JIRIMIA 42:10 - Tanou Moonsoi Timugon

¹⁰ ‘Amon ru masaga' kau mamagun ra pagun ti, pasingkoton Takamin am kalo mamuso ramuyun. Potolorogon Takamin am kalo mamparanga' ramuyun. Kapusaan ondo' palumpaan Kuno ramuyun mangkinibit Raki' mangiluk kaga' guang.

JIRIMIA 42:10 ပူးပေါင်းရင်းမြစ်များ

2 SAMUIL 24:16

Malaikat ru Tuhan nakasaboi noyo ra intok pangagikan ra gandum longgom ri Arauna, ulun ru Jibusi. Paat ra Tuhan nakakito ra nakatampos noyo malaikat no mamuso ra Jirusalim, kulawo' ru Tuhan kapatasan Nano koson mangukum ra ulun raginio. Indagu Io ra malaikat ondo' tatanga' mamatoi ra ulun raginio, “Sama'! Langgai'!”

MAZMUR 102:16

Ngaangai' ru bansa' no malaa' ra Tuhan; ngaangai' raja' ru tana' ti malaa' ra kuasa' Nano.

MAZMUR 106:45

Koson ra kaansayan nilo, karaan No nabantuan Nano, sabap ra togom Nano ra maayo, monogom Io risilo.

MAZMUR 37:3

Pangintopot no ra Tuhan am pambaal kano ra ondo' moonsoi; ayan no ra pagun ragitio am akau pana maayag.

MAZMUR 69:35

Omporo' noyo i Aki Kapuuno', akau limbowon am tana', raat am ngaangai' ilo ondo' maayag ra ralalom nano!

KAINGKUALAN 32:14

Ginio ra kulawo' ru Tuhan ginuang Nano am kalo sinugut No inatang ra karaat koson palumpaan ra ulun Nano.

JIRIMIA 24:6

Alungin Ku ilo am magibit risilo sumaguli' ra pagun ti. Baalon Ku ilo, am kalo lunsayon ilo; tolorogon Ku ilo am kalo bubulon ilo.

JIRIMIA 26:19

Raja' Gijkia am mamagun ru Jiuda kalo namatoi ri Mika. Sotopot no, Raja' Gijkia malaa' ra Tuhan am makimasi' Riso. Ginio ra kalo sinugut ru Tuhan inatangan Nano koson mampalumpa' ra karaat risilo. Raino ti, mamaar takau mamparatong ra karaat ondo' makalalaa' ra inan takau galama'.”

JIRIMIA 27:11

Kaa' bansa' ondo' masaga' kumuku' am masaga' mangandoi ayuk ra raja' ru Babilonia polosoon Ku mayan ra pagun galama' nilo koson magitanom ra giu' no. Aku, Tuhan, nakaindagu noyo.”

JIRIMIA 31:28

Koson ragili nagalung Aku koson mamubul, mampalunsai, mampaluir, mamuso am manutuk risilo, koson niayuk ra Aku magalung koson mopotolorog am mampabigor risilo saguli'.

JIRIMIA 33:7

Saukon Ku Jiuda am Israil ra langkaya', am manirong risilo saguli' koson ragili.

JIRIMIA 43:4

Kolondo' sangulun pana, i Joganan kapoam pagawai-pagawai saujor kapoam mamagun giminagaya' ra susuban ru Tuhan koson mamagun giu' ra pagun Jiuda.

YEHEZKIEL 36:36

Bagu no makapandai bansa'-bansa' paginggaar ondo' lakat poyo maayag ra Aku, Tuhan nambaal saguli' ra bandar-bandar ondo' napuut am nangandoi saguli' ra tana' ondo' kolondo' tutuu'. Aku, Tuhan nambantu' mambaal raginio am maaru' baalon Ku ginio.”

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

AMOS 7:3

Nangulau Tuhan ra guang Nano am indagu, “Baal ondo' nakito mino kalo masauk.”

AMOS 7:6

Nangulau Tuhan ra guang Nano poyo am indagu, “Baal ragitio pana kalo masauk.”

JUNUS 3:10

Nakito ri Aki Kapuuno' binaal nilo; nakito No ra ilo kalo boo nambaal ra malaat. Ginio ra nangulau Io ra guang Nano am kalo boo sinugut ukuman ondo' inatang Nano risilo.

JUNUS 3:4

Siminubol i Junus ra bandar no, am kalupus nonsongorou minugar, tumalimpuun io mampatanou ra tanou ti, “Apat ngoopor ngoorou poyo, pusoon noyo Niniwi!”

JUNUS 4:2

Io pana makiasi' boo, “Iou Tuhan, paat ra aku kalo poyo minugar intor ra baloi kuli ragili, sala' ka kia rinagu ku noyo ra Okou maaru' mambaal ragitio? Ginio noyo sabap ra gumogot aku magiru' mongoi ra Sipanyol! Nakapandai aku no ra Okou i Aki Kapuuno' ondo' motogom kaga' am makaasi', masalok moorot guang, molomoi, am masalok tumampos koson mangulau ra guang saboi kalo mamparatu' ra ukuman.

RINALATAN 15:16

‘Tauli no am matong Aku po saguli', kon ru Tuhan, Tirongon Ku saguli' baloi ri Daut ra nalunsai i, am toojoon Ku ondo' naaba' i. Pabigoron Ku ginio saguli',

SAGULION 32:36

Mamayag Tuhan ra ulun Nano paat ra Io makakito risilo kolondo' ikang. Makaasi' Io ra ulipon Nano, paat ra Io nakakito risilo kalo makalulu'.

TINGGANAI RU BANSA' 2:18

Paat ra Tuhan manaak risilo ra sangulun tingganai, mangindangan Tuhan ra tingganai no am mamayag risilo intor ra pantula' buoi ru tingganai no maayag. Makaasi' Tuhan risilo paat ra ilo maguros sabap inimbolo' am inulipon.