JIRIMIA 40:5 - Tanou Moonsoi Timugon

⁵ Paat ra aku kalo tumaam, mindagu i Nibujaradan, “Saguli' no ri Gidalia anak ri Agikam, akupu ri Sapan, ondo' linantik ru raja' Babilonia nasauk ra gabenor ru bandar-bandar ru Jiuda. Makaayan kou riso am maayag mababaya' ra mamagun kapoam mongoi ra ati ayuk kasagaan muno.” Kopongo raginio inanian no aku ra tangguang am lutu' ru akanon, am pinalabus no boo aku.

JIRIMIA 40:5 ပူးပေါင်းရင်းမြစ်များ

2 RAJA'-RAJA' 22:12

Kono ra Imam Ilkia, ri Agikam anak ri Sapan, i Akbor anak ri Mika, i Sapan, iono mamamatik ru istana, am ri Asaya, iono pagawai saujor ru raja',

2 RAJA'-RAJA' 22:14

I Ilkia, i Agikam, i Akbor, i Sapan am i Asaya minongoi pakitulu' intor ra sangulun ruandu' ininggalanan ri Gulda. Io sangulun nabi ruandu' ondo' minayan giu' ra namagunan bagu giu' ra Jirusalim. Ralaki nano i Salum, anak ri Tikwa, akupu ri Gargas, iono manalingapu ra bayang ru sambayang giu' ra Baloi ru Tuhan. Tinunung nilo atan ondo' nasauk no ri Gulda.

2 TUNUNG RU BANSA' ISRAIL 34:20

Indagu raja' ri Ilkia ri Agikam anak ri Sapan, i Abdon anak ri Mika, i Sapan mamamatik ru pagun, am i Asaya ulipon ru raja',

IJRA 7:27

Kopongo raginio indagu i Ijra, “Koompor noyo Tuhan, i Aki Kapuuno' ru kinamatuaan takau! Binuir no guang ru raja' saboi kinara' no timpokon Baloi ru Tuhan giu' ra Jirusalim.

IJRA 7:6

I Ijra sangulun ondo' nakaigigila' am mapandai am makatutun toojo ra Ukum ondo' tinaakan ru Tuhan, i Aki Kapuuno' ru Israil ri Musa. Nangani' Raja' ri Ijra ra atan ayuk kinitaak no sabap ra binarakat i Ijra ru Tuhan, i Aki Kapuuno' nano. Paat ra bilor katulu' ra pamarintaan ru Raja' Artasasta, minugar i Ijra intor ra pagun ru Babilonia minongoi ra Jirusalim nababaya' ra santimungan ulun ru Israil, nakaaya' kukula' ngaulun imam, ulun ru Liwi, ulun maririmbai, am niayuk ulun magalung ra kulobon ru Baloi ru Tuhan am ulun-ulun mangngandoi.

NIGIMIA 1:11

Ginio ra, rongogo' noyo pakiasian kutu am pakiasian ru ulipon-ulipon Muno ra bokon, ondo' moogot mangurumat Rirun. Anii' ra kaindanganan Muno maa' raginio paat ra orou raiti' ulipon Muno makasugut makaalap ra pakimasian intor ra raja'.” Paat raginio, aku ti mampasulung ra inumon ru raja'.

AYUP 22:29

Ulun ondo' lumimbau paingganaan ri Aki Kapuuno', kaa' ondo' minggana' guang bayagon No.

AMSAL 16:7

Amon ru mangansuk kau ra guang ru Tuhan, ngaangai' pantula' masauk min ra rangan.

AMSAL 21:1

Pangkaraan ru raja' Tuhan noyo manguasa' koson ra Io nangaru' ra tulukan ru sungoi.

JIRIMIA 15:11

Iou Tuhan, amon ru kalo baalon ku kandoi kutu ra matanda', am kalo manaung ra pantula' giu' ra saang Muno paat ra ilo nalumpa' ru karaat am kapaganan, polosoon noyo ulas nilono totopot masauk. (

JIRIMIA 26:24

Kaa' inindangan aku ri Agikam anak ri Sapan, ginio ra kalo pinataak aku ra mamagun koson potoyon.

JIRIMIA 39:14

nangalap raki' intor ra liliut ru istana. Pinataak nilo aku ra paalungin ri Gidalia anak ri Agikam, akupu ri Sapan, ondo' musiti' mangator raki' muli' ra maayag. Ginio ra minayan aku ra giu' no nababaya' ra mamagun.

JIRIMIA 40:4

Okou palabuson ku am mangiru' ra rantai intor ra longon muno. Amon ru masaga' kou, maya' kou raki' mongoi ra Babilonia am alungin tokou. Kaa' amon ru marara' kou, kalo pana. Giti ra titikop pagun ti, makaugar kou mongoi ra ati ayuk pana kasagaan muno.”

JIRIMIA 41:1

Paat ra sila' katulu' ru bilor raginio, i Ismail anak ri Nitania, akupu ri Ilisama, nababaya' ra mopor ngaulun minongoi ra Mijpa koson muma' ri Gidalia. I Ismail sangulun makapabukatan ra raja', am pagawai masawat ru raja'. Tatanga' ilo nantulibung ra mangakan.

JIRIMIA 41:2

I Ismail am mopor ngaulun ondo' minaya' riso no namutus ra ilang am namatoi ri Gidalia.

RINALATAN 27:3

Iosuabon, nakasuku' akai ra Sidon. Moonsoi pamakuan ri Julius no ri Paulus. Nangiou io riso muma' ra rangan nano ondo' masaga' mangani' riso ra atan ayuk kolondo' riso.

RINALATAN 27:43

Kaa' kalo iniou ilo ru tingganai nilai sabap ra masaga' io mamayag ri Paulus. Ginio ra susubo' no ngaangai' ulun ondo' mapandai mansarui galing tumindak am mansarui ra nagas.

RINALATAN 28:10

Nangani' ilo ra masuang tangguang ramon. Paat ra akai masaga' masundoi, ibiti' nilo akai ra kapal ra atan ayuk kuliamos ru pangkiralanan mai.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”