpara' ra inggalan Kuno.

JIRIMIA 42:20

ra akau ngaangai' tatanga' mambaal ra kasalaan maayo. Makitaak kau raki' makiasi' ra Tuhan, i Aki Kapuuno' takau, am nambantu' kau koson gumagaya' ra moonong susuban Nano.

JIRIMIA 43:2

Kopongo raginio i Ajaria anak ri Gosaya am i Joganan anak ri Karia am ngaangai' ulun ra bokon ondo' malilimbau no minindagu raki', “Magabau kou! Tuhan, i Aki Kapuuno' takau, kalo nanusub rirun manginga' ramon koson mayan giu' ra Misir.

JIRIMIA 43:4

Kolondo' sangulun pana, i Joganan kapoam pagawai-pagawai saujor kapoam mamagun giminagaya' ra susuban ru Tuhan koson mamagun giu' ra pagun Jiuda.

JIRIMIA 5:2

Kabalu' pana kamin sumamba kau ra Tuhan, sala' ka ginio guangon min.

MIKA 1:2

Rongog kano, akau ngaangai' bansa'; ilai' noyo, akau ngaangai' mamagun ru tana' ti! Tuhan Raja' masauk ra sasi' koson manguu' ramuyun ngai'. Rongog kano! Mindagu Io intor ra intok Nano ondo' matulai giu' ra suruga'.

MALIAKI 2:14

Mangkuot kou ra sasaban no ra Io kalo boo mangapu ra taak muno. Koson raginio baal no sabap ra Tuhan nakapandai ra okou kalo boo giminagaya' ra ruandu' inandu' muno paat ra akau mamulok. Ruandu' no rangan ru kaayagan am andu' min, kaa' liminungkang kou ra bantu' riso, kabalu' pana binantu' mu noyo ra saang ri Aki Kapuuno' koson magulayun gumagaya' riso.

MALIAKI 3:5

Mindagu Tuhan Ondo' Maayo Kaga' Kuasa', “Matong Aku koson mangakim ramuyun. Mataki' Aku masauk ra sasi' koson manggal ra ulun mapandai kaga' ra sihir, ulun mansawa', ulun mangani' ra inono' kalo motopot, ulun nambaal ra malaat ralalom ru baal mampagaji' ra ulun mangandoi, ulun ondo' mangimbolo' ra ruandu' napuor, nailusan ra matuo, am ulun bansa' ra bokon, am niayuk ra ngaangai' ulun ondo' kalo mangurumat Raki'.”

ROMA 1:9

I Aki Kapuuno' noyo sasi' ra atan ondo' raguon kutu motopot. Io no i Aki Kapuuno' ondo' pangandayan kuno ra sotopot-topot ru guang ra mampasaboi ra Tanou Moonsoi intor ra Anak Nano. Moonong ra aku makiasi' karaan takamin am makitaak ri Aki Kapuuno' ra poongoyon No aku ramuyun maya' ra kasagaan Nano.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

TINGGANAI RU BANSA' 11:10

Taam ilo, “Mangiou akai. Tuhan sasi' mai.”

1 SAMUIL 12:5

Ginio ra indagu i Samuil, “Polosoon noyo Tuhan am raja' ondo' pinili' Nano masauk ra sasi' ra orou raiti' ra koon min ra kolondo' ra sanganu pana sala kuno.” Taam ilo, “Iou motopot. Tuhan no nasauk ra sasi' takau.”

1 SAMUIL 20:42

Kopongo raginio indagu i Jonatan ri Daut, “Gama' ru i Aki Kapuuno' no mabaya' rirun. Tuhan no manutun maa' raginio ito am papag tano masalok mampaguut ra nabantuan tano ruo giu' ra saang Nano.” Kopongo raginio i Daut minugar, am i Jonatan minuli' ra bandar.