JIRIMIA 42:2 - Tanou Moonsoi Timugon

² Indagu ilo raki', “Pangindangan no ra iowo' kitaakon mai. Pakiasi' no ra Tuhan, i Aki Kapuuno' takau ra bala mai. Pakiasi' no ra bala mai ngaangai' ondo' naayag. Ragili masuang akai, kaa' raino ilai' noyo, kalo boo masuang akai.

JIRIMIA 42:2 ပူးပေါင်းရင်းမြစ်များ

1 RAJA'-RAJA' 13:6

Indagu Raja' Jirobiam ra nabi no, “Pakiasi' noyo ra Tuhan, i Aki Kapuuno' muno ra bala kuno, am kitaako' noyo maa' raginio mamabas Io ra longon kutu!” Pakiasi' nabi no ra Tuhan, am longon ru raja' no binabas.

MAZMUR 119:170

Rongogo' noyo pakiasian kutu, am bayago' aku no sumugut ra bantu' Muli.

KAINGKUALAN 8:28

Indagu raja', “Mapaugar aku ramuyun mongoi ra tana' kaagisan koson mapataak ra taak simbalui ra Tuhan i Aki Kapuuno' min, ru kalo mongoi kau ra maalur kaga'. Pakiasi' noyo raki'.”

KAINGKUALAN 9:28

Pakiasi' noyo ra Tuhan. Sama' noyo akai naimbolo' sabap ra tingkalur am rasam batu ti. Bantuon ku ra mapaugar ramuyun. Kalo pana boo mayan kau ragiti.”

JISAYA 1:15

Bulintok ra akau mapatunui ra longon koson makiasi', kalo ilain Takamin. Kabalu' pana masalok kau makiasi', kalo rongogon Ku, sabap ra kalindu' mino masalok mampatoi.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 37:4

Raja' ru Asyur nanusub ra tingganai masawat kaga' nano koson magasab ri Aki Kapuuno' ondo' naayag. Gama' ru Tuhan, i Aki Kapuuno' muno mangkirongog ra pagasaban no am mangukum risilo ondo' nakaindagu no. Ginio ra pakiasi' kano ri Aki Kapuuno' koson mangindangan ra ulun ondo' lakat poyo naayag.”

JISAYA 42:20

Akau Israil, masuang kaga' nakito mini, kaa' mapara' kalo kukula' maratian mini. Makatalingo kau, kaa' kalo mokorongog kau.”

JIRIMIA 15:11

Iou Tuhan, amon ru kalo baalon ku kandoi kutu ra matanda', am kalo manaung ra pantula' giu' ra saang Muno paat ra ilo nalumpa' ru karaat am kapaganan, polosoon noyo ulas nilono totopot masauk. (

JIRIMIA 2:27

Ngaangai' kau tauyuon. Akau no minindagu ra rondo' puun tataun koson ra ama' min am rondo' bulur koson ra ina' min. Baal ragitio masauk sabap ra nangiruan kau Raki' am kalo minatong Raki'. Kaa' paat ra akau makakapaganan, piawon min Aku koson mamayag ramuyun.

JIRIMIA 21:2

“Pakitulu' no intor ra Tuhan koson ritakau, sabap ra Raja' Nibukadnijar intor ra Babilonia nabaya' ra pulalai nano, tatanga' magawang ra bandar takau. Maaru' lair Tuhan mambaal ra kaimuagan koson ritakau, am mampajajal ra Raja' Nibukadnijar lumugut.”

JIRIMIA 36:7

Maaru' lair makiasi' ilo ra Tuhan am timinalikur intor ra kalaatan nilo, sabap ra nompololob Tuhan risilo ra sangit am lasu' ru guang Nano.”

JIRIMIA 37:20

Raino, kasaga' no rumongog raki' am mangiou ra kitaakon kuno. Pai' aku no boo pasubolo' ra baloi ri Jonatan, sabap ra matoi aku ra giu' no.”

JIRIMIA 37:3

Nanusub Raja' Jidikia ri Jukal anak ri Silimia, am Imam Jipanya anak ri Maasiya koson makitaak ra aku makiasi' ra Tuhan, i Aki Kapuuno' takau, tayar ru pagun takau.

JIRIMIA 38:14

Rondo' paat ra bokon, nanusub Raja' Jidikia raki' muma' riso giu' ra kulobon katalu giu' ra Baloi ru Tuhan. Indagu raja', “Masaga' aku mangkuot ra rondo' pangkuatan, am musiti' kou mambala' toojo. Pai' sibunio' atan pana intor raki'.”

JIRIMIA 40:15

I Joganan pana mindagu boo riso ra sininok, “Iowo' noyo aku mamatoi ri Ismail. Kolondo' osoi pana nakapandai raginio. Kua kia pinoloso io mamatoi rirun? Baal raginio mangkinibit ra ngaangai' ulun ru Jaudi ondo' timinimung nababaya' rirun nakapantuliar saguli', am karaat ra liminumpa' ra ngaangai' ulun ondo' lakat poyo soroi giu' ra Jiuda.”

JIRIMIA 42:20

ra akau ngaangai' tatanga' mambaal ra kasalaan maayo. Makitaak kau raki' makiasi' ra Tuhan, i Aki Kapuuno' takau, am nambantu' kau koson gumagaya' ra moonong susuban Nano.

SULABOI 1:1

Mapara' boo siluk ru Jirusalim, ondo' ragili nososok ra mamagun! Ragili bandar no urumaton giu' ra titikop ru tana', kaa' raino koson ra ruandu' napuor. Bandar ondo' matulai kaga' ra tana' ti nasauk noyo ra ulipon.

YEHEZKIEL 12:16

Polosoon Ku santayaran boborok intor risilo maayag intor ra pangayawan, bitilan am maruol tumapik maa' raginio giu' ra gino ngai' ru bansa'-bansa' ra bokon no, makaliman ilo ra mapara' laat ru binaal nilo, am mangiou boo ra Aku noyo Tuhan.”

GOSIA 8:10

Kaa' raino timungon Ku ilo am mangukum risilo. Kalo boo mabuoi maimbolo' ilo paat ra raja' ru Asyur mangimbolo' risilo.

IMAMAT 26:22

Mangator Aku ra bibiag masigo ra tatanga' mino. Mamatoi bibiag-bibiag no ra anak-anak mino am mamuso ra bibiag tinambiag mino, saboi kukula' ngaulun kau ayuk soroi, am ralan-ralan mino mangasiluk.

AMOS 7:2

Sampanon ru gapu' no nangai' pangakan ra ngaangai' tutuu' ra tana'. Aku pana mindagu, “Iou Tuhan Raja', ampuno' noyo ulun Muno! Ati kulaan lair ilo tumaan? Ilo boborok kaga' am malawo!”

MATIUS 24:22

Kaa' kinariwa' ri Aki Kapuuno' orou raginio; amon ru kalo, kolondo' sangulun pana ra ulun ti maayag. Kaa' sabap ra ulun-ulun pinili' no, kinariwa' ri Aki Kapuuno' orou raginio.

RINALATAN 8:24

Indagu i Simon ri Pitrus am i Juanis, “Indangano' min aku makiasi' ri Aki Kapuuno' koson kalo matiu' aku ra atan ayuk ondo' rinagu min ra raitii' ni.”

SAGULION 28:62

Kabalu' pana akau sinauk koson ra kinasuang ru butitin giu' ra limbowon, kaa' sanganu ayuk ulun ra gino ngai' min mabayag, sabap ra akau kalo gumagaya' ra Tuhan i Aki Kapuuno' min.

SAGULION 28:63

Koson ra Tuhan masaga' mapasauk ramuyun ra langkaya' am nampakasuang ramuyun, koson raginio niayuk Io masaga' mamuso am mapaluus ramuyun. Kalo bubulon kau intor ra tana' ondo' kalo boo mabuoi maayanan min.

SAGULION 4:27

Mapatuliar Tuhan ramuyun ra popolos ru bansa'-bansa' ra bokon, am sanganu ayuk ra gino ngai' min maayag.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”

1 SAMUIL 12:23

Ra aku ti, makatula aku ra Tuhan amon ru kalo makiasi' aku ra tayar mino; gama' ru painggaluron ru Tuhan tula no intor raki'. Kaa' marayus aku mangila' ramuyun ra baal ondo' mongoonsoi am ondo' mongotopot.

1 SAMUIL 7:8

Indagu ilo ri Samuil, “Pai' kou longgo' makiasi' ra Tuhan, i Aki Kapuuno' takano, maa' raginio bayagon No itakau intor ra ulun ru Palistin.”