JIRIMIA 41:2 - Tanou Moonsoi Timugon

² I Ismail am mopor ngaulun ondo' minaya' riso no namutus ra ilang am namatoi ri Gidalia.

JIRIMIA 41:2 ပူးပေါင်းရင်းမြစ်များ

2 RAJA'-RAJA' 25:25

Kaa' paat ra sila' katulu' bilor raginio, i Ismail anak ri Nitania, iono akupu ri Ilisama, sangulun makararaa' ru raja', minongoi ra Mijpa nababaya' ra mopor ngaulun ra bokon. Namulunsar ilo ri Gidalia am namatoi riso. I Ismail niayuk namatoi ra ulun ru Israil am ulun ru Babilonia ondo' soroi ra giu'.

JIRIMIA 40:5

Paat ra aku kalo tumaam, mindagu i Nibujaradan, “Saguli' no ri Gidalia anak ri Agikam, akupu ri Sapan, ondo' linantik ru raja' Babilonia nasauk ra gabenor ru bandar-bandar ru Jiuda. Makaayan kou riso am maayag mababaya' ra mamagun kapoam mongoi ra ati ayuk kasagaan muno.” Kopongo raginio inanian no aku ra tangguang am lutu' ru akanon, am pinalabus no boo aku.

JIRIMIA 40:7

Kukula' ngaulun pagawai am saujor ru Jiuda lakat poyo kalo nakirakop. Nokorongog ilo ra raja' ru Babilonia nampalantik ri Gidalia nasauk ra gabenor ru pagun no, am ngaangai' mamagun ondo' musikin kaga' giu' ra pagun no, ondo' kalo inibit ra Babilonia pinataak ragana' ru kuasa' nano.

MAZMUR 109:5

Moonsoi aku risilo kaa' poboloson nilo kalaatan, am togom kuno ra kasisangan.

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’

JIRIMIA 40:8

Ginio ra i Ismail anak ri Nitania, i Joganan anak ri Karia, i Siraya anak ri Tanumit, anak-anak ri Ipai ulun ru Nitopa, am i Jijania anak ri Maakga minongoi nababaya' ra ulun nilo minuma' ri Gidalia giu' ra Mijpa.

JIRIMIA 41:3

Pinatoi niayuk ri Ismail ngaangai' ulun ru Israil ondo' nababaya' ri Gidalia giu' ra Mijpa, am saujor-saujor ru Babilonia ondo' nakapaat raginio soroi ra giu'.

JIRIMIA 40:14

am indagu riso, “Kalo kia nakapandai kou ra Raja' Baalis intor ra Amon, nanusub ri Ismail koson mamatoi rirun?” Kaa' kalo mangintopot i Gidalia.

JIRIMIA 40:16

Kaa' taam i Gidalia, “Pai' baalo' ginuang muno! Ragu-ragu muno intor ri Ismail no kalo motopot!”