JIRIMIA 41:8 - Tanou Moonsoi Timugon

⁸ Kaa' mokoondo' mopor ngaulun risilo ondo' minindagu ri Ismail, “Pai' akai potoyo'! Mokoondo' akai ra gandum, barli, umau jaitun, am ruu' ru maningot ondo' binuni giu' ra umo.” Ginio ra pinalabus ilo ri Ismail.

JIRIMIA 41:8 ပူးပေါင်းရင်းမြစ်များ

AYUP 2:4

Taam i Manusuk, “Ulun masaga' mapataak ra ngaangai' longgom nilo maa' raginio makatanduus kaayagan.

AMSAL 13:8

Ulun langkaya' mamakai ra ruit maa' raginio kaayagan nano moonsoi ayuk, kaa' ulun musikin makalabus intor ra kaayagan makalalaa'.

JISAYA 45:3

Aniin Tokou ra kalangkayaan intor ra intok-intok ondo' molondom am nakasibuni; bagu no makapandai kou ra Aku noyo Tuhan, am niayuk i Aki Kapuuno' ru Israil nampiau noyo ra inggalan muno.

JIRIMIA 41:9

Tulubong intok namatiran ri Ismail ra ulun ondo' pinatoi nano tulubong maayo; tulubong raginio noyo ondo' kinali ru Raja' Asa paat io binulunsar ru Raja' Baisa intor ra Israil. Sinosok ri Ismail tulubong no ra baangkai.

MATIUS 16:26

Atan onong ru ulun makaalap ra ngaangai' ru tana' ti amon ru matatakan io ra painawo nano? Maaru' kolondo'! Sabap atan kia pangangalig ra painawo nano?

MATIUS 6:25

“Ginio ra balain takamin: Pai' kau kaimamang ra bayag mino koson ra atan akanon am inumon kapoam atan bayang sulungin. Sala' ka kia kaayagan maatang intor ra mangakan, am inan maatang intor ra bayang?