JIRIMIA 41:9 - Tanou Moonsoi Timugon

⁹ Tulubong intok namatiran ri Ismail ra ulun ondo' pinatoi nano tulubong maayo; tulubong raginio noyo ondo' kinali ru Raja' Asa paat io binulunsar ru Raja' Baisa intor ra Israil. Sinosok ri Ismail tulubong no ra baangkai.

JIRIMIA 41:9 ပူးပေါင်းရင်းမြစ်များ

2 SAMUIL 17:9

Maaru' lair paat ra raino ti pana tatanga' io nansibuni giu' ra ralalom ru rondo' luang batu kapoam intok ra bokon. Paat ayuk ra ulun-ulun muno bulunsaron ru Raja' Daut, am mokoondo' ra matoi, maaru' ra osoi ayuk ondo' mokorongog ra baal raginio mindagu ra ulun-ulun muno kinala noyo.

JISAYA 14:19

kaa' okou kolondo' lobong kabalu' pana baangkai muno patirin am polosoon saboi mapasa' am niayuk matauban ra baangkai ru saujor-saujor ondo' minatoi ra pangayawan. Ngaangai' no pinobobol ra luang ondo' kabatuan. Koson ra baangkai ra kikinjangin,

IBRANI 11:38

Ulun ru tana' ti kalo maaya' lumatok risilo. Kolondo' intok randanan nilai, giu' ilo ayuk ra kabuluran am intok masiluk am minayan ra luang batu am luang ru tana'.

TINGGANAI RU BANSA' 6:2

Maikang poyo ulun ru Midian intor ra ulun ru Israil. Ginio sabap ra nansibuni ulun ru Israil giu' ralalom ru luang batu am intok ra bokon ondo' mamayag giu' ra bulur-bulur.

1 SAMUIL 13:6

Kopongo raginio namulunsar ilo ra masaran ra ulun ru Israil, saboi ulun ru Israil soroi ra makalalaa'. Kukula' ngaulun ru Israil nansibuni giu' ra ralalom ru luang batu am luang ru gunung, kapoam siminilot ra ralalom ru batu maayo, kapoam giu' ra ralalom ru tulubong am luang ru tana'.

1 SAMUIL 14:11

Ginio ra pinoloso nilo ulun ru Palistin nakakito risilo. Indagu boo ulun ru Palistin, “Ilai' kon! Mokoondo' ulun ru Ibrani miningkual intor ra luang nansibunian nilono!”

1 SAMUIL 14:22

Ulun ru Israil ondo' nansibuni giu' ra kabuluran Ipraim niayuk nokorongog ra nagigiru' noyo ulun ru Palistin, ongoi ilo boo simpung ra Raja' Saul am namulunsar ra ulun ru Palistin.

1 SAMUIL 24:3

Nampili' Raja' Saul ra talu ngaulun saujor ondo' moonsoi kaga' intor ra titikop ru Israil, am minugar naguyum ri Daut am ulun-ulun nano giu' ra tampilon sirangon ru Bulur Batu Kambing Kataunan.