JIRIMIA 42:18 - Tanou Moonsoi Timugon

¹⁸ Tuhan, i Aki Kapuuno' ru Israil minindagu, ‘Koson ra sangit am lasu' ru guang Kuno nakalumpa' ra mamagun ru Jirusalim, koson raginio niayuk ra lasu' ru guang Kuno lumampa' ramuyun amon ru mongoi kau ra Misir. Mangalaa' ulun magilong ramuyun; asabin kau, am inggalan min alapon koson ra pagulasan. Kalo boo makakito kau ra pagun ti.’ ”

JIRIMIA 42:18 ပူးပေါင်းရင်းမြစ်များ

2 TUNUNG RU BANSA' ISRAIL 34:25

Inimpayan nilo Aku, am nampataak noyo ra taak-taak simbalui ra tuhan-tuhan ra bokon. Binaal nilo napasingkual ra sangit Kuno. Raino sumangit Aku ra Jirusalim, am sangit Kuno kalo noyo malasa'.

JISAYA 30:3

Kaa' raja' ru Misir kolondo' lulu' mangindangan risilo, am pangampinan ondo' lansanin nilo ra Misir kolondo' onong.

JISAYA 65:15

Ulun pinili' Kuno mamakai ra inggalan mino koson ra pagulasan, Aku, Tuhan Raja' mamatoi ramuyun, kaa' ilo ondo' gumagaya' Raki' aniin Ku ra inggalan bagu.

JIRIMIA 18:16

Sinauk nilo pagun ti ra intok makalalaa', saboi nasauk ra pangiisan ra sabubuoi no. Ngaangai' ulun ondo' mansail ra pagun ti makatigog magilong raginio, malaa' ilo am mamisik ra ulu.

JIRIMIA 22:27

Moondom kau kaga' ra pagun ti kaa' kalo makasaguli' kau.”

JIRIMIA 23:40

Tauyuon am asabin Ku ilo ra sabubuoi no, am pupus nilo kalo malilianan ru ulun.”

JIRIMIA 24:9

Mamparatong Aku ra karaat risilo saboi ngaangai' bansa' ra titikop ru tana' ti malaa'. Iison ilo, pasaukon ra kukuritin am tauyuon. Ati ayuk pantutuliaron Ku ilo, inggalan nilo alapon ra pagulasan.

JIRIMIA 25:9

‘Mampiau Aku ra ngaangai' bansa' intor ra ralayo, am niayuk ulipon Kuno, Raja' Nibukadnijar intor ra Babilonia. Susubon Ku ilo maa' raginio mamulunsar ra Jiuda am mamagun nano am niayuk mamulunsar ra ngaangai' bansa' ra liliut nano. Pusoon Ku mamagun ru Jiuda mababaya' ra bansa'-bansa' giu' ra liliut nano, am mompoloso risilo matutuk ra sabubuoi no. Osoi ayuk ondo' makakito risilo makatigog am malaa'. Aku, Tuhan, nakaindagu noyo.

JIRIMIA 26:6

Amon ru mansang kau ayuk, pamakuan Kuno ra Baloi Kutu koson ra pinamakuan Kuno ra Silo, saboi ngaangai' bansa' ra tana' ti mamakai ra inggalan ru bandar Jirusalim koson ra pagulasan.’ ”

JIRIMIA 29:18

Ilowon Ku ilo ra pangayawan, bitilan am maruol tumapik saboi ngaangai' bansa' ra titikop ru tana' ti malaa' magilong ra baal nilo. Giu' ra ati-ati pantutuliaron Ku ilo, ulun mangalaa' am magalabo magilong ra atan ondo' nasauk risilo. Asabin ilo, am inggalan nilo alapon ra pagulasan.

JIRIMIA 29:22

Paat ra ulun ondo' inibit intor ra Jirusalim pinoongoi ra Babilonia, masaga' magulas ra sasangulun, mindagu ilo, ‘Gama' ru pamakuan ru Tuhan rirun koson ri Jidikia am i Agab, ondo' sinolob ra naayag poyo ru raja' ru Babilonia.’

JIRIMIA 33:5

Kukula' ngaulun mangayou ra ulun ru Babilonia, ondo' mompososok ra baloi-baloi ra baangkai ru ulun ondo' linamba' Kuno saboi minatoi paat ra Aku siminangit am liminasu' guang. Iniruanan Ku bandar ti sabap ra kalaatan ru mamagun nano.

JIRIMIA 44:12

Mamagun ondo' lakat poyo minayan ra Jiuda, am ondo' gumogot mongoi giu' ra Misir am mayan ra giu', maaru' pusoon Ku. Ilo ngaangai', maayo am poyo boborok, matoi giu' ra Misir ralalom ru pangayawan kapoam sabap ra bitilan. Baal nilo makalalaa'. Ulun magasab risilo am mamakai ra inggalan nilo koson ra pagulasan.

JIRIMIA 44:22

Saboi orou raiti' pagun min nalunsai am kolondo' osoi pana minayan ra giu' no. Baal nano makalalaa'. Inambai poyo ra pinakai ru ulun inggalan nano koson ra pagulasan. Ngaangai' baal raginio nasauk sabap ra Tuhan kalo boo mokoorot ra kinalaat am binaal makauyuyu' min.

JIRIMIA 44:6

Ginio sabap no ra sangit am lasu' ru guang Kuno nakalumpa' ra bandar-bandar Jiuda am ralan-ralan giu' ra Jirusalim. Solobon Ku ngaangai' no saboi masauk ra nalunsai am intok ondo' makalalaa' saboi raino.

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 6:11

Iou Tuhan, sangit Muno risilo niayuk malasu' ra ralalom ru inan kutu! Kalo noyo moorot ku.” Tuhan pana mindagu, “Paabuso' sangit Kuno ra lalaing-lalaing giu' ra ralan-ralan maayo am ra ulun mamulok ondo' tatanga' mantitimung. Mansawo rokopon, am ulun matutuo pana rokopon.

JIRIMIA 7:20

Ginio ra Aku, Tuhan Raja' mampalumpa' ra sangit Kuno ra bibilak ra Baloi ru Tuhan, ra ulun am bibiag, am niayuk ra puun tataun am ampos ru tana' ti. Sangit Kuno bibilak koson ra apui ondo' kalo malasa'.

SULABOI 2:4

Patumaan no panah ra tampilon takau ilain koson itakau ti pantula' Nano; Potoyon No ngaangai' ulun ondo' nasauk ra kasagaan am mapabansuk ra guang takau. Giu' ra bandar Jirusalim makaliman takau ra apui ru sangit Nano.

SULABOI 2:6

Nanutuk Io ra Baloi ru Tuhan intok takau sumamba Riso; iniru' No ngaangai' pangiantakan am orou Sabat. Raja' am imam ngaangai' no naimbolo' kinibit ru sangit Nano.

SULABOI 4:11

Pinaabus ru Tuhan sangit Nano am monolob ra bandar Sion saboi napuso.

YEHEZKIEL 22:22

Koson ra pirok liniou giu' ra ralalom ru rapuan, koon raginio noyo Israil liowon giu' ra Jirusalim. Bagu no makapandai ilo ra makaliman ilo ra sangit ru Tuhan.”

DANIL 9:11

Ngaangai' ulun ru Israil minanggal ra ukum Muno am marara' rumongog Rirun. Makatula akai noyo Rirun, ginio ra nangukum Kou ramon ra pagulasan ondo' tinulisan ralalom ru Ukum ri Musa, ulipon Muno.

DANIL 9:27

Mambaal raja' no ra nabantuan ondo' mapiot ra masuang ulun buoi tulu' ngambilor. Malintanga' paat no, langgain ru raja' ngaangai' taak simbalui am pataakon. Rondo' ondo' sabiton ra ‘Karaat Ondo' Moporos’ pabantaan boo giu' ra Baloi ru Tuhan, am magulayun ra giu' no saboi ra ulun ondo' napabanta' no makatuum ra kapusaan ondo' inaru' noyo ri Aki Kapuuno' riso.”

GOSIA 7:16

Marayus ilo maya' ra dewa ondo' kolondo' atan pana kuasa'. Koson ra busur ondo' nandikong, mailo ilo lansanin. Sabap ra tingganai-tingganai nilo mindagu ra malilimbau, potoyon ilo ra ilang, am ulun ru Misir makakurit risilo.”

NAGUM 1:6

Osoi kia tumaan paat ra Tuhan sumangit? Kolondo' osoi pana makalabus intor ra sangit Nano. Paabuson No sangit Nano ondo' bibilak, saboi batu maumok am masauk ra kaau giu' ra saang Nano.

JAKARIA 8:13

Akau mamagun ru Jiuda am Israil! Paat ragili, bulintok ru ulun bansa' ra bokon magulas ra rondo' am bokon, mindagu ilo, ‘Gama' ru karaat ondo' nakalumpa' ra Jiuda am Israil makalumpa' niayuk ramuyun!’ Kaa' bayagon Takamin, saboi ulun bansa' ra bokon no mindagu ra ilo po ngai', ‘Gama' ru barakat ondo' pinataak ra Jiuda am Israil pataakin niayuk ramuyun!’ Ginio ra kaikango' guang mino am pai' kalaa'!”

UNTABAN 5:27

Amon ru liminapau noyo ruandu' no, mangkinibit timug no riso ra marualan kaga'; kumabung tinai' nano am kumumpis tingkuangon nano. Inggalan nano masauk ra ulas ra gino ngai' ru bansa' nano.

PINAINTALANG 14:10

Ginio pinawar No noyo ra sangkir ru sangit Nano am sanganu pana kalo tigowon No! Ngaangai' ondo' manginum no imboloon ralalom ru apui am balirang giu' ra saang ru malaikat-malaikat mapasau no am ra Anak Domba no.