JIRIMIA 42:21 - Tanou Moonsoi Timugon

²¹ Pinasaboi ku noyo ragu Nano ramuyun ngaangai', kaa' inanggal min moonong susuban ondo' pinasaboi kuli.

JIRIMIA 42:21 ပူးပေါင်းရင်းမြစ်များ

MAZMUR 81:12

Kaa' ulun Kuno kalo mangkirongog ra ragu Kuno; Israil kalo gumagaya' Raki'.

JIRIMIA 43:1

Pinasaboi ku noyo moonong ragu ru Tuhan, i Aki Kapuuno' ru Israil, ondo' musiti' ku posoboyon risilo.

JIRIMIA 43:4

Kolondo' sangulun pana, i Joganan kapoam pagawai-pagawai saujor kapoam mamagun giminagaya' ra susuban ru Tuhan koson mamagun giu' ra pagun Jiuda.

JIRIMIA 43:7

Minanggal ilo ra susuban ru Tuhan, am minongoi ra Misir saboi koson ra galur ru bandar Tapanis.

YEHEZKIEL 2:7

Posoboyo' ragu Kuno risilo, rumongog ilo kapoam kalo. Karaa' noyo, ilo ngaangai' no gumuor.

YEHEZKIEL 3:17

“Okou ulun mapandai matoi, lantikon Tokou masauk ra magagalung ra bansa' ru Israil. Musiti' kou mampasaboi ra pampakaraan ondo' pataakon Kutu rirun ra tayar nilo.

YEHEZKIEL 33:31

Ilo ngaangai' pana matong tumimung am koson ra ulun Kuno rumongog ilo rirun, kaa' kalo binaal nilo atan ondo' nanusuban muno. Ragu nilo maamis, kaa' guang nilo mangkara' ayuk ra maulian.

YEHEZKIEL 33:32

Karaan nilo okou sangulun maririmbai ra rimbai togom ondo' maamis bolos am mapandai mangkuli ra jitor. Rongogon nilo ngaangai' ragu muno, kaa' kalo gagayaan.

RINALATAN 20:20

Nakapandai kano ra pinasalula' ku noyo ngaangai' ondo' mokoonong no ramuyun. Nangila' aku ramuyun ra saang ru ulun masuang am niayuk ra rorondo' baloi.

SAGULION 29:19

Ra gino ngai' min ondo' nokorongog ra kitaak moporos no ra orou raiti', pai' sangulun pana ondo' mangkara' ra io magulayun mabayag kabalu' pana gumogot toojo io am manugut ra kasagaan nano galama'. Binaal koson raginio mamuso ramuyun ngaangai', ulun ondo' moonsoi am ondo' malaat.

SAGULION 30:15

“Paat ra orou raiti' pambaal noyo ra pilian ra ondo' moonsoi am ondo' malaat, ondo' maayag am matoi.

SAGULION 30:19

Raino makapampili' kau ra bayag am matoi, ra barakat ri Aki Kapuuno' am ulas Nano. Mampiau aku ra limbowon am tana' ti koson masauk ra sasi' ra kapatasan min. Pilio' noyo bayag.