JIRIMIA 41:1 - Tanou Moonsoi Timugon

¹ Paat ra sila' katulu' ru bilor raginio, i Ismail anak ri Nitania, akupu ri Ilisama, nababaya' ra mopor ngaulun minongoi ra Mijpa koson muma' ri Gidalia. I Ismail sangulun makapabukatan ra raja', am pagawai masawat ru raja'. Tatanga' ilo nantulibung ra mangakan.

JIRIMIA 41:1 ပူးပေါင်းရင်းမြစ်များ

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 RAJA'-RAJA' 11:1

Paat ri Atalya, ina' ru Raja' Agajia, nokorongog ra namatayan ra anak ungkuyon nano, ina' ru raja' no nanusub maa' raginio ngaangai' pabukat ru raja' potoyon.

2 RAJA'-RAJA' 25:22

Raja' Nibukadnijar intor ra Babilonia nampalantik ri Gidalia anak ri Agikam, iono akupu ri Sapan, nasauk ra gabenor ru pagun Jiuda. Io namarinta ra ngaangai' ulun ondo' kalo inibit ra Babilonia.

2 RAJA'-RAJA' 25:25

Kaa' paat ra sila' katulu' bilor raginio, i Ismail anak ri Nitania, iono akupu ri Ilisama, sangulun makararaa' ru raja', minongoi ra Mijpa nababaya' ra mopor ngaulun ra bokon. Namulunsar ilo ri Gidalia am namatoi riso. I Ismail niayuk namatoi ra ulun ru Israil am ulun ru Babilonia ondo' soroi ra giu'.

2 TUNUNG RU BANSA' ISRAIL 22:10

Paat ra ina' ru Raja' Agajia nokorongog intor ra namatayan ra anak ungkuyon nano, ina' ru raja' no nanusub maa' raginio ngaangai' ulun ra sasambaloi ru raja' Jiuda potoyon.

MAZMUR 109:5

Moonsoi aku risilo kaa' poboloson nilo kalaatan, am togom kuno ra kasisangan.

MAZMUR 41:9

Mindagu ilo, “Malanjag maruol nano am kalo boo makasukal intor ra kaalangan no.”

AMSAL 13:10

Limbau magibit ra kapaganan; ulun mapintar mangapu ra pangilaan.

AMSAL 27:4

Sangit no malaat kaga' am niayuk makatutuk, kaa' kolondo' sangulun pana makatingkuang ra kaingatan.

JIRIMIA 36:12

Kopongo raginio minongoi i Mikaya ra istana ru raja', giu' ra lamin ru mamamatik ru pagun. Paat raginio ngaangai' ru pagawai istana tatanga' nansusunur. I Ilisama ioginio mamamatik ru pagun, i Dilaya anak ri Simaya, i Ilnatan anak ri Akbor, i Gimarya anak ri Sapan, i Jidikia anak ri Gananya, am ngaangai' pagawai ra bokon soroi ra giu' no.

JIRIMIA 36:20

Binulian ru pagawai-pagawai naskhah rinulun no giu' ra ralalom ru lamin ri Ilisama, mamamatik no, ongoi boo pabalaa' ngaangai' no ra raja'.

JIRIMIA 39:14

nangalap raki' intor ra liliut ru istana. Pinataak nilo aku ra paalungin ri Gidalia anak ri Agikam, akupu ri Sapan, ondo' musiti' mangator raki' muli' ra maayag. Ginio ra minayan aku ra giu' no nababaya' ra mamagun.

JIRIMIA 40:13

Kopongo raginio, i Joganan am tingganai-tingganai ru saujor ondo' kalo poyo nakirakop, minatong ri Gidalia

JIRIMIA 40:5

Paat ra aku kalo tumaam, mindagu i Nibujaradan, “Saguli' no ri Gidalia anak ri Agikam, akupu ri Sapan, ondo' linantik ru raja' Babilonia nasauk ra gabenor ru bandar-bandar ru Jiuda. Makaayan kou riso am maayag mababaya' ra mamagun kapoam mongoi ra ati ayuk kasagaan muno.” Kopongo raginio inanian no aku ra tangguang am lutu' ru akanon, am pinalabus no boo aku.

JIRIMIA 40:6

Minongoi aku ri Gidalia giu' ra Mijpa, am minayan nababaya' ra mamagun ondo' lakat poyo giu' ra pagun no.

JIRIMIA 40:7

Kukula' ngaulun pagawai am saujor ru Jiuda lakat poyo kalo nakirakop. Nokorongog ilo ra raja' ru Babilonia nampalantik ri Gidalia nasauk ra gabenor ru pagun no, am ngaangai' mamagun ondo' musikin kaga' giu' ra pagun no, ondo' kalo inibit ra Babilonia pinataak ragana' ru kuasa' nano.

JIRIMIA 40:8

Ginio ra i Ismail anak ri Nitania, i Joganan anak ri Karia, i Siraya anak ri Tanumit, anak-anak ri Ipai ulun ru Nitopa, am i Jijania anak ri Maakga minongoi nababaya' ra ulun nilo minuma' ri Gidalia giu' ra Mijpa.

YEHEZKIEL 17:13

Magibit io sangulun ra sasambaloi ru raja' am makimabantu' riso, am manusub riso magibot ra gumagaya' riso. Rokopon ru raja' ru Babilonia tingganai-tingganai ru Jirusalim

JUANIS 13:18

Sala' ka akau ngaangai' kon Kuli. Nakapandai Aku osoi pinili' Kuli. Kaa' ragu ru Buuk Kitab ragitio suguton noyo, ‘Ulun ondo' gumulung Raki' mangakan, tumula' io Raki'.’